မတ္တရာ ၂၃-၇-၂ဝ၁၈
မန္တလေးတိုင်းဒေသကြီး မတ္တရာမြို့တွင် တစ်ပိုင်တစ်နိုင် ကွမ်းခြံလုပ်ငန်းမှ တစ်ပိုင်တစ်နိုင် မာလကာ လုပ်ငန်းသို့ ပြောင်းလဲလုပ်ကိုင်သူ ပိုများလာကြောင်း မတ္တရာဒေသခံ များထံမှ သိရသည်။
"ကွမ်းခြံအထွက်နှုန်းက ရာသီဥတု အပေါ်မူတည်ပါတယ်။ စိုက်ပျိုး စရိတ်ကြီးတယ်။ အရှုံးများပါတယ်။ မာလကာက မျိုးစေ့ထည့်၊ ရေလောင်း စိုက်ပျိုးလို့ရပါတယ်။ ရာသီဥတုဒဏ်လဲ ခံနိုင်တယ်။ အသီးစတင်သီးချိန်ဆေးဖျန်းတာလုပ်ပေးရင် အထွက်နှုန်း ကောင်းပါတယ်။ ရာသီဥတုကြောင့် ပျက်စီးဆုံးရှုံးတာ သိပ်မရှိပါဘူး။ ပုံမှန်ဝင်ငွေရပါတယ်။ ဒါကြောင့်ကွမ်းခြံ တစ်ပိုင်တစ်နိုင် လုပ်နေသူတွေက မာလကာကို ပြောင်းလဲစိုက်ပျိုးလာကြပါတယ်"ဟု မာလကာ စိုက်ပျိုးသူ ကိုကျော်ကျော်က ပြောပြသည်။
၂ဝဝဝပြည့်နှစ်က မတ္တရာမြို့အနီးဝန်းကျင်ရှိ ကျေးရွာတစ်ရွာတွင် မာလကာ တစ်ပိုင်တစ်နိုင် စိုက်ပျိုးသူ ၁ဝ ဦးခန့်သာရှိခဲ့ရာမှ ယခုအခါ စိုက်ပျိုးသူဦးရေ ၁ဝဝကျော် ရှိလာခဲ့ကြောင်း သိရသည်။
မတ္တရာမြို့ အနီးဝန်းကျင်ရှိ အမှတ် (၁)၊ အမှတ် (၂)၊ အမှတ်(၅)၊ ရှမ်းတော၊ သီလကုန်း၊ ရှမ်းမြောက်၊ ပလိပ်ကုန်း၊ တံငါတောင်၊ တံငါမြောက်၊ ပန်းယျ စသည့် ကျေးရွာများတွင် မာလကာစိုက်ပျိုး ကြပြီး တစ်နှစ်ထက်တစ်နှစ် စိုက်ပျိုးသူ ပိုများလာခဲ့သည်။
၂ဝဝဝပြည့်နှစ်က မာလကာ သီးတစ်လုံးလျှင် ငွေကျပ် ၄ဝဝ မှ ၅ဝဝခန့်ဈေးရှိခဲ့ပြီး ၂ဝ၁ဝ ပြည့်နှစ်နောက်ပိုင်း စိုက်ပျိုးသူ များလာခြင်းကြောင့် မာလကာသီး တစ်လုံးလျှင် ငွေကျပ် ၁၅ဝ ဝန်းကျင်သာ ဈေးရရှိကြောင်း၊ မိမိခြံထွက် မာလကာသီးများ အမြန်ရောင်းချ ရရေးအတွက် ဈေးကွက်အတွင်း အပြိုင်အဆိုင် ဈေးလျှော့ရောင်းချ မှုများကြောင့် ယခုနှစ်တွင် မာလကာသီး ဈေးကောင်း မရကြောင်း မတ္တရာမြို့ရှိ မာလကာစိုက်ပျိုး ရောင်းချသူတချို့က ပြောပြသည်။
မာလကာသီးသည် တစ်နှစ်ပတ် လုံးထွက်ရှိပြီး တစ်ပိုင်တစ်နိုင် မာလကာလုပ်ငန်း တစ်ခုလျှင် တစ်ရာသီအတွင်း မာလကာသီး အလုံးရေ ၅ဝဝဝ ထွက်ရှိရာ ပုံမှန်မိသားစုဝင်ငွေ ငွေကျပ်သုံးသိန်းမှ ငါးသိန်းကြားရရှိကြောင်း သိရသည်။
#Themyawadydaily
.jpg)
No comments:
Post a Comment