ထိုင်းဘုရင့်ရေတပ် ဦးစီးချုပ် ADMIRAL LUECHAI RUDDIT ဦးဆောင်သည့် ကိုယ်စားလှယ်အဖွဲ့ ပြန်လည် ထွက်ခွာ

-

နေပြည်တော်  ဇန်နဝါရီ  ၂၃

-

ပြည်ထောင်စုသမ္မတ မြန်မာနိုင်ငံသို့ ချစ်ကြည်ရေးခရီး အလည်အပတ် ရောက်ရှိနေသည့် ထိုင်းဘုရင့်ရေတပ် ဦးစီးချုပ် Admiral Luechai Ruddit ဦးဆောင်သော ချစ်ကြည်ရေးကိုယ်စားလှယ်အဖွဲ့သည်  ယနေ့ညနေပိုင်းတွင် မင်္ဂလာဒုံလေတပ်စခန်း ဌာနချုပ်မှ ထိုင်းနိုင်ငံသို့ ပြန်လည်ထွက်ခွာကြရာ သန်လျင်တပ်နယ်  တပ်နယ်မှူး ဗိုလ်ချုပ် ဌေးနိုင်နှင့် တပ်မတော်(ရေ)မှအရာရှိကြီးများ၊ မြန်မာနိုင်ငံဆိုင်ရာ ထိုင်းနိုင်ငံ သံအမတ်ကြီးနှင့် စစ်သံမှူးများ၊ တာဝန်ရှိသူများက ပို့ဆောင်နှုတ်ဆက်ကြသည်။

-

အဆိုပါ ထိုင်းဘုရင့်ရေတပ် ဦးစီးချုပ်နှင့် အဖွဲ့ဝင်များသည် မြန်မာနိုင်ငံသို့ ရောက်ရှိနေစဉ် အတွင်း ဇန်နဝါရီ ၂၁ ရက်တွင် နေပြည်တော်ရှိ  တပ်မတော်စစ်သမိုင်းပြတိုက်သို့သွားရောက်လေ့လာခဲ့ကြပြီး ဇန်နဝါရီ ၂၂ ရက်တွင် နေပြည်တော်ရှိ ဥပ္ပါတသန္တိစေတီတော်၊ ရန်ကုန်မြို့ရှိ ရွှေတိဂုံစေတီတော်နှင့် ဗိုလ်တထောင်စေတီတော်တို့အား သွားရောက်ဖူးမြော်ကြည်ညိုခဲ့ကြသည်။

-

-

အလားတူ ယနေ့တွင်လည်း ထိုင်းဘုရင့်ရေတပ် ဦးစီးချုပ်နှင့် အဖွဲ့ဝင်များသည် ပဲခူးမြို့ရှိ ကမ္ဘောဇသာဒီနန်းတော်၊ ရွှေမော်ဓောဘုရားနှင့် ရွှေသာလျောင်းဘုရားများသို့ သွားရောက်လေ့လာဖူးမြော်ခဲ့ကြကြောင်း သတင်းရရှိသည်။

-

(၁ဝဝ)

-

#မြ၀တီနေ့စဉ်သတင်းစာ