www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, January 18, 2017

ဈေးနှုန်းကျလျက် ရောင်းမသွက်သည့် ကားဈေးကွက်


ဈေးနှုန်းကျလျက် ရောင်းမသွက်သည့် ကားဈေးကွက်

မြန်မာနိုင်ငံတွင် မှတ်ပုံတင်သက်တမ်း ကြာမြင့်သည့် မော်တော်ကားများအား ပယ်ဖျက်ရေးနှင့် အစားထိုး တင်သွင်းရေးကို နိုင်ငံတော်အစိုးရက ၂ဝ၁၁ ခုနှစ် စက်တင်ဘာမှ စတင် ဆောင်ရွက်ခဲ့သည်။ လုပ်ငန်း ဆောင်ရွက်သည့် ရည်ရွယ်ချက်များမှာ ယာဉ်အို ယာဉ်ဟောင်း များသည် စက်သုံးဆီပိုမို သုံးစွဲရခြင်းကြောင့် ပြည်သူ့ဘဏ္ဍာငွေများ လေလွင့်မှု သက်သာစေရန်၊ ယာဉ်များ၏ ကြံ့ခိုင်မှု အားနည်းခြင်းကြောင့် ယာဉ်မတော်တဆမှုများ ဖြစ်ပေါ်ခြင်းနှင့် ယာဉ်ကြောပိတ်ဆို့မှုများ လျော့နည်းစေရန်၊ ယာဉ်များမှ ထွက်သော မီးခိုးငွေ့များကြောင့် သဘာဝ ပတ်ဝန်းကျင် ပျက်စီးမှု လျော့နည်းသက်သာ စေရန်တို့ ဖြစ်သည်။

ပုဂ္ဂလိကပိုင် မော်တော်ယာဉ် များကို အစားထိုး လဲလှယ်ရေးအတွက် သက်ဆိုင်ရာ ပြည်ထောင်စုဝန်ကြီး ဌာနများ ပူးပေါင်းဆောင်ရွက် ကြရာတွင် ကုန်းလမ်း ပို့ဆောင်ရေး ညွှန်ကြားမှု  ဦးစီးဌာန၌ မှတ်ပုံတင် ထားသည့် မော်တော်ကားများ အနက် မှတ်ပုံတင်သက်တမ်း နှစ် ၄ဝ ကျော်ယာဉ်များ၊ နှစ် ၃ဝ ကျော်မှ နှစ် ၄ဝ ကြား သက်တမ်းရှိ ယာဉ်များ၊ နှစ် ၂ဝ မှ နှစ် ၃ဝ ကြားသက်တမ်းရှိ ယာဉ်များကို အဆင့်ဆင့် ဆောင်ရွက်ရန် သတ်မှတ် ထားသည်။ 

ယာဉ်ပိုင်ရှင်များ အနေဖြင့် ကားဟောင်းအပ်နှံရေး ကိစ္စ ဆောင်ရွက်ပြီးစီး ပါက အပ်နှံမှု အမှတ်အသား တစ်စောင်ထုတ်ပေးပြီး ယာဉ်ဟောင်းကို ဆက်လက် အသုံးပြုနိုင်ကာ ၄င်းယာဉ်အတွက် အစားလဲလှယ်မည့် မော်တော်ယာဉ် ကို မှာယူရာတွင် ထုတ်လုပ်သည့် မူလနိုင်ငံ၏ ရောင်းဈေး အမေရိကန်ဒေါ်လာ ၃၅ဝဝ ထက်မပိုသော ယာဉ်တစ်စီး ဝယ်ယူခွင့်ပါမစ် ရရှိကြသည်။ အဆိုပါဝယ်ယူခွင့် ပါမစ်ဖြင့် ၁၉၉၅ ခုနှစ်နှင့် အထက် ပုံစံ(Model) ရှိ မော်တော်ကားကို နိုင်ငံခြားမှ မှာယူတင်သွင်း ကြရသည်။

ထိုအချိန်မှစ၍ မြန်မာနိုင်ငံတွင် စစ်ကျန်ကားကြီး များမှာ သံရည်ကျို စက်ရုံတွင် လမ်းဆုံးပျောက်ကွယ် သွားသည်။ စစ်ကျန်ကားကြီးများ ဆိုသည်မှာ ဒုတိယကမ္ဘာစစ် အတွင်းက မဟာမိတ်တပ် များအား ဗမာ့လွတ်လပ်ရေး တပ်မတော်နှင့် ဂျပန်တပ်များက တိုက်ထုတ်သဖြင့် မဟာမိတ်တို့ ဆုတ်ခွာရာ လမ်းကြောင်းများ၌ပ စ်ထားခဲ့သော မော်တော်ကားကြီးများ ဖြစ်သည်။ လွတ်လပ်ရေး ရပြီးနောက်ပိုင်း မြန်မာတို့က ၄င်းကားကြီးများမှ အစိတ်အပိုင်း များဖြုတ်ယူကြပြီး စုပေါင်းစပ်ပေါင်း ပြန်လည်တပ်ဆင် အသုံးပြုခဲ့ကြသော မော်တော်ကား ကြီးများမှာ မှတ်ပုံတင် သက်တမ်းနှစ်ပေါင်း ၄ဝ ကျော်စာရင်းတွင် ပါဝင်သည်။ ထို့ပြင် ဖဆပလ အစိုးရကာလတွင် ပြည်ပမှဝယ်ယူ တင်သွင်းသော မော်တော်ကား များနှင့် နောက်ပိုင်း တော်လှန်ရေး အစိုးရကာလ ဂျပန်နိုင်ငံက စစ်လျော်ကြေး အဖြစ် ပေးသော မော်တော်ကား များလည်း ပါဝင်ကြသည်။

နိုင်ငံတော်အစိုးရက ယာဉ်အို ယာဉ်ဟောင်းများ မှတ်ပုံတင် ပယ်ဖျက်ရေးနှင့် အစားထိုး လဲလှယ်ရေး ဆောင်ရွက်မည့် အစီအစဉ် ၂ဝ၁၁ ခုနှစ် စက်တင်ဘာ ၁ဝ ရက်တွင် မီဒီယာများမှ တစ်ဆင့် ထုတ်ပြန်ကြေညာ လိုက်ရာ အထက်တွင် ဖော်ပြခဲ့သော မူလနိုင်ငံ ၏ ရောင်းဈေး အမေရိကန်ဒေါ်လာ ၃၅ဝဝ ထက်မပိုသော ယာဉ်တစ်စီး ဝယ်ယူခွင့်ပါမစ် ထုတ်ပေးမည် ဆိုသော သတ်မှတ်ချက်သည် ရန်ကုန်မြို့၏ ကားဈေးကွက်ကို ဆယ်စုနှစ် တစ်ခုအတွင်း အဆိုးဆုံး အခြေအနေသို့ ရောက်စေခဲ့ ကြောင်း ထိုအချိန်က ဝေဖန်သံများ ကြားရသည်။ မူလက မြန်မာကျပ်ငွေ ၁၅ သိန်း၊ သိန်း ၂ဝ သာ ပေါက်ဈေးရှိသော လေးဘီး ကားကလေးများနှင့် မာဇဒါ ဖယ်မလီယာ ကားများကို ဝယ်ယူစုဆောင်း ကြသော သတင်းများလည်း ရန်ကုန် ကားဈေးကွက်ကို အကြီးအကျယ် ဂယက်ရိုက်ခတ် စေခဲ့သည်ဟု ဆိုကြသည်။

ယနေ့ကာလတွင် သက်တမ်းနှစ်ပေါင်း ၂ဝ ကြာခဲ့ပြီ ဖြစ်သော ၁၉၉၅ ခုနှစ်က မှတ်ပုံတင် ထားသည့် မော်တော်ကားများကို အစားထိုး လဲလှယ်ရေး ဆက်လက် ဆောင်ရွက်မည့် အစီအစဉ်ကြောင့် ရန်ကုန် မော်တော်ကား ဈေးကွက်တွင် ယခင်ရက်များက ပေါက်နေသော ဈေးနှုန်းထက် သိန်း ၃ဝ ခန့်ကျဆင်း သွားကြောင်း မီဒီယာများက ဖော်ပြထားကြပြီး ဈေးနှုန်းအကျ သွက်သော်လည်း ကားအရောင်းအဝယ် က ခက်နေကြောင်း သိရသည်။ ၂ဝ၁၁ ခုနှစ်က ဆောင်ရွက်ခဲ့သော ယာဉ်အို ယာဉ်ဟောင်းများ အပ်နှံလဲလှယ်ရေး အစီအစဉ်သည် ကားဈေးကွက်ကို ရိုက်ခတ် စေခဲ့သော်လည်း ပွဲစားများ ရွှေဖြစ်သည့် အနေအထားမျိုး တွေ့ရပြီး ယခု အခြေအနေသည် ယခင် အနေအထားနှင့် ပြောင်းပြန် ဖြစ်ကြောင်း တွေ့ရသည်။

နိုင်ငံတော်က ဆောင်ရွက်နေသော ယာဉ်အို ယာဉ်ဟောင်းများ အပ်နှံရေး အစီအစဉ်၏ ရည်ရွယ်ချက်တွင် သဘာဝ ပတ်ဝန်းကျင် ပျက်စီးမှု လျော့နည်းရေး သည် ထင်သာမြင်သာ သည့် အနေအထား မဟုတ်သော်လည်း အားလုံးသတိပြု မိကြဖို့လိုသည်။ လေထုအတွင်း လူနှင့်သက်ရှိ များကို အန္တရာယ် ဖြစ်စေနိုင်သည့် ကာဗွန်ဒိုင် အောက်ဆိုက် ဓာတ်ငွေ့၊ မီးခိုးနှင့် ဖုန်မှုန့်များ ပါဝင်မှုများကို လေယာဉ်ပျံများ၊ သင်္ဘောများနှင့် မော်တော်ကားကြီး ကားငယ်တို့က ဖန်တီးကြခြင်း ဖြစ်သည်။ လေထု ညစ်ညမ်းမှုကြောင့် လူတို့အတွက် အဆုတ်နှင့် အသက်ရှူ လမ်းကြောင်းဆိုင်ရာ ရောဂါဖြစ်ပွားမှု မြင့်မားနေကြောင်း ကမ္ဘာ့ ကျန်းမာရေး အဖွဲ့ (WHO) မှတ်တမ်းများအရ သိရပေရာ ဈေးနှုန်းကျလျက် ရောင်းမသွက် သည့် ကားဈေးကွက်သည် ရေစီးတစ်ခါ ရေသာတစ်လှည့် အခြေအနေသာ ဖြစ်သဖြင့် ပြည်သူ့ ကျန်းမာရေး ရှုထောင့်ကိုလည်း ဦးစားပေးရန် လိုအပ်ကြောင်း မြဝတီက တိုက်တွန်း လိုက်ရပါသည်။ 

( အယ်ဒီတာ့အာဘော် )

မြ၀တီနေ့စဉ်သတင်းစာ ၊ စာ(၂)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger