တက္ကသိုလ်ဝင်စာမေးပွဲအင်္ဂလိပ်စာမေးခွန်းပုံစံသစ်ဆွေးနွေး

-

မြစ်ကြီးနား နိုဝင်ဘာ ၂၈ 

-

၂ဝ၁၈-၂ဝ၁၉ ပညာသင်နှစ် တက္ကသိုလ်ဝင်စာမေးပွဲ(အင်္ဂလိပ်စာ)မေးခွန်းပုံစံသစ် အကြောင်း ဆွေးနွေးပွဲနှင့် စာအုပ်များပေးအပ်လှူဒါန်းပွဲကို ယနေ့နံနက်ပိုင်းတွင် မြစ်ကြီးနားမြို့ ဧရာ ရပ်ကွက်ရှိ အမှတ်(၁)အခြေခံပညာအထက်တန်းကျောင်း အေးမြသီတာခန်းမ၌ ကျင်းပ သည်။

-

ရှေးဦးစွာ ပြည်နယ်အစိုးရအဖွဲ့ဝင် လူမှုရေးဝန်ကြီး ဒေါက်တာသင်းလွင်က အဖွင့်အမှာ စကားပြောကြားပြီး ကချင်ပြည်နယ်အတွင်းရှိ အခြေခံပညာအထက်တန်းအဆင့် တက္ကသိုလ် ဝင်တန်း အင်္ဂလိပ်စာဘာသာရပ်တွင် သင်ကြားလျက်ရှိသည့် ဆရာ၊ ဆရာမများအတွက် ၂ဝ၁၈-၂ဝ၁၉ပညာသင်နှစ် အင်္ဂလိပ်စာမေးခွန်း ပုံစံသစ်အထောက်အကူပြုစာအုပ်နှင့် ပြည်သူ့နီတိ၊ ပန်းပျိုးလက် သုတရသဆိုင်ရာ စာအုပ်များ လွှဲပြောင်းပေးအပ်လှူဒါန်းရာ တာဝန် ရှိသူများက လက်ခံရယူသည်။

-

ထို့နောက် ဆရာတစ်ဦးက၂ဝ၁၈-၂ဝ၁၉ပညာသင်နှစ်တွင်တက္ကသိုလ်ဝင်စာမေးပွဲ၌ ပြောင်းလဲ ဖော်ဆောင်သွားမည့် မေးခွန်းပုံစံသစ်နှင့်ပတ်သက်၍ ရှင်းလင်းဆွေးနွေးသည်။

-

ဆက်လက်၍ တက်ရောက်လာသူများအားအင်္ဂလိပ်စာမေးခွန်းပုံစံသစ်စာအုပ်နှင့် ပြည်သူ့နီတိ စာအုပ်စာစောင်များကို ထောက်ပံ့ပေးအပ်လှူဒါန်းကြောင်း သိရသည်။

-

#မြ၀တီနေ့စဉ်သတင်းစာ