ကရင် နှစ်သစ်ကူးနေ့ အထိမ်းအမှတ် မြန်မာ-ထိုင်း ရိုးရာ လက်ဝှေ့ စိန်ခေါ်ပွဲ ယှဉ်ပြိုင် ထိုးသတ်မည်

-

နေပြည်တော်  ဒီဇင်ဘာ ၂၇ 

-

ကျန်းမာရေးနှင့်အားကစားဝန်ကြီးဌာန မြန်မာနိုင်ငံ ရိုးရာလက်ဝှေ့အဖွဲ့ချုပ်ကကြီးမှူးပြီး "STLနှင့် NAING MOE ENTERTAINMENT" တို့ ပူးပေါင်း စီစဉ်ကျင်းပသည့် ကရင်နှစ်သစ်ကူးနေ့ အထိမ်းအမှတ် မြန်မာ- ထိုင်း ရိုးရာ လက်ဝှေ့ စိန်ခေါ်ပွဲကို  တောင်ငူမြို့  ကေတုမတီ မိုးလုံလေလုံ အားကစားခန်းမ၌ ၂ဝ၁၉ ခုနှစ် ဇန်နဝါရီ ၆ ရက် မွန်းလွဲ ၁ နာရီတွင် ကျင်းပသွား မည်ဖြစ်ကြောင်း မြန်မာ့ရိုးရာ လက်ဝှေ့ အဖွဲ့ချုပ်မှသိရသည်။ 

-

ကရင်နှစ်သစ်ကူးနေ့ အထိမ်းအမှတ် မြန်မာ- ထိုင်းရိုးရာ လက်ဝှေ့စိန်ခေါ်ပွဲတွင်   အထူးငါးချီ စိန်ခေါ်ပွဲအဖြစ်  ထွန်းနိုင်ဦး (STL/ တောင်ငူ) နှင့် လေတ(ထိုင်း)တို့တွဲဆိုင်း ပါဝင်ယှဉ်ပြိုင်ထိုးသတ်ကြမည်ဖြစ်သည်။ ထို့ပြင် လေးချီ အထူးစိန်ခေါ်ပွဲ အဖြစ်  သွေးသစ် (STL/ တောင်ငူ) နှင့် စောထူးနိုင်(ဖိုးရာဇာ)၊ ဖိုက်တာ (STL) နှင့် ပန်ဒွန်သောင် (ထိုင်း) တို့ တွဲဆိုင်း ယှဉ်ပြိုင် ထိုးသတ်ကြမည်ဖြစ်သည်။ 

-

သုံးချီ အထူးစိန်ခေါ်ပွဲအဖြစ် စောသဲထူး (ကညောသ္မီ)နှင့် ကြည်စင်ထွန်း (အဖြူရောင်သွေးသစ်)၊ အေးဝင်းကို (ကညော သ္မီ) နှင့် ထက်မြတ်သွေး(အဖြူရောင် သွေးသစ်)၊ စောအယ်ကလူ (ကညောသ္မီ)နှင့်ထက်နိုင်အောင် (နဂါးမာန်) တို့ အပြင် မျိုးဆက်သစ်အထူး သုံးချီပွဲများလည်း ပါဝင်ယှဉ်ပြိုင်ထိုးသတ် သွားမည်ဖြစ်ကြောင်း သိရသည်။ 

-

ဇော်မျိုး(နေပြည်တော်)

-

#မြ၀တီနေ့စဉ်သတင်းစာ