MFF ချာရတီဖလားပြိုင်ပွဲတွင် ရှမ်းယူနိုက်တက်အသင်း ဒုတိယအကြိမ် ဗိုလ်စွဲ

-

ရန်ကုန်     ဇန်နဝါရီ   ၆

-

၂ဝ၁၉  ရာသီကြို MFF ချာရတီဖလားပြိုင်ပွဲကို ယနေ့ညနေ ပိုင်းတွင် ရန်ကုန်မြို့ရှိ အောင်ဆန်းကွင်း၌ကျင်းပရာ ရှမ်းယူနိုက် တက်အသင်းနှင့်  ရန်ကုန်အသင်းတို့  ပွဲချိန်မိနစ် ၉ဝ တွင် တစ်ဂိုးစီသရေကျနေ၍ ပယ်နယ်တီဖြင့် ဆုံးဖြတ်ရာ  ရှမ်းယူနိုက် တက် အသင်းက ၄ ဂိုး ၃ ဂိုး စုစုပေါင်း ၅ ဂိုး ၄ ဂိုးဖြင့် အနိုင်ရဗိုလ်စွဲခဲ့သည်။ ရှမ်းယူနိုက်တက် အသင်းသည် ၂ဝ၁၉ ရာသီကြို ပထမဆုံး ပြိုင်ပွဲဖြစ်သည့်ချာရတီဖလားပြိုင်ပွဲတွင် ချန်ပီယံဆု ရယူပြီး  ရာသီ အဖွင့်လှခဲ့ကာ ယခုပွဲတွင် ကစားပုံပိုကောင်းခဲ့သလို   ပယ်နယ်တီ ဆုံးဖြတ်ရာတွင်လည်း ဂိုးသမား သီဟစည်သူ၏ လက်စွမ်းပြမှုကြောင့် အနိုင်ရခဲ့ခြင်းဖြစ်သည်။

-

ရန်ကုန်အသင်းမှာ  ယခုပွဲတွင် စမ်းသပ်မှုများပြုလုပ်ခဲ့ပြီး  အမာခံ ကစားသမားများနှင့် လူငယ်ကစားသမား အချို့ကို တွဲဖက် ပွဲထုတ်ရာတွင် ပုံစံကောင်း ပြသနိုင်ခြင်း မရှိခဲ့ပေ။ ရှမ်းယူနိုက်တက်အသင်းသည်အသစ်ခေါ်ယူထားသည့် မေကွန်၊  ဂူစတာဗို၊  နန္ဒကျော်၊ ဆက်ဖြိုးဝေ၊ နာကာမူရာတို့ကို  ပွဲထွက် လူစာရင်းတွင်  အသုံးပြုကာ သီဟစည်သူ၊ ဒေးဗစ်ဒန်း၊ ဟိန်းသီဟဇော်တို့ဖြင့် တွဲဖက်အသုံးပြုခဲ့သည်။ ရန်ကုန်အသင်းမှာ   ဂိုးသမား ကျော်ဇင်ထက်နှင့် ဘယ်နောက်ခံလူ မင်းကျော်ခန့်တို့ ပွဲပယ်ခံထားရ၍ လူငယ်ဂိုးသမား ဆန်းဆက် နိုင်ကိုအသုံးပြုခဲ့ပြီး မောင်မောင်လွင်၊  ရန်အောင်ကျော်၊ မင်းကိုသူ၊ ကျော်ဇင်ဦး၊ ဆယ်လာ၊  ယာမာ ဇာကီတို့ဖြင့် ပွဲထွက်ခဲ့သည်။

-

ပထမပိုင်း ၂၅ မိနစ်တွင် ရှမ်းယူနိုက်တက် အသင်းဂိုးစရခဲ့ပြီး မေကွန်က ပြစ်ဒဏ်ဘောကို တိုက်ရိုက်ကန်သွင်းခဲ့သည်။ ၃၄ မိနစ်တွင် ရွှေကို၏ကန်ချက် တိုင်ထိထွက်ခဲ့၍ ရှမ်းယူနိုက်တက်အသင်းနှစ်ဂိုးပြတ်ဦးဆောင်နိုင် မည့်အခွင့်အရေး လက်လွှတ်ခဲ့ရသည်။ ဒုတိယ ပိုင်းတွင် ရန်ကုန်အသင်းက တိုက်စစ်အား မြှင့်တင်ခဲ့သလို ကြည်လင်း၊ ရန်လင်းအောင် နှင့် သီဟဇော်တို့ကိုထည့်ကာ အပြောင်းအလဲလုပ်ခဲ့သောကြောင့် ကွင်းလယ်ကစားပုံ ပိုကောင်းခဲ့သည်။  ၅၂ မိနစ်တွင်  ရန်ကုန် အသင်းချေပဂိုးပြန်ရခဲ့ပြီး မိုကာလူးက ပြစ်ဒဏ်ဘောကို တိုက်ရိုက်ကန်သွင်းခဲ့ခြင်းဖြစ်သည်။ အချိန်ပိုဆက်မကစားဘဲ ပယ်နယ်တီဖြင့်တိုက်ရိုက်ဆုံးဖြတ်ခဲ့သည်။ ပယ်နယ်တီ ကန်သွင်းမှုတွင် ရှမ်းယူနိုက်တက် အသင်းက  ၄ ဂိုး ၃ ဂိုးဖြင့် အနိုင်ရခဲ့ခြင်းဖြစ်သည်။

-

ယခုပွဲတွင် ကွင်းဝင်ကြေး ငွေကျပ်  ၂၅သိန်းကျော်ရရှိခဲ့ပြီး မြန်မာနေရှင်နယ်ကလပ်အသင်းများက စုပေါင်းလှူဒါန်း ငွေများကိုကျိုက်ဝိုင်းလူငယ်ဖွံ့ဖြိုးရေးသင်တန်းကျောင်း၊ ရွာသာကြီးစိတ်ကျန်းမာရေးဆေးရုံ၊သဘာဝခေါ်သံဖောင်ဒေး ရှင်း၊ ရန်ကုန်အခြေစိုက် ပရဟိတ လူငယ်များ ကွန်ရက်နှင့် မဟာဓမ္မ ရက္ခိတဘုန်းတော်ကြီး သင်ပညာရေးကျောင်း တို့သို့ ငွေကျပ်သိန်း  ၃ဝ  စီဖြင့် ရန်ကုန်တိုင်း ဒေသကြီးလွှတ်တော်ဒုတိယဥက္ကဋ္ဌ ဦးလင်းနိုင်မြင့်၊ မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ  ဦးဇော်ဇော်နှင့် တာဝန်ရှိသူများက ပေးအပ်လှူဒါန်းသည်။ ယင်းနောက် ချာရတီဖလားပြိုင်ပွဲတွင်  ဗိုလ်စွဲခဲ့သည့်  ရှမ်းယူနိုက်တက်အသင်းအားမြန်မာနိုင်ငံဘောလုံးအဖွဲ့ချုပ်ဥက္ကဋ္ဌ  ဦးဇော်ဇော်က ချန်ပီယံဆုဖလား ပေးအပ်ကြောင်းသိရသည်။

-

#မြ၀တီနေ့စဉ်သတင်းစာ