နေပြည်တော် ၂၇-၉-၂ဝ၁၈
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း သည် မြန်မာနိုင်ငံဆိုင်ရာ EU သံအမတ်ကြီး H.E. Mr. Kristian Schmidt အား ယနေ့မွန်းလွဲပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံသည်။ အဆိုပါတွေ့ဆုံပွဲသို့ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း)နှင့်အတူ ကာကွယ်ရေးဦးစီးချုပ်ရုံး(ကြည်း)မှ တပ်မတော်အရာရှိကြီးများ တက်ရောက်ကြပြီး မြန်မာနိုင်ငံဆိုင်ရာ EU သံအမတ်ကြီးနှင့်အတူ ကောင်စစ်ဝန်၊ နိုင်ငံရေးရာနှင့် သတင်းထုတ်ပြန်ရေးဌာနအကြီးအကဲ Ms. Eszter Nemeth တို့ တက်ရောက်ကြသည်။
ထိုသို့တွေ့ဆုံရာတွင် မြန်မာနိုင်ငံနှင့် ဥရောပသမဂ္ဂအဖွဲ့ဝင်နိုင်ငံများအကြား ဆက်ဆံရေး ဆောင်ရွက်နေမှု အခြေအနေများ၊ ပါတီစုံဒီမိုကရေစီ ဆက်လက်လျှောက်လှမ်းမှုနှင့် ပတ်သက်၍ တပ်မတော်အနေဖြင့် နိုင်ငံတော်အစိုးရ၊ တိုင်းရင်းသားလက်နက်ကိုင်အဖွဲ့အစည်းများ၊ ပြည်သူတို့နှင့်အတူပူးပေါင်းပြီး ပြည်ထောင်စု ငြိမ်းချမ်းရေးညီလာခံ-(၂၁)ရာစုပင်လုံ ကျင်းပလျက် ထာဝရငြိမ်းချမ်းရေးရရှိအောင် ဆောင်ရွက်နေသည့် အခြေအနေများ၊ ၎င်းမှတစ်ဆင့် ဖွဲ့စည်းပုံအခြေခံဥပဒေအခန်း(၁၂)ပါအတိုင်း လိုအပ်သလို ပြင်ဆင်ဆောင်ရွက် သွားမည့်အခြေအနေများ၊ ခေတ်မီတပ်မတော်(Standard Army) တည်ဆောက်မှု၌ တပ်မတော်မှ ထုတ်ပြန်ထားသော WHITE PAPER ပါ အချက်အလက်များအတိုင်း ဆောင်ရွက်နေမှု အခြေအနေများ၊ ရခိုင်ပြည်နယ်၏ နောက်ဆုံးအခြေအနေများနှင့် ရခိုင်ပြည်နယ်အရေးကိစ္စနှင့်ပတ်သက်၍ နိုင်ငံတော်သမ္မတမှ ဖွဲ့စည်းတာဝန်ပေးအပ်ခဲ့သည့် လွတ်လပ်သော စုံစမ်းစစ်ဆေးရေးကော်မရှင်၏ ဆောင်ရွက်မှုများတွင် တပ်မတော်က အပြည့်အ၀ ပူးပေါင်းဆောင်ရွက်လျက်ရှိသည့် အခြေအနေများအပြင် ရိုက်တာသတင်းထောက် ၂ ဦး အပေါ် အရေးယူဆောင်ရွက်မှုနှင့်ပတ်သက်၍ တည်ဆဲဥပဒေများနှင့်အညီ နိုင်ငံတော်အစိုးရမှ ဆောင်ရွက်ခဲ့မှု အခြေအနေများအပေါ် အပြန်အလှန်အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိသည်။
# မြဝတီနေ့စဉ်သတင်းစာ
.jpg)
No comments:
Post a Comment