ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း (၁၉)ကြိမ်မြောက် အာဆီယံကြည်းတပ် ဦးစီးချုပ်များ အစည်းအဝေး 19TH ACAMM တက်ရောက်

-

နေပြည်တော်၊ နိုဝင်ဘာ -၂၆ 

-

ဒုတိယ တပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း ဦးဆောင်သော မြန်မာ့တပ်မတော် ကိုယ်စားလှယ်အဖွဲ့သည် နိုဝင်ဘာ ၂၆ ရက် ဒေသစံတော်ချိန်နံနက် ၉ နာရီ ၁ဝ မိနစ်တွင် မလေးရှားနိုင်ငံ၊ မလက္ကာမြို့၊ Casa del Rio ဟိုတယ်၊ KD Hang Tuah Ballroom ၌ ကျင်းပပြုလုပ်သည့် (၁၉)ကြိမ်မြောက် အာဆီယံကြည်းတပ် ဦးစီးချုပ်များ အစည်းအဝေး (19th ASEAN Chiefs of  Army Multilateral Meeting- 19th ACAMM) ဖွင့်ပွဲအခမ်းအနားသို့ အာဆီယံ နိုင်ငံများမှ ကြည်းတပ် ဦးစီးချုပ်များနှင့် အတူ တက်ရောက်သည်။

-

-

ဦးစွာ မလေးရှားကြည်းတပ်ဦးစီးချုပ် General Dato' Seri Panglima Hj Ahmad Hasbullah Bin Hj Mohd Nawawi နှင့်မလေးရှား ကာကွယ်ရေးဝန်ကြီး Mr. Mohamad Sabu တို့က အဖွင့်အမှာစကားများ ပြောကြားကြပြီး မလေးရှားနည်းပညာတက္ကသိုလ် ပါမောက္ခ Dr. Azmi Bin Hassan က Non-tradiotional Thread  နှင့် Indo-Pecific လုံခြုံရေးဆိုင်ရာ perspective View များကို ဆွေးနွေးပြီး ဆွေးနွေးမှုအပေါ်တွင် တက်ရောက်လာကြသည့် အာဆီယံကြည်းတပ် ဦးစီးချုပ်များက အပြန်အလှန်ဆွေးနွေးခဲ့ကြကာ ပါမောက္ခ ကပင် လွှမ်းခြုံ သုံးသပ်ချက်များဖြင့် ပြန်လည် ဆွေးနွေးခဲ့သည်။

-

ထို့နောက် စင်္ကာပူတပ်မတော်မှ  Assistant Chief of General Staff (Intelligence)  ဖြစ်သူ  Col. EDWARD CHEN က စင်္ကာပူနိုင်ငံ၌ ၂ဝ၁၈ ခုနှစ်၊ ဇူလိုင် ၃ ရက်မှ ၅ ရက်အထိ ကျင်းပခဲ့သည့်  1st ASEAN  ARMIES  INFORMATION  SHARING WORKSHOP  ၏ လုံခြုံရေးဆိုင်ရာ ဆုံးဖြတ်ချက်များအား ဖတ်ကြားဆွေးနွေး တင်ပြသည်။

-

ဆက်လက်ပြီး မလေးရှား တပ်မတော်မှ Lieutenant Colonel Rozaini Bin Adlat, Malaysia Army Shooting Team Manager က AARM  2019 နှင့် ပတ်သက်သည့် New Concepts အဆိုပြုမူကြမ်းအား တင်ပြဆွေးနွေးရာ တက်ရောက်လာကြသော ကြည်းတပ် ဦးစီးချုပ်များက လက်ရှိကျင့်သုံးလျက် ရှိသည့် လုပ်ငန်းစဉ်များအတိုင်း ဆက်လက် ဆောင်ရွက်သွားကြရန် သဘောတူခဲ့ကြသည်။

-

၎င်းနောက် ၂ဝ၁၉ ခုနှစ်တွင် အိမ်ရှင်အဖြစ် ကျင်းပမည့် အင်ဒိုနီးရှားကြည်းတပ် ဦးစီးချုပ်ထံသို့ မလေးရှားတပ်မတော် ကြည်းတပ်ဦးစီးချုပ်က အထိမ်းအမှတ် အလံကို လွှဲပြောင်းပေးအပ်ပြီး ပိတ်ပွဲ အခမ်းအနားကို ကျင်းပပြုလုပ်ခဲ့သည်။

-

-

ယင်းနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း)သည် မလေးရှားကြည်းတပ် ဦးစီးချုပ်နှင့် အာဆီယံကြည်းတပ် ဦးစီးချုပ်များ၊ တက်ရောက်လာသည့် ကိုယ်စားလှယ် အဖွဲ့ဝင်များနှင့်အတူ အမှတ်တရ စုပေါင်းဓာတ်ပုံ ရိုက်ခဲ့ကြကြောင်း သတင်းရရှိသည်။

-

#မြ၀တီနေ့စဉ်သတင်းစာ