ရန်ကုန် ၂၂-၅-၂၀၁၇
မြန်မာနိုင်ငံ ငါးမွေးမြူရေးလုပ်ငန်းတွင် ဘဏ်ချေးငွေ အခက်အခဲနှင့် ပုစွန်လုပ်ငန်းတွင် သားပေါက် အခက်အခဲများ ကြုံတွေ့နေရကြောင်း အဆိုပါလုပ်ငန်းရှင် အသင်းများထံ မှသိရသည်။
မြန်မာနိုင်ငံ၏ ငါးမွေးမြူရေး လုပ်ငန်း ၉ဝ ရာခိုင်နှုန်းမှာ ဘဏ်ချေးငွေ မရရှိဘဲ ပြင်ပချေးငွေကိုသာ အားကိုးနေရပြီး အတိုးနှုန်း များပြားသည့် အခက်အခဲကြုံတွေ့နေရ ကြောင်း မြန်မာနိုင်ငံ ငါးမွေးမြူရေး လုပ်ငန်းရှင်များ အသင်းဒုတိယ ဥက္ကဋ္ဌ ဦးစိုးတင့်က ပြောပြသည်။
ဖြစ်ပွားမှု အများဆုံးဖြစ်တဲ့ ငါးရောဂါတွေအတွက် ဓာတ်ခွဲခန်း၊ စမ်းသပ်ခန်းတွေ စီစဉ်ပေးဖို့ လိုအပ်ပါတယ်။ ၁၉၉ဝ-၂ဝဝ၈ ခုနှစ်ထိ ငါးလုပ်ငန်းက အခြေအနေကောင်း ခဲ့ပါတယ်။ ဒါပေမဲ့ နာဂစ်ဖြစ်ပြီး နောက်ပိုင်း အခြေအနေတွေက ယိမ်းယိုင်နေတဲ့အပြင် ငါးမွေးမြူရေးရဲ့ ၉ဝရာခိုင်နှုန်းက ဘဏ်ချေးငွေမရ ခဲ့ကြဘဲ ပြင်ပချေးငွေ အားကိုးနေ ရတဲ့အတွက် အတိုးများနေပါတယ်''ဟု ၎င်းက ဆက်လက် ပြောပြသည်။
နိုင်ငံတွင်း ငါးမွေးတောင်သူများမှာ လုပ်သားအခက်အခဲ၊ အစာအခက်အခဲများ ကြုံတွေ့ရလျက်ရှိပြီး ငါးပုစွန်ကဏ္ဍအတွက် Research & Development ဆောင်ရွက်ရန် လိုအပ်လျက် ရှိနေကြောင်း သိရသည်။
ပုစွန်မွေးမြူရေး လုပ်ငန်းများ အနေဖြင့် လက်ရှိတွင် ထိုင်းနိုင်ငံမှ မြန်မာနိုင်ငံသို့ ရေငန်ပုစွန်အပြင် ရေချိုပုစွန်ပါ တင်ပို့နေခြင်းများရှိပြီး သားငါးကဏ္ဍတွင် ပုစွန်သည် တန်ဖိုးမြင့် ကုန်ပစ္စည်းဖြစ်သော်လည်း မွေးမြူသည့် အပိုင်းတွင် ၂ဝရာခိုင်နှုန်း သာရှိကာ ဖမ်းဆီးမှုမှာ ၈ဝရာခိုင်နှုန်းခန့် ရှိနေခြင်းကြောင့် မွေးမြူရန်သားပေါက် အခက်အခဲရှိနေမှုများ ကြုံတွေ့နေရကြောင်း ပုစွန်လုပ်ငန်းရှင်များ အသင်းဥက္ကဋ္ဌ ဦးကျော်ထွန်းမြင့်က ပြောပြသည်။
''သဘာဝမျိုးပုစွန်တွေကို ထိန်းသိမ်း၊ အဆင့်မြှင့်တင်ဖို့ လိုအပ်နေပါတယ်။ အိမ်နီးချင်း ထိုင်းနိုင်ငံက Tiger ပုစွန် (ပုစွန်ကျား) မဟုတ်ဘဲ ပုစွန်ဖြူထုတ်လုပ်တဲ့ အတွက် ဈေးကွက်တက်လာ ပါတယ်။ ထိုင်းကပုစွန် ဖြူတန်ချိန် ခြောက်သိန်း နီးပါးထွက်တယ်။ မြန်မာပြည်မှာ လဲပုစွန်ဖြူမွေး မြူရေးလုပ်ဖို့ အကြံပြုချင်ပါတယ်''ဟု ၎င်းက ဆက်လက် ပြောပြသည်။
အဆိုပါ အခက်အခဲများကို မေ ၂ဝ ရက်က မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်း ရှင်များ အသင်းချုပ်တွင် ကျင်းပခဲ့သည့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူနှင့် တွေ့ဆုံပွဲတွင် ဆွေးနွေးတင်ပြ ခဲ့ကြကြောင်း သိရသည်။
#Yadanarpondaily
.jpg)
No comments:
Post a Comment