ကျွန်တော်တို့ လူလတ်ပိုင်းတွေ အတွက် အားကစား လေ့ကျင့်ခန်း တွေကို နေ့စဉ်ပုံမှန် လုပ်ဖို့ဆိုတာ မလွယ်ပါဘူး။
အလုပ်မအားတဲ့ နေ့တွေရှိမယ်၊ အချိန်ရပေမယ့် ပင်ပန်းနွမ်းနယ်လွန်း သွားတဲ့နေ့တွေ ရှိမယ်။ ရာသီဥတု အခြေအနေ ဆိုးရွားမယ်။ ဒါမှမဟုတ် ကိုယ့်ခန္ဓာ ကိုယ်မှာ တိုးတက်မှု နှုန်းက နှေးလွန်းတော့လဲ ဆက်ကစားဖို့ စိတ်လက်မပါ ဖြစ်မယ်။ အနည်းဆုံးတော့ ကိုယ်နဲ့ အားကစား လုပ်နေတဲ့ သူတွေက ကိုယ်ထက် အသက် တစ်ဝက်လောက် ငယ်ရင် ငယ်နေတတ် တာမို့ နည်းမျိုးစုံနဲ့ စိတ်ဓာတ်ကျ လာတတ်ပါတယ်။ ဒါပေမဲ့ ကျွန်တော်တို့ အားကစား မလုပ်လို့တော့ မဖြစ်ပါဘူး။ အချိန် ဘယ်လောက် ကျပ်ကျပ် ရေရအောင် ချိုးသလိုပဲ ဘယ်လောက်ပဲ ခက်ခဲသည် ဖြစ်စေ အားကစား ကိုတော့ လုပ်ဖြစ်အောင် လုပ်ဖို့လိုပါတယ်။ ဘာကြောင့် လဲဆိုတော့ အားကစား လေ့ကျင့်ခန်း လုပ်တာ ရပ်လိုက်တာနဲ့ ခန္ဓာကိုယ်မှာ ဘယ်လို အကျိုးဆက်တွေ ဖြစ်ပေါ်သလဲ ဆိုတာ ကြောက်စရာ ကောင်း နေလို့ပါ။
အားကစား လုပ်တာ ရပ်လိုက်ပြီး ၁ဝ ရက်အတွင်းမှာ ဦးနှောက် ပြောင်းလဲမှု စတင်ဖြစ်ပွား ပါတယ်။ အားကစား လုပ်ခြင်းဟာ ခန္ဓာကိုယ် အတွက်တင် မကပဲ ဦးနှောက်အတွက်လဲ ကောင်းပါတယ်။ မှတ်ဉာဏ် ပျောက်ဆုံးမှုကို သက်သာ စေပါတယ်။ ဒါပေမဲ့ အားကစား လုပ်တာကို ၁၀ ရက်လောက် နားလိုက်တယ် ဆိုရင်ကိုပဲ အားကစားက ထိန်းထားပေးတဲ့ ဦးနှောက် အရည်အသွေးကို ဆုံးရှုံး စပြုလာပြီး ဦးနှောက်ရဲ့ပင်မ အစိတ်အပိုင်းကို သွေးစီးဆင်းမှု အားနည်းလာ ပါတယ် ။အကျိုးဆက် အနေနဲ့ မေ့တတ်လာပြီး စိတ်ခံစားမှုနဲ့ တုံ့ပြန်မှုအား လျော့နည်း လာပါတယ်။ သင်ကြားမှု၊ သင်ယူမှု အားတွေကအစ လျော့နည်း လာလေ့ရှိပါတယ်။
အားကစားလုပ်တာ ရပ်လိုက်ပြီး နှစ်ပတ် အတွင်းမှာ ခံနိုင်ရည်အားတွေ ကျဆင်းပြီး သက်ဖြစ်အင်္ဂါ အစိတ်အပိုင်းတွေ ယိုင်နဲ့စပြု လာပါတယ်။ လှေကားတွေ တက်ရင် သိသိသာသာ မောလာမယ်၊ အဖော်တွေ လောက် အမြန်မလျှောက် နိုင်တော့ဘူးပေါ့။ ချွေးမထွက် တော့တဲ့အတွက် ခန္ဓာကိုယ်က အမြင့်ဆုံး သုံးနိုင်တဲ့ အောက်ဆီဂျင် အဆင့် လျော့သွားလို့ပါ။ နှစ်ပတ် အတွင်းမှာ ကိုယ်တွင်းသက်ဖြစ် အင်္ဂါတွေရဲ့ အောက်ဆီဂျင်ကို စုပ်ယူ နိုင်အား ၁ဝ ရာခိုင်နှုန်းထက် မနည်း ကျဆင်းပါတယ်။ လေးပတ် နောက်ပိုင်းမှာတော့ အောက်ဆီဂျင် စုပ်ယူနိုင်အား ဟာ ၁၅ ရာခိုင်နှုန်းအထိ ကျဆင်းသွားပြီး သုံးလ နောက်ပိုင်းမှာ ၂ဝ ရာခိုင်နှုန်းအထိ ကျဆင်းသွား နိုင်ပါတယ်။ ဒါကြောင့် ကိုယ်လုပ်နေကျ အားကစားတွေ ဖြစ်တဲ့ ဘောလုံးကန်တာ၊ အလေးမတာ၊ ရေကူးတာ တွေကို သွားမလုပ် နိုင်ဘူးဆိုရင်လဲ အနည်းဆုံး ကြိုးခုန်တာ၊ အိမ်မှာပဲ အလေးလွတ် ကစားတာ၊ နောက်ဆုံး ၁၅ မိနစ်လောက် ပြေးတာကို မပျက်မကွက် ပြုလုပ်သင့် ပါတယ်။
အားကစားလုပ်တာ ရပ်လိုက်ပြီး လေးပတ်အတွင်းမှာ ခွန်အားတွေ ယုတ်လျော့ လာပါမယ်။ နဂိုကိုယ်ခံအား နည်းတဲ့လူတွေ ဆိုရင် နှစ်ပတ်လောက် မှာကို အတော်လေး သိသာနေပါပြီ။ ကံကောင်းတာက ကျွန်တော်တို့ရဲ့ ခွန်အား ယုတ်လျော့မှု နှုန်းဟာ ခံနိုင်ရည်အား ယုတ်လျော့မှု နှုန်းထက် နည်းနည်းနှေး တာပါပဲ။ အားကစား လုပ်တာရပ်လိုက်ပြီး ၂၄ ပတ်အထိကို အစားအစာ ကနေတစ်ဆင့် ခွန်အား တိုးတက်မှုတော့ ရှိနေဦးမှာပါ။ ခံနိုင်ရည်အား ကတော့ အားကစား လုပ်ပေးမှပဲ ပြန်တက် လာမှာပါ။
အားကစားလုပ်တာ ရပ်လိုက်ပြီး ရှစ်ပတ်အတွင်းမှာ အဆီစတက် ပါတယ်။ မှန်ထဲမှာ ကြည့်လိုက်ရင်လဲ သင် ဝလာပြီဆိုတာ သိသာလာမှာ ဖြစ်သလို ပေါင်ချိန်စက်ပေါ် တက်လိုက်ရင်လဲ မြားတံက ညာဘက်ကို တိုးတိုးလာ မှာဖြစ်ပါတယ်။ ကမ္ဘာကျော် ကစားသမားတွေ တောင်မှ နားလိုက်ရင် နားလိုက်တဲ့ အတိုင်း အဆီတက် ပါတယ်။ ဥပမာ ကမ္ဘာကျော် ရေကူးသမား တွေကိုယ်တိုင် ငါးပတ်လောက် နားလိုက်တာ ခန္ဓာကိုယ်အဆီ ၁၂ ရာခိုင်နှုန်း တက်ခဲ့ပါတယ်။ ခါးဆိုဒ်လဲ တုတ်လာခဲ့ပါတယ်။ ဒါတောင် သူတို့ လုံးဝကြီး ထိုင်နေတာ မဟုတ်ဘဲ နေ့စဉ် ကိုယ်လက် လှုပ်ရှားမှု ပုံမှန် လောက်တော့ ရှိခဲ့တာပါ။
ဒီတော့ အားကစား လုပ်တာကို လုံးဝမနားရဘူးလား ဆိုရင် မမှန်ပါဘူး တစ်ပတ်မှာ ခုနစ်ရက် အားကစား လုပ်တာကို ပညာရှင်တိုင်းက ကန့်ကွက် ပါတယ်။ အားကစားလောက ကနေ အပြီးအပိုင် အနားယူတာနဲ့ ရည်ရွယ်ချက် ရှိရှိ နားတာနဲ့ မတူပါဘူး။ အားကစား လောကကနေ အပြီးအပိုင် အနားယူလိုက်ပြီ ဆိုရင် သင်လုပ်နေကျ အားကစား ကိုတော့ မလုပ်နိုင် တော့ဘူးပေါ့။ ဥပမာ မာရသွန် အပြေးသမား တစ်ယောက်ဟာ အပြီးအပိုင် နားလိုက်ပြီဆိုရင် အရင်လို မာရသွန် ၂၆ မိုင်တော့ မပြေးနိုင် တော့ဘူးပေါ့။
ဒါပေမဲ့ တစ်ရက်ကို နှစ်မိုင်လောက်တော့ ပြေးနိုင်ဦးမှာပါ။ ဒါမှမဟုတ် စက်ဘီးစီး လေ့ကျင့်ခန်း ဖြစ်ဖြစ်လုပ်လို့ ရပါတယ်။ ဆိုလိုချင်တာက အားကစား လောကကနေ အပြီးအပိုင် နားရင်လဲ ပုံမှန် လေ့ကျင့်ခန်းတော့ ရှိကို ရှိရပါတယ်။ အားကစား သမားတွေ အရေးကြီးတဲ့ ပြိုင်ပွဲတွေအတွက် ပြင်းပြင်းထန်ထန် လေ့ကျင့်ပြီးတဲ့ နောက် ပြိုင်ပွဲပြီးသွားတဲ့ အခါမှာ နှစ်လလောက် နားရင်နားကြ ပါတယ်။ ချက်ချင်းပဲ ကိုယ်အလေးချိန် တက်လာတာ၊ ဝလာတာ ကို မြင်ရမှာပါ။ ဒါပေမဲ့ သူတို့က လေ့ကျင့်ရမယ့် နည်းလမ်းတွေကို ကောင်းကောင်း သိတဲ့အတွက် လိုအပ်တဲ့ အချိန်မှာ လိုအပ်သလို ပြန်ကစားပေး လိုက်ရုံနဲ့  လိုချင်တဲ့ ခွန်အား၊ ခံနိုင်ရည် စွမ်းအားနဲ့  ကိုယ်အလေးချိန် ကိုရရှိမှာ ဖြစ်ပါတယ်။
ကိုယ်တွေက အားကစားကို အပျော်တမ်းပဲ လုပ်တာဆိုရင် ပြင်ပထွက်ပြီး အားကစား မလုပ်နိုင်တဲ့နေ့ တွေမှာလဲ အနည်းဆုံး မိနစ် ၃ဝ တော့ တစ်ခုခု လုပ်ဖြစ်အောင် လုပ်ပေးခြင်းဖြင့် ကိုယ့်ရဲ့ ခန္ဓာကိုယ်၊ ဦးနှောက်နဲ့ ခါးဆိုဒ် တွေက ကိုယ့်ကို ကျေးဇူးတင် ကြမှာဖြစ်ပြီး တစ်ပတ်ကို နားရက် အနည်းဆုံး တစ်ရက်တော့ နားဖို့ လိုအပ်ပါကြောင်း လေ့လာရေးသား လိုက်ရပါတယ်။ (TMK)
ရတနာပုံနေ့စဉ်သတင်းစာ ၊ စာ(၃၂)
.jpg)
No comments:
Post a Comment