အခွန်အခ နှင့် ကုန်ဈေးနှုန်းသည် မဟာမိတ်

အခွန်အခ နှင့် ကုန်ဈေးနှုန်းသည် မဟာမိတ်

နိုင်ငံတော်အစိုးရ သည် နိုင်ငံတော်အတွင်း မှီတင်းနေထိုင် ကြသော ပြည်သူများ၏ အကျိုးစီးပွားအတွက် ကဏ္ဍအသီးသီး ဖွံ့ဖြိုးတိုးတက် အောင်ဆောင်ရွက် နိုင်ရန် အခွန်၊ အခနှင့် အကောက်များကို တည်ဆဲဥပဒေ၊ စည်းမျဉ်း များနှင့်အညီ ကောက်ခံလျက် ရှိသည်။ နိုင်ငံသားများ အနေဖြင့်လည်း ဥပဒေနှင့်အညီ ပေးဆောင်ရန် ရှိသော အခွန်၊ အခနှင့် အကောက်များကို ပေးဆောင်ရန် တာဝန်ရှိ ကြသည်။

အခွန်ဆိုသည်မှာ နိုင်ငံတော်အစိုးရ၏ စီမံအုပ်ချုပ်ရေး၊ ဖွံ့ဖြိုး တိုးတက်ရေးနှင့် လုံခြုံရေး လုပ်ငန်း ဆောင်ရွက်နိုင်ရန် သက်ဆိုင်ရာ စီမံခန့်ခွဲသူတို့က ပြည်သူများထံမှ ကောက်ခံရသော အစိုးရဘဏ္ဍာ ဝင်ငွေပင်ဖြစ်သည်။ အခဆိုသည်မှာ နိုင်ငံတော် အစိုးရ သို့မဟုတ် အခွင့်ရ စီမံခန့်ခွဲသူက သက်ဆိုင်ရာ ပြည်သူများ ဘေးကင်းလုံခြုံရေး၊ သက်သာချောင်ချိရေး၊ ကျန်းမာ သန့်ရှင်းရေး ဆိုင်ရာ လိုအပ်ချက် တစ်ရပ်ရပ်အတွက် ဆောင်ရွက်ပေး ထား သည့် ဝန်ဆောင်မှု လုပ်ငန်းရပ်များ ရေရှည်တည်တံ့ပြီး ပိုမိုတိုးတက် ကောင်းမွန်မှု ရှိစေရန်နှင့် လုပ်ငန်းလည်ပတ် ဆောင်ရွက်သည့် စရိတ်စကများ ကာမိစေရန် သက်ဆိုင်ရာ သုံးစွဲသူများထံမှ ကောက်ခံသော အခကြေးငွေများ ဖြစ်သည်။ အကောက် ဆိုသည်မှာ နိုင်ငံတော်အစိုးရ သို့မဟုတ် အခွင့်ရ စီမံခန့်ခွဲသူက အများနှင့် သက်ဆိုင်သော လိုအပ်ချက် တစ်ရပ်ရပ်အရ ဆောင်ရွက်ခွင့်ပြု ထားသော လုပ်ငန်းတစ်ခု အပေါ်မှ သို့မဟုတ် အသုံးပြုသူများ ထံမှ လတ်တလော ကောက်ခံသော အခကြေးငွေ ဖြစ်သည်။

အခွန်အမျိုးမျိုး အနက် ပစ္စည်းခွန် ဆိုသည်မှာ မြို့စည် ပင်သာယာရေး နယ်နိမိတ်အတွင်း အဆောက်အအုံ နှင့် မြေပေါ်တစ်နှစ် ငှားရမ်းခတန်ဖိုး ပေါ်မူတည်၍ သတ်မှတ်သည့် ရာခိုင်နှုန်း အချိုးအစားဖြင့် ပိုင်ရှင် သို့မဟုတ် နေထိုင်သူထံမှ စည်းကြပ် ကောက်ခံသော အခွန်ဖြစ်သည်။ ပစ္စည်းခွန်တွင် အဆောက်အအုံနှင့် မြေခွန်၊ ရေခွန်၊ လမ်းမီးခွန်၊ အမှိုက်နှင့် အညစ်အကြေးခွန် ပါဝင်သည်။ ပစ္စည်းခွန်အပြင် ဘီးခွန်၊ ဆိပ်ကမ်းခွန်၊ ယာဉ်များနှင့် ၀န်တင် တိရစ္ဆာန်များ ၊ အိမ်မွေးခွေးများ အပေါ် ကောက်ခံသည့် အခွန်နှင့် အခြားအခွန်များ ပါဝင်သည်။ ပစ္စည်းခွန် စည်းကြပ် ကောက်ခံခြင်းမှ ကင်းလွတ်ခွင့်ပြု သော မြေနှင့် အဆောက်အအုံ များလည်းရှိသည်။

အခများမှာ ဈေးဆိုင်ခန်းများ ငှားရမ်းခ၊ လျှပ်စစ်ဓာတ်အားခ၊ မြေနှင့် အဆောက်အအုံငှားရမ်းခ၊ အပေါင်ဆိုင် လိုင်စင်ခ၊ တည်းခိုခန်းနှင့် ဘော်ဒါဆောင် လိုင်စင်ခ၊ ကူးတို့လိုင်စင်ခ၊ စားသောက်ဆိုင် လိုင်စင်ခ၊ ဘေးအန္တရာယ် ရှိစေနိုင်သော လုပ်ငန်းလိုင်စင်ခ၊ သားသတ် လိုင်စင်ခ စသည်တို့ ဖြစ်သည်။

ယခုရက်ပိုင်း နေ့စဉ်သတင်းစာ များတွင် မြို့နယ်စည်ပင် သာယာရေး ကော်မတီများက အခွင့်အရေး လိုင်စင် အရပ်ရပ်အား ဈေးပြိုင်စနစ်ဖြင့် လေလံတင် ရောင်းချရာ လေလံတင် ရောင်းချရငွေ ယခင်နှစ်ထက် ပိုမိုရရှိ

သည့်အနက် သားသတ်လုပ်ငန်း လိုင်စင်ခမှ အများဆုံး ရရှိကြောင်း သိရသည်။ သားသတ်လုပ်ငန်း လိုင်စင်ကို ဈေးပြိုင်စနစ်ဖြင့် လေလံတင် ရောင်းချခြင်းသည် စားသုံးသူ ပြည်သူများ အတွက် ဝန်ထုပ်ဝန်ပိုး ဖြစ်စေခြင်း ကြောင့် အခြားနည်းလမ်း ရှာဖွေရန် ယခင် ပထမအကြိမ် လွှတ်တော် သက်တမ်းအတွင်းက ကျင်းပသည့် အစည်းအဝေး များတွင် ဆွေးနွေးသံ ကြားရဖူးသည်။

မြို့နယ်စည်ပင် သာယာရေးအဖွဲ့ များက ကောက်ခံသော အခွန်ဖြစ်စေ၊ အခဖြစ်စေ အမှန်တကယ် ပေးဆောင်ရသူမှာ စားသုံးသူ ပြည်သူများသာ ဖြစ်သည်။ ဥပမာဆိုရသော် အငှားယာဉ်ငယ် ကလေးများဖြင့် ခရီးသွားကြရာ တွင် တံတား ဖြတ်သန်းခ၊ အဝေးပြေးယာဉ်ဝင်း များအတွင်း ယာဉ်ဝင်ခ၊ မီးရထား ဘူတာရုံနှင့် သင်္ဘောဆိပ်ဝင်း အတွင်း ယာဉ်ဝင်ခ စသည်တို့ကို ယာဉ်စီးသူက ပေးဆောင်ကြ ရသည်။ ဤသို့ ပြည်သူများက တိုက်ရိုက် ပေးဆောင် ကြရသည့် အခွန်၊ အခများ ရှိသကဲ့သို့ သွယ်ဝိုက်ပေးဆောင် ကြရသည် များလည်းရှိသည်။ စားသောက်ကုန် အပါအဝင် အခြားကုန်မျိုးစုံ ရောင်းချသူ တို့သည် လစဉ် သို့မဟုတ် နေ့စဉ် ပေးဆောင်ကြ ရသော အခွန်၊ အခတို့ ကာမိစေရန် ၄င်းတို့ ရောင်းချသော ကုန်ပစ္စည်း တန်ဖိုးကို တိုးမြှင့် ရောင်းချကြမှသာ အမြတ်ကျန်မည် ဖြစ်သည်။

ထို့ကြောင့် ပစ္စည်းရောင်းသော ဈေးဆိုင်ပိုင်ရှင် တို့က မြို့နယ်စည်ပင် သာယာရေး အဖွဲ့သို့ ပေးဆောင်သော အခွန်၊ အခကို ပစ္စည်းဝယ်ယူ သုံးစွဲသော ပြည်သူများကသာ သွယ်ဝိုက်သော နည်းဖြင့် ပေးဆောင်ကြ ရခြင်းဖြစ်သည်။

စီးပွားရေး လုပ်ငန်းကြီး များသည် နိုင်ငံတော် အစိုးရက သတ်မှတ်ထားသော အခွန်၊ အခ၊ အကောက် တို့ကို ပေးဆောင်ရသည့် အပြင် မီဒီယာများမှ တစ်ဆင့် ကြော်ငြာခ ကိုလည်း သက်ဆိုင်ရာ မီဒီယာသို့ ပေးရသည်။ ၄င်း ကြော်ငြာခ ကိုလည်း ပြည်သူတို့ ကသာ သွယ်ဝိုက်သော နည်းဖြင့် ပေးဆောင်ကြ ရသည်။ နိုင်ငံတော်အစိုးရ ဌာနဆိုင်ရာများ ဘဏ္ဍာဝင်ငွေ တိုးတက်ရရှိခြင်း နှင့် မီဒီယာ ဖွံ့ဖြိုးရေး ကြိုဆိုရမည် ဖြစ်သည်။ တစ်ဖက်မှာလည်း ကုန်ထုတ်လုပ်ငန်း ဖြစ်စေ၊ ကူးသန်း ရောင်းဝယ်ရေး လုပ်ငန်းဖြစ်စေ၊ ဝန်ဆောင်မှု လုပ်ငန်းဖြစ်စေ ၄င်းတို့ တရားဝင် ပေးဆောင်ရသော အခွန်၊ အခ၊ အကောက် တို့ကိုလည်းကောင်း၊ တရားမဝင် ပေးဆောင်ရသော အခွန်၊ အခ၊ အကောက် တို့ကိုလည်းကောင်း အမှန်တကယ် ပေးဆောင်ရသူမှာ ဝယ်ယူသုံးစွဲသော ပြည်သူများသာ ဖြစ်ကြောင်း ကိုကား သတိမူရမည် ဖြစ်ပေသည်။

( အယ်ဒီတာ့အာဘော် )