ပျက်စီးနေသော မော်တော်ယာဉ်တစ်စီးကို တွေ့ရစဉ်
နေပြည်တော် ၊ ၁၄-၁၂-၂၀၁၆
ရှမ်းပြည်နယ် အရှေ့မြောက်ဒေသ အတွင်း တပ်မတော် စစ်ကြောင်းများက နယ်မြေ ရှင်းလင်းရေး ဆောင်ရွက်စဉ် ယမန်နေ့နံနက် ၁၁ နာရီ ၁၅ မိနစ်ခန့်တွင် နမ့်ကွတ်ရွာနှင့် နမ့်ဖလွန်းရွာ အကြား ရှုခင်းသာနေရာ တစ်ဝိုက်တွင် ယာဉ်ကြော ပိတ်ဆို့လျက် ရှိကြောင်း သတင်းအရ လမ်းဘေးဝဲ/ယာ တစ်လျှောက်အား ဖြန့်ခွဲ ရှင်းလင်းစဉ် မိုင်တိုင်အမှတ်၊ ၂၃၇/၃ အနီး ကားလမ်း ဘယ်ဘက်ခြမ်း မီတာ ၃ဝ ခန့်အကွာ လျှိုအတွင်း၌ ယာဉ်တစ်စီး တိမ်းမှောက် နေသည်ကို တွေ့ရှိရသဖြင့် ယာဉ်အား အသေးစိတ် စစ်ဆေးမှုများ ပြုလုပ်ခဲ့သည်။
အသေးစိတ် စစ်ဆေးချက်အရ ယာဉ်အမှတ်၊ MDY 6K/ ----- ပရိုဘောက် (အဖြူရောင်) ယာဉ်၏ အင်ဂျင်အဖုံး၌ လက်နက်ငယ် ကျည်ဖောက်ဝင် ထားသည့် အပေါက်သုံးပေါက် နှင့် ရှေ့လေကာမှန်/ နောက်ပိတ် တံခါးမှန်များ ကြေမွပျက်စီး နေပြီး ယာဉ်မောင်းဖြစ်သူ မြစ်သားမြို့နေ ရဲမောင်(ဘ) ဦးသံချောင်းမှာ ဝမ်းဗိုက်တွင် လက်နက်ငယ်ကျည် ထိမှန်သေဆုံး နေသည်ကို တွေ့ရှိရသည်။
သေဆုံးသူ အလောင်းအား သယ်ယူပို့ဆောင် နိုင်ရေးအတွက် ကွတ်ခိုင်မြို့မ ရဲစခန်းသို့ ဆက်သွယ် အကြောင်းကြားပြီး ဖြစ်ကြောင်း သိရှိရသည်။
မြ၀တီနေ့စဉ်သတင်းစာ ၊ စာ(၁၁)
.jpg)
No comments:
Post a Comment