ပုသိမ်-မုံရွာကားလမ်းဘေးရှိ ကျားအိုကျေးရွာ ရွာလယ်လမ်းကိုသံပေါင်ခတ်၍ ပိတ်ဆို့ထားသဖြင့်ကားများတန်းစီရပ်ပြီးကန့်ကွက်

-

ပန်းတောင်း ဒီဇင်ဘာ ၄

-

ပဲခူးတိုင်းဒေသကြီး ပန်းတောင်းမြို့နယ် ပုသိမ်-မုံရွာကားလမ်းဘေးရှိ ကျားအိုကျေးရွာ ရွာလယ်လမ်းကို ကားကြီးများဝင်မရအောင် သံပေါင်များခတ်၍ ပိတ်ဆို့ထားခြင်းကို ယနေ့တွင် ဒေသခံယာဉ်မောင်းများ က ကားများတန်းစီရပ်ပြီး ကန့်ကွက်မှုပြုလုပ်ခဲ့ကြကြောင်း သိရသည်။

-

ပန်းတောင်းမြို့နယ် ကျေးလက် ဒေသဖွံ့ဖြိုးတိုးတက်ရေးဦးစီးဌာနနှင့်ပူးပေါင်းဌာနများ၊ ဒေသခံများက လူထုဗဟိုပြုစီမံကိန်းဖြင့် ကွန်ကရစ်ခင်းထားသည့်အဆိုပါရွာလယ်လမ်းကို ကားကြီးများ ဝင်မရအောင် လမ်းထိပ် နှစ်ဖက်တွင် ဘောလုံးဂိုးတိုင်သဖွယ် လေးထောင့်သံပေင်များခတ်၍ ပိတ်ဆို့ထားခြင်းဖြစ်ကြောင်းသိရသည်။

-

ဒီလမ်းမကြီးကို အားကိုးပြီး လူမှုရေး၊ စီးပွားရေး၊ ခရီးသည်တွေ ကုန်စည်စီးဆင်းမှုကအစ ဒီလမ်းကိုပဲ အားကိုးရတာ။ ပြီးတော့ ခဝါဆည် ကလဲရှိတယ်။ ရေဘေးဆို ဒီလမ်းက ပဲပြေးရမှာ။ အဲလိုပိတ်ထားလိုက်တော့ အဆင်မပြေတော့ဘူး။ ဒီရွာရဲ့နောက်မှာ ဒီလမ်းကို အားကိုးရတဲ့ ရွာပေါင်း ခုနစ်ရွာရှိတယ်။ အဲဒါတွေ အတွက် လိုင်းကားသွားဖို့တောင် အဆင်မပြေတော့လို့ အခုလိုကန့်ကွက်ရတာပါဟု တုံကင်း (ချင်းရွာ)မှ ဒေသခံ ဦးသိန်းနိုင်ကပြောပြသည်။

-

သံပေါင်များပိတ်ဆို့ခြင်းကို ပြည်သူ လူထု၏အများဆန္ဒအရ ပြုလုပ်ခဲ့ ခြင်းဖြစ်ပြီး ယာဉ်များတန်ပိုတင်ခြင်း ကြောင့်လမ်းများပျက်စီးခြင်း၊ လမ်းအသုံးပြုခ အခကြေးငွေသတ်မှတ် ခြင်းတို့ကို ယာဉ်မောင်းများက မလိုက်နာခြင်းကြောင့် ပြုလုပ်ရခြင်းဖြစ်ကြောင်း လူထုဗဟိုပြုစီမံကိန်း မှ တာဝန်ရှိသူများက ပြောပြသည်။ 

-

သံပေါင်များကို ဒီဇင်ဘာ ၂ရက် က စတင်စိုက်ထူခဲ့ခြင်းဖြစ်ပြီး ယခုကန့်ကွက်မှုများ ပြုလုပ်နေစဉ် ပန်းတောင်းမြို့နယ်အုပ်ချုပ်ရေးမှူး အပါအဝင် စီမံကိန်းတာဝန်ရှိသူများ လာရောက်ကွင်းဆင်းဖြေရှင်းမှု 

ပြုလုပ်ပေးခဲ့ကြောင်း သိရသည်။

-

မောင်းတံတွေ ဖြုတ်ခိုင်းလိုက်ပြီ။ ဘာလို့လဲဆိုတော့ အများပြည်သူသွားတဲ့လမ်းမှာ အဲဒီလိုလုပ်လို့မရဘူး။ လမ်းခံနိုင်အားက ကြိုစဉ်းစားပြီးလုပ်ရမှာပေါ့။ အစဉ်အလာသွားတဲ့လမ်းကိုတော့ သွားလို့ရအောင် လုပ်ရမှာပါ။ ဖြုတ်ခိုင်းလိုက်ပါပြီဟု ပန်းတောင်းမြို့နယ်အုပ်ချုပ်ရေးမှူး ဦးကျော်ဆွေက ပြောပြ၍သိရသည်။  

-

MMK

-

#မြ၀တီနေ့စဉ်သတင်းစာ