အလယ်ပိုင်းတိုင်း စစ်ဌာနချုပ်၏ ပဋ္ဌာန်း ဒေသနာတော် ရွတ်ဆိုပူဇော်ပြိုင်ပွဲ အောင်ပွဲနှင့် ဆုပေးပွဲပြုလုပ်

-

နေပြည်တော်  ဒီဇင်ဘာ  ၄ 

-

အလယ်ပိုင်းတိုင်း စစ်ဌာနချုပ်၏ ပဋ္ဌာန်းဒေသနာတော် ရွတ်ဆိုပူဇော်ပြိုင်ပွဲ အောင်ပွဲနှင့် ဆုပေးပွဲကို ဒီဇင်ဘာ ၃ ရက် နေ့လယ်ပိုင်းတွင် နန်းမြို့အတွင်းရှိ နန်းမြို့ဆုတောင်းပြည့်ဘုရား ရန်အောင်မြင်ဓမ္မာရုံ၌ ပြုလုပ်ရာ မန္တလေးတိုင်းဒေသကြီး ချမ်းမြသာစည်မြို့နယ် မဟာနန္ဒီသေနာရာမတိုက် နဝမအုဌ်ကျောင်း ဦးစီးပဓာန မြို့နယ်သံဃနာယက အဖွဲ့ဥက္ကဋ္ဌ အဂ္ဂမဟာဂန္ထဝါစကပဏ္ဍိတ ဘဒ္ဒန္တဝိလာသ အမှူးပြုသော သံဃာတော်များနှင့် သာသနာ့အနွယ်ဝင် သီလရှင်များ ကြွရောက်တော်မူကြပြီး တိုင်းမှူး ဗိုလ်မှူးချုပ်ကျော်စွာလင်းနှင့် အရာရှိ၊ စစ်သည်၊ မိသားစုများ၊ ဒိုင်အဖွဲ့ဝင်များနှင့် ပြိုင်ပွဲဝင်ဝတ် အသင်းများ တက်ရောက်ကြသည်။

-

ဦးစွာ တိုင်းမှူးနှင့် တက်ရောက်လာကြသူများက မန္တလေးတိုင်းဒေသကြီး ချမ်းမြသာစည်မြို့နယ်၊ တောင်ထီးလင်း ကျောင်းတိုက်၊ ကွန်ချာကျောင်းဦးစီးပဓာန ဘဒ္ဒန္တစန္ဒာသီရိထံမှ  ငါးပါးသီလ ခံယူဆောက်တည်ကြပြီး သံဃာတော်များ ထံမှ ပရိတ်တရားတော်များ နာယူကာ  လှူဖွယ်ပစ္စည်းများ  ဆက်ကပ် လှူဒါန်းကြသည်။  ထို့နောက်  ဆုပေးပွဲကို ဆက်လက်ပြုလုပ်ရာ ဆုရရှိသော ဝတ်အသင်းများနှင့် ဒိုင်အဖွဲ့ဝင်များအား တာဝန်ရှိ သူများက ဆုများ အသီးသီး ပေးအပ်သည်။

-

အဆိုပါပဋ္ဌာန်းဒေသနာတော် ရွတ်ဆိုပူဇော်ပြိုင်ပွဲကို ပြိုင်ပွဲဝင်ဝတ်အသင်း ၂၂ သင်းဖြင့် နိုဝင်ဘာ ၂၉ ရက်မှ ဒီဇင်ဘာ ၃ ရက်အထိ ယှဉ်ပြိုင်ရွတ်ဆို ပူဇော်ခဲ့ခြင်း ဖြစ်ကြောင်း သတင်း ရရှိသည်။

-

(၁ဝဝ)

-

#မြ၀တီနေ့စဉ်သတင်းစာ