နေပြည်တော် ၂ဝ-၈-၂ဝ၁၈
ယခုခြောက်လတာ ဘတ်ဂျက်ကာလ ဧပြီ၊ မေ၊ ဇွန်လအတွင်း မြန်မာ့ရေထွက်ကုန် ပုစွန်တန်ချိန် ၁၂၃၅၁၅ ဒသမ ၅၉၄ တန်ကို ပြည်ပနိုင်ငံများသို့ တင်ပို့ထားပြီး ပို့ကုန်ဝင်ငွေအဖြစ် အမေရိကန်ဒေါ်လာ ၁၄၉ဒသမ ၃သန်း ရရှိထားကြောင်း ငါးလုပ်ငန်းဦးစီးဌာန (နေပြည်တော်)မှ သိရသည်။
ယခုခြောက်လတာ ဘတ်ဂျက်ကာလဖြစ်သည့် ၂ဝ၁၈ ခုနှစ် ဧပြီလမှ ဇွန်လထိ မြန်မာ့ရေထွက်ကုန် ပုစွန်တန်ချိန် ၁၂၃၅၁၅ ဒသမ ၅၉၄ တန်ကို ပြည်ပနိုင်ငံများသို့ နယ်စပ်စခန်းများနှင့် ပင်လယ်ရေကြောင်း ကုန်သွယ်ရေး လမ်းကြောင်းများမှ တင်ပို့ထားပြီး ပို့ကုန်ဝင်ငွေအဖြစ် အမေရိကန်ဒေါ်လာ ၁၄၉ ဒသမ ၃ သန်းရရှိထားကြောင်း၊ လက်ရှိချိန်သည် ပုစွန်များတွင် ရောဂါကျတတ်သည့် အချိန်ဖြစ်၍ အထူးဂရုစိုက် မွေးမြူနေရပြီး ပြည်ပသို့ တင်ပို့မှုတွင်လည်း အနည်းငယ် လျော့ကျလျက်ရှိကြောင်း သိရသည်။
"လောလောဆယ် ဒါက သုံးလတာအတွက် ရထားတဲ့စာရင်းပါ။ ဇူလိုင်လကနေ သြဂုတ်လထိစာရင်းက မချုပ်ရသေးတော့ ပြောပြဖို့ အဆင်သင့်မဖြစ်သေးလို့ပါ။ အခုချိန်က ပုစွန်တွေမှာ ရောဂါတစ်မျိုး ကျတတ်တဲ့အချိန်ဖြစ်နေတော့ မွေးတဲ့သူတွေလဲ ဂရုစိုက်နေကြရတယ်။ နယ်စပ်ဒေသတွေမှာ ရေကြီးလို့ လမ်းတွေ ပျက်တာတွေရော ဖြစ်နေတော့ နယ်စပ်က ရေထွက်ကုန်တင်ပို့ တာကတော့ နှေးနေပါသေးတယ်"ဟု ငါးလုပ်ငန်း ဦးစီးဌာနမှ ညွှန်ကြားရေးမှူး ဦးညွန့်ခင်က ပြောပြသည်။
လက်ရှိတွင် ပြည်တွင်းပုစွန် မွေးမြူရေးကန်အချို့မှာ မိုးများ၍ ရေနစ်မြုပ်ကာ ပျက်စီးဆုံးရှုံးမှု များဖြင့် ရင်ဆိုင်နေရကြောင်း၊ ငါးလုပ်ငန်းဦးစီးဌာနက ပျက်စီးသည့် ပုစွန်မွေးမြူရေးကန်များကို ပုစွန်သားပေါက်များ ပံ့ပိုးမည့်အစီအစဉ်မရှိကြောင်း ၎င်းက ဆက်လက် ပြောပြ၍ သိရသည်။
#Themyawadydaily
.jpg)
No comments:
Post a Comment