မႏၱေလး ၁၆-၅-၂ဝ၁၈
မႏၲေလးၿမိဳ႕တြင္ ေက်ာက္ေစ်းကြက္အတြင္း ေဆာက္လုပ္ေရး လုပ္ငန္းသုံး ဘီေက်ာက္ႏွင့္ ေက်ာက္မႈန္႔မ်ား အေရာင္းအဝယ္ ေအးလ်က္ရွိၿပီး က်န္ရွိသည့္လုပ္ငန္းသုံး ေက်ာက္မ်ားမွာ အေရာင္းအဝယ္ ေကာင္းေနေၾကာင္း အုန္းေခ်ာေက်းရြာရွိ ေက်ာက္လုပ္ငန္းရွင္မ်ားထံမွ သိရသည္။
ေဆာက္လုပ္ေရး လုပ္ငန္းသုံး ေက်ာက္မ်ားမွာ မုိးကာလ ေက်ာက္ရွားပါးခ်ိန္တြင္ ေစ်းႏႈန္းျမင့္တက္ ေလ့ရွိေသာ္လည္း သႀကၤန္ႏွင့္ တ႐ုတ္ႏွစ္သစ္ကူး ကာလမ်ားတြင္ အေရာင္းအဝယ္ ေအးလ်က္ရွိေၾကာင္း အုန္းေခ်ာေက်းရြာ စိန္သြားေက်ာက္ထုတ္လုပ္ေရးႏွင့္ ေက်ာက္မ်ဳိးစုံ ေရာင္းဝယ္ေရးဆုိင္မွ ဦးစိန္သြားက ေျပာျပသည္။
"ေက်ာက္လုပ္ငန္းေတြက အခုေနာက္ပုိင္း အၿပိဳင္အဆုိင္ေက်ာက္ ထုတ္လုပ္ငန္းေတြ မ်ားလာတယ္။ မ်ားမ်ားေရာင္းၿပီး အျမတ္နည္းနည္း ပဲယူရေတာ့ လုပ္ငန္းမွာေငြေၾကး လည္ပတ္မႈခက္ခဲ လာတယ္။တခ်ဳိ႕ေက်ာက္ထုတ္ လုပ္ငန္းေတြဆုိရင္ ကုိယ္ပုိင္စက္ႀကီးေတြကို လုပ္ငန္းခြင္ေတြမွာ အသုံးျပဳေနၾကေတာ့ ေစ်းႏႈန္းအတက္အက် ကစားေလ့ရွိပါတယ္"ဟု ၎က ေျပာျပသည္။
ယခုလက္ရွိ အုန္းေခ်ာေက်ာက္ ေစ်းကြက္အတြင္း ၆၉ ေက်ာက္ႀကီး အမ်ဳိးအစား တစ္က်င္းလွ်င္ ေငြက်ပ္ ၁၅ဝဝဝ၊ တူးဖုိးေက်ာက္ အမ်ဳိးအစား တစ္က်င္းလွ်င္ ေငြက်ပ္ ၁၅ဝဝဝ၊ သရီးကေရာင္းေက်ာက္ အမ်ဳိးအစား တစ္က်င္းလွ်င္ ေငြက်ပ္ ၁၈ဝဝဝ၊ ဝမ္းတူးေက်ာက္ အမ်ဳိးအစား တစ္က်င္းလွ်င္ ေငြက်ပ္ ၁၈ဝဝဝ၊ ခ်ီပင္ေက်ာက္ အမ်ဳိးအစား တစ္က်င္းလွ်င္ ေငြက်ပ္ ၂ဝဝဝဝ၊ သုံးမူးေက်ာက္အမ်ဳိးအစား တစ္က်င္းလွ်င္ ေငြက်ပ္ ၃ဝဝဝဝ၊ ဘီေက်ာက္ အမ်ဳိးအစား တစ္က်င္းလွ်င္ ေငြက်ပ္ ၁၇ဝဝဝႏွင့္ ေက်ာက္မႈန္႔ အမ်ဳိးအစား တစ္က်င္းလွ်င္ေငြက်ပ္ ၁ဝဝဝဝ ေပါက္ေစ်းႏႈန္းမ်ား ရွိေၾကာင္း သိရသည္။
#Themyawadydaily
.jpg)
No comments:
Post a Comment