www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, January 29, 2013

ဘင်္ဂါလီ ရွှေ့ပြောင်း လုပ်သားများအား ခေတ္တ နေထိုင်ခွင့်ပေးရန် ထိုင်းအမျိုးသား လုံခြုံရေး ကောင်စီ စီစဉ်လျက်ရှိ


၂၉-၁-၂၀၁၃

ထိုင်းနိုင်ငံ အမျိုးသား လုံခြုံရေး ကောင်စီ (NSC) နှင့် အခြားသော လုံခြုံရေး အေဂျင်စီ များသည် နိုင်ငံ အတွင်းသို့ ရောက်ရှိလာသော ဘင်္ဂါလီ ရွှေ့ပြောင်း လုပ်သားများကို ခိုလှုံခွင့် ပေးရန် အတွက် ဆောင်ခလာ ၊ ရနောင်း ၊ ရေယောင်း မြို့တို့တွင် ခေတ္တ ထိန်းသိမ်းရေး စခန်း ၃ ခု တည်ဆောက်ရန် အစိုးရထံသို့ တောင်းဆို သွားမည် ဖြစ်ကြောင်း NSC အတွင်းရေးမှူးချုပ် ဒုတိယ ဗိုလ်ချုပ်ကြီး ပရာဒွန် ပတ္တနာဘု က ဇန်န၀ါရီ ၂၈ ရက်နေ့တွင် ပြောကြား ခဲ့သည်ဟု ဘန်ကောက်ပို့စ် သတင်း တစ်ပုဒ်အရ သိရသည်။

ထိုင်းနိုင်ငံ အနေဖြင့် နိုင်ငံအတွင်း ၀င်ရောက် လာသည့် ဘင်္ဂါလီ ရွှေ့ပြောင်း လုပ်သား ဦးရေ ပိုမို များပြား လာနိုင် သောကြောင့် ၄င်းတို့ကို ဒုက္ခသည် စခန်းများ အဖြစ် ကာလကြာ ရှည်စွာ နေထိုင်ခွင့် ပြုမည် မဟုတ်ကြောင်း ပရာဒွန် ပတ္တနာဘု က ပြောကြားခဲ့သည်။ ဇန်န၀ါရီ ၂၈ ရက်နေ့ အစောပိုင်း တွင် ဖန်င ပြည်နယ် Ku Ko Surin အမျိုးသား ဥယျာဉ်၌ ဘင်္ဂါလီ ရွှေ့ပြောင်း လုပ်သား ၁၀၈ ဦးခန့်အား နစ်မြုပ် နေသော လှေတစ်စီး ပေါ်မှ ကယ်ဆယ် ထားခဲ့ကြောင်း နှင့် ၄င်းတို့တွင် အမျိုးသား ၆၉ ဦး ၊ အမျိုးသမီး ၂၆ ဦး နှင့် တစ်လသား အရွယ် ကလေးတစ်ဦး အပါအ၀င် ကလေးငယ် ၁၃ ဦး ပါဝင်ကြောင်း သိရသည်။

အဆိုပါ ဘင်္ဂါလီ ရွှေ့ပြောင်း လုပ်သား များအား ထိုင်းနိုင်ငံသို့ ရောက်ရှိ ပြီးနောက် ၆ လ အတွင်းသာ ခေတ္တ ထိန်းသိမ်းရေး စခန်းတို့တွင် ထားရှိမည် ဖြစ်ကြောင်း နှင့် ၄င်းနောက် မြန်မာ ၊ သို့မဟုတ် အခြားသော နိုင်ငံ များသို့ ပြန်လည် စေလွှတ် သွားမည် ဖြစ်ကြောင်း ဒုတိယ ဗိုလ်ချုပ်ကြီး ပရာဒွန် ပတ္တနာဘု က ပြောကြား ခဲ့သည်။ ဒုတိယ ဗိုလ်ချုပ်ကြီး ပရာဒွန် ပတ္တနာဘု သည် ဘင်္ဂါလီ အရေးး နှင့် ပတ်သက်၍ ဆွေးနွေးရန် အတွက် ထိုင်း တပ်မတော် ကိုယ်စားလှယ်များ ၊ အခြား လုံခြုံရေး အေဂျင်စီ များနှင့်လည်း ဇန်န၀ါရီ ၂၅ ရက်နေ့က တွေ့ဆုံ ဆွေးနွေး ခဲ့ကြောင်း သိရှိရသည်။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger