သထုံ ၂၉-၅-၂ဝ၁၈
မွန်ပြည်နယ်တွင် ငါးမွေးမြူ ထုတ်လုပ်နိုင်မှု အားနည်း နေသေးကြောင်း သထုံမြို့ရှိ မွန်ပြည်နယ် ငါးလုပ်ငန်းစခန်း၌ ယနေ့ကျင်းပ ပြုလုပ်သော ငါးမွေးမြူရေးနှင့် ငါးဆေးထိုးသား ဖောက်သင်တန်း ဖွင့်ပွဲတွင် မွန်ပြည်နယ် စိုက်ပျုိးမွေးမြူရေးနှင့် ပို့ဆောင်ဆက်သွယ်ရေး ဝန်ကြီး ဦးထွန်းဌေးက ပြောပြ၍ သိရသည်။
မွန်ပြည်နယ်တွင် ၂ဝ၁၇-၂ဝ၁၈ ဘဏ္ဍာနှစ်စာရင်းအရ ငါးမွေးမြူသူ ၁၅၇ ဦးရှိပြီး ငါးကန်စုစုပေါင်း ၁ဝဝဝ ဒသမ ၉၂ဧကရှိကြောင်း သိရသည်။
"မွန်ပြည်နယ်မှာက ငါးမွေးမြူ ထုတ်လုပ်နိုင်မှု ပမာဏထက် ထုတ်လုပ်နေတဲ့ ပမာဏက နည်းနေသေးတယ်။ ဒါကလဲ အခြေအနေ အမျုိးမျိုးကြောင့် ဖြစ်နိုင်ပါတယ်။ အဓိက မွေးမြူရေးထက် ကမ်းနီးကမ်းဝေး ဖမ်းဆီးမှုကရတဲ့ငါးက များပါတယ်။ လက်ရှိအချိန်မှာ အရင်ကထက် သဘာဝသယံဇာတ လျော့နည်းလာတဲ့အတွက် ရေရှည်စားသုံးမှု ဖူလုံဖို့ မွေးမြူထုတ်လုပ်ဖို့က လိုအပ်လာတယ်။ များများမွေးမြူ ထုတ်လုပ်နိုင်ဖို့ဆိုရင် မွေးမြူရေးလုပ်ကိုင်လို သူတွေကို လိုအပ်တဲ့ နည်းပညာတွေ၊ ပံ့ပိုးမှုတွေပေးဖို့ လိုအပ်ပါတယ်။ ဒါကိုလဲ အစိုးရအနေနဲ့ တတ်နိုင်သလောက် ဆောင်ရွက် ပေးနေပါတယ်"ဟု ပြည်နယ် စိုက်ပျိုးမွေးမြူရေးနှင့် ပို့ဆောင်ဆက်သွယ်ရေးဝန်ကြီး ဦးထွန်းဌေးက ပြောပြသည်။
ငါးမွေးမြူ ထုတ်လုပ်နိုင်သူ ပိုမိုများလာစေရန် စနစ်ကျသော ငါးမွေးခြင်း နည်းပညာများ၊ ကိုယ်တိုင်သားဖောက် ထုတ်လုပ်နိုင်စေရန် ငါးဆေးထိုးသား ဖောက်သင်တန်းများ ဖွင့်လှစ်ပေးပြီး လိုအပ်သော အကူအညီများ ကိုလည်း ငါးလုပ်ငန်းဦးစီးဌာနက ဆောင်ရွက် ပေးနေကြောင်း ပြည်နယ်ဝန်ကြီးက ဆက်လက် ပြောပြသည်။
မွန်ပြည်နယ်အတွင်း ငါးစားနပ်ရိက္ခာ ဖူလုံစေရေးကို အထောက်အကူပြုနိုင်မည့် ငါးမွေးမြူရေး လုပ်ငန်းများ ဖွံ့ဖြိုးတိုးတက်စေရန် အခြေခံ ငါးမွေးမြူခြင်း ပညာရပ်နှင့် ငါးဆေးထိုးသား ဖောက်ပညာရပ်များကို အခမဲ့သင်ကြားမှုများ ပြုလုပ်ပေး နေကြောင်း သိရသည်။ အဆိုပါ သင်တန်းများကို ၂ဝ၁၈ခုနှစ်တွင် လေးကြိမ်ခန့် ဖွင့်လှစ်ရန် လျာထားပြီး စိတ်ပါဝင်စားသည့် မည်သူမဆို တက်ရောက်နိုင်ကြောင်း သိရသည်။
#Themyawadydaily
.jpg)
No comments:
Post a Comment