www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, October 10, 2016

တောင်ကြီးတန်ဆောင်တိုင် ရိုးရာမီးပုံးပျံပြိုင်ပွဲအတွက် ပြိုင်ပွဲဝင်များကို စတင်လက်ခံ



တောင်ကြီး ၊ ၁၀-၁၀-၂၀၁၆

ရှမ်းပြည်နယ် (တောင်ပိုင်း) တောင်ကြီးမြို့ ၌ နှစ်စဉ်ကျင်းပမြဲ ဖြစ်သော တောင်ကြီး တန်ဆောင်တိုင် ပွဲတော် ရိုးရာမီးပုံးပျံ ပြိုင်ပွဲအတွက် ပြိုင်ပွဲဝင်များကို စတင်လက်ခံ လျက်ရှိပြီး အလှည့်ကျ ယှဉ်ပြိုင်ရမည့် အသင်းများ ကို အောက်တိုဘာ ၂၃ ရက်တွင် မဲနှိုက်ရွေးချယ် သွားမည်ဖြစ်ကြောင်း မီးပုံးပျံ ပြိုင်ပွဲ ကျင်းပရေး ကော်မတီမှ သိရသည်။

တောင်ကြီး တန်ဆောင်တိုင် ရိုးရာမီးပုံးပျံ ပွဲတော်ကို နိုဝင်ဘာ ၆ ရက်မှ ၁၄ ရက်အထိ တောင်ကြီးမြို့အဝေရာကွင်း၌ ကျင်းပမည် ဖြစ်ပြီး ပြိုင်ပွဲတွင် ဝင်ရောက် ယှဉ်ပြိုင်ရန် စာရင်းပေးသွင်း ခြင်းကို အောက်တိုဘာ ၂ဝ ရက်အထိ လက်ခံသွားမည် ဖြစ်ပြီး အောက်တိုဘာ ၂၄ ရက်နှင့် ၂၅ ရက်တို့တွင် ပွဲစဉ်ဇယားများ ထုတ်ပြန် သွားမည် ဖြစ်ကြောင်း သိရသည်။

''ဒီနှစ်မှာ ပါဝင်ယှဉ်ပြိုင်ဖို့ စာရင်းပေး ထားတဲ့ မီးပုံးပျံတွေက အရင်နှစ်က မီးပုံးပျံ အလုံးရေထက် လျော့နည်းဖို့ မရှိပါဘူး။ မီးပုံးပျံ အမျိုးအစားလိုက် သတ်မှတ် ထားတဲ့ အမျိုးအစား သုံးမျိုးစလုံးကို စာရင်းပေး သွင်းထားပြီး ပွဲတော်မှာ ယှဉ်ပြိုင်ကြဖို့ ကြိုတင်ပြင်ဆင် နေကြပါပြီ'' ဟု မီးပုံးပျံ ပြိုင်ပွဲ ကျင်းပရေး ကော်မတီမှ တာဝန်ရှိသူ တစ်ဦး၏ ပြောကြားချက် အရ သိရသည်။

ပြီးခဲ့သည့်နှစ်က မီးပုံးပျံ တစ်လုံးလျှင် အများဆုံး ယမ်းပိဿာချိန် ၃၅ ပိဿာ သတ်မှတ်ခဲ့ သော်လည်း ယခုနှစ် ပြိုင်ပွဲတွင် မီးပုံးပျံခေါင် အမြင့် ၂၅ ပေအထိ သတ်မှတ်ထား သဖြင့် အများဆုံး ယမ်းပိဿာချိန် ၄ဝ သို့ ပြောင်းလဲ သတ်မှတ်ထားကာ ယမ်းအသုံးပြု ပုံနှင့် မီးပုံးပျံ ပြုလုပ်မည့် ပုံစံများ စနစ်ကျစေရန် စစ်ဆေး ဆောင်ရွက် သွားမည်ဖြစ်ကြောင်း ပြိုင်ပွဲ ကျင်းပရေး ကော်မတီမှ သိရသည်။

ယင်းပွဲတော်တွင် ဝါသနာတူ စုစည်းထားသော အဖွဲ့အစည်းများ၊ ရပ်ကွက်၊ ကျေးရွာ ကိုယ်စားပြု အဖွဲ့အစည်းများ၊ လုပ်ငန်းရှင် များနှင့် ကုမ္ပဏီ ကိုယ်စားပြု အဖွဲ့အစည်း များ ဝင်ရောက် ယှဉ်ပြိုင်မည် ဖြစ်ကြောင်း သိရသည်။ ၂ဝ၁၅ ခုနှစ်က ကျင်းပခဲ့သည့် တောင်ကြီး တန်ဆောင်တိုင် မီးပုံးပျံပြိုင်ပွဲ တွင်စိန်နား ပန် ၃၇ လုံး၊ ညမီးကြီး ၈၄ လုံး၊ အရုပ် (အလှမီးပုံးပျံ) အလုံး ၁၇ဝ ဝင်ရောက် ယှဉ်ပြိုင်ခဲ့ပြီး မြန်မာနိုင်ငံ အနယ်နယ် အရပ်ရပ်မှ ခရီးသွားများ သာမက နိုင်ငံခြား ခရီးသွား ဧည့်သည် များလည်း အများအပြား လာရောက် ကြည့်ရှု ကြကြောင်း သိရသည်။ (၄၄၇၊ သီရိ)

မြ၀တီနေ့စဉ် ၊ စာ(၅)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page