မှော်ဘီမြို့နယ်၊ တပ်ကြီးကုန်း ကျေးရွာရှိ ရွှေနှလုံးတော်ကက်သလစ်ဘုရားကျောင်း၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်

-

နေပြည်တော်   ဖေဖော်ဝါရီ   ၁၃

-

ရန်ကုန်တိုင်းဒေသကြီး၊ မှော်ဘီမြို့နယ်၊ တပ်ကြီးကုန်း ကျေးရွာရှိ ရွှေနှလုံးတော်ကက်သလစ်ဘုရားကျောင်းမှ  ခရစ်ယာန် ဘာသာဝင်ဘုန်းတော်ကြီးများ၊ သီလရှင်များ၊ သင်တန်းသား၊ သင်တန်းသူများနှင့်အဆိုပါကျေးရွာနှင့် ပတ်ဝန်းကျင်ကျေးရွာ များမှဒေသခံပြည်သူများအား ယနေ့နံနက်ပိုင်းတွင် ရန်ကုန်တိုင်းစစ်ဌာနချုပ်၊ နယ်လှည့်ဆေးကုသရေးအဖွဲ့က ရွှေနှလုံးတော် ကက်သလစ်ဘုရားကျောင်း၌ကျန်းမာရေးစောင့်ရှောက်မှု လုပ်ငန်းများ ဆောင်ရွက် ပေးသည်။

-

-

ထိုသို့ဆောင်ရွက်ပေးရာတွင် ဆေးကုသရေးအဖွဲ့ကဘုန်းတော်ကြီးတစ်ပါး၊ သီလရှင်နှစ်ပါး၊ သင်တန်းသား၊ သင်တန်းသူများနှင့်ဒေသခံပြည်သူစုစုပေါင်း ၂၃၉ ဦးတို့ကို သွေးတိုးရောဂါ၊ ဆီးချို၊ သွေးချိုရောဂါ၊ အသက်ရှူလမ်းကြောင်းဆိုင်ရာ ရောဂါ၊ သွားနှင့် ခံတွင်းရောဂါ၊ အရေပြားရောဂါ၊ ကျောက်ကပ်ရောဂါ၊ အထွေထွေရောဂါတို့နှင့် ပတ်သက်၍လိုအပ်သည့် ဆေးဝါးကုသမှုများ ဆောင်ရွက်ပေးပြီးဘုရားကျောင်းဝင်းအတွင်း ခြင်ခိုအောင်းနိုင်သည့်နေရာများ၌ ခြင်ဆေးဖျန်းခြင်းများ ဆောင်ရွက်ပေးခဲ့ကြောင်း သတင်းရရှိသည်။

-

#မြ၀တီနေ့စဉ်သတင်းစာ