ကျောက်ကြီးမြို့နယ်၊ မုံးမြို့ရှိ ပြည်သူ့စစ်(ဌာနေ) အဖွဲ့ဝင်များအား တွေ့ဆုံ၊ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

-

နေပြည်တော်  ဖေဖော်ဝါရီ  ၁ဝ ပဲခူးတိုင်းဒေသကြီး၊ ကျောက်ကြီးမြို့နယ်၊ မုံးမြို့ရှိ ပြည်သူ့စစ်(ဌာနေ) အဖွဲ့ဝင်များအား ဖေဖော်ဝါရီ ၉ ရက် နေ့လယ်ပိုင်းတွင် မုံးမြို့၊ နယ်မြေခံတပ်ရင်းခန်းမ၌ တောင်ပိုင်းတိုင်းစစ်ဌာနချုပ်  တိုင်းမှူး  ဗိုလ်ချုပ်မျိုးဝင်းနှင့် အဖွဲ့ဝင်များက သွားရောက်တွေ့ဆုံသည်။ 

-

ဦးစွာ တိုင်းမှူးက အမှာစကားပြောကြားပြီး ပြည်သူ့စစ်(ဌာနေ) အဖွဲ့ဝင်များ၏ တင်ပြချက်များအပေါ်လိုအပ်သည်များ ညှိနှိုင်းဆောင်ရွက်ပေးပြီး  ပြည်သူ့စစ်(ဌာနေ) အဖွဲ့ဝင်များအတွက်  စားသောက်ဖွယ်ရာများပေးအပ်ခဲ့သည်။ 

-

-

ထို့ပြင် တိုင်းစစ်ဌာနချုပ်၊ နယ်လှည့်ဆေးကုသရေး အဖွဲ့ကအဆိုပါခန်းမ၌ ပြည်သူ့စစ်(ဌာနေ) အဖွဲ့ဝင်များနှင့် မိသားစုဝင် ၁၂ဝ ဦးတို့အား သွေးတိုးရောဂါ၊ နှလုံးရောဂါ၊ ငှက်ဖျားရောဂါ၊ မျက်စိရောဂါ၊အရိုး/အကြောရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေးကုသပေးခြင်း၊ ECG စက်ဖြင့် နှလုံးစမ်းသပ်ပေးခြင်း၊ Ultrasound စက်များဖြင့်  ရောဂါရှာဖွေ စမ်းသပ်ပေးခြင်းများ ဆောင်ရွက်သည်။ ယင်းသို့ ဆောင်ရွက်ပေးနေမှုများကိုတိုင်းမှူးနှင့် အဖွဲ့ဝင်များက လိုက်လံကြည့်ရှု အားပေးပြီးလိုအပ်သည်များ ညှိနှိုင်းဆောင်ရွက် ပေးခဲ့ကြောင်း သတင်းရရှိသည်။

-

#မြ၀တီနေ့စဉ်သတင်းစာ