စာနယ်ဇင်းနှင့် စာနယ်ဇင်းသမားကျင့်ဝတ်

စာနယ်ဇင်းနှင့် စာနယ်ဇင်းသမားကျင့်ဝတ်

နိုင်ငံတကာ နိုင်ငံရေးနှင့် ပြည်တွင်း နိုင်ငံရေးတို့ကို လေ့လာကြသော အခါတွင် များသောအားဖြင့် နိုင်ငံ့ခေါင်းဆောင် များနှင့် တာဝန်ရှိသူ ပလေယာများ၏ ထုတ်ဖော် ပြောဆိုမှုများ၊ ကြေညာချက်များ၊ သတင်းဌာန များ၏ ရေးသားဖော်ပြမှု များကိုသာ အာရုံစိုက်၍ ကောက်ချက်ဆွဲလေ့ ရှိကြသည်။ သို့ရာတွင် ထိုသို့ ကောက်ချက်ဆွဲတိုင်း လက်တွေ့၌ ဖြစ်ချင်မှ ဖြစ်လာတတ် သည်ကို တွေ့ရကြောင်း နိုင်ငံရေး သုတေသီတို့ ဆိုထားကြသည်။ဤသည်မှာ နိုင်ငံတစ်နိုင်ငံ၏ အရေးအရာ များတွင် စတုတ္ထမဏ္ဍိုင် သတင်းဌာနများ မည်မျှ အရေးပါသည်ကို နိုင်ငံရေး သုတေသီများက ဖော်ညွှန်း ထားခြင်း ဖြစ်သည်။

လူ့စိတ်သည် အာရုံများနှင့် ဆက်နွှယ်ခံစား နေခြင်းကြောင့် ဣဋ္ဌာရုံနှင့် တွေ့လျှင် ကြည်နူးဝမ်းသာ တတ်ပြီး အနိဋ္ဌာရုံနှင့် တွေ့လျှင် ဝမ်းနည်းကြေကွဲ မုန်းတီး တတ်သည်။ ထို့ကြောင့် ပုထုဇဉ်လူသား တို့သည် စိတ်ကောင်းဖြစ်သည့် အခါဖြစ်၍ မကောင်းစိတ် ဖြစ်သည့်အခါ ဖြစ်လိုက်နှင့် ကောင်းဆိုးနှစ်ဖြာ တို့က ချားရဟတ်ပမာ လည်ပတ် နေတတ်သူ များဖြစ်သဖြင့် ကြည့်လျက်နှင့် မမြင်၊ မြင်လျက်နှင့် မသိ၊ သိလျက်နှင့် မကျင့်၊ ကျင့်လျက်နှင့် ဉာဏ်အလင်း မပေါ် တရားအမှန်မရ ဖြစ်ကြရသည်။

စတုတ္ထမဏ္ဍိုင် စာနယ်ဇင်းသမား တို့ လိုက်နာစောင့်ထိန်း ရမည့် ကျင့်ဝတ် အသီးသီးရှိကြ သော်လည်း ဆိုခဲ့သည့် အတိုင်း သိလျက်နှင့်မကျင့်၊ ကျင့်လျက်နှင့် တရားအမှန် မရသည့် သတင်း ဖော်ပြချက် များကြောင့် နောက်နေ့များတွင် အမှားပြင်ဆင်ခြင်း၊ သက်ဆိုင်သူသို့ တောင်းပန်ခြင်း စသည်တို့ကို ဖော်ပြကြသည်များ တွေ့ရသည်။

သတင်းသမား ဘဝကို ဂုဏ်ယူတတ်ကြ စေရန် သတင်းသမား ဘိုးအေကြီး များက အမှာစကား ထားခဲ့ကြသည်မှာ သတင်းစာ ဆရာ၊ သတင်းထောက် ခေါင်းဆောင်မှု မပါတဲ့ ခေတ်တစ်ခေတ်မှ မရှိပါဘူး။ အမြဲ ခေါင်းဆောင်မှု ပေးနေတာပဲ ဆိုတာ ကျွန်တော် ရဲရဲကြီး ပြောချင်ပါတယ်။ မေးစရာတော့ ရှိပါတယ်။ ခေါင်းဆောင်မှု ပေးလို့ သတင်းစာ ဆရာတွေ၊ သတင်းထောက် တွေကပဲ အစိုးရ ဖြစ်လို့လား၊ သတင်းစာ ဆရာတွေ၊ သတင်းထောက် တွေ ကပဲ ယခုအခေါ် တာဝန်ခံ ပုဂ္ဂိုလ်ကြီးတွေ ဖြစ်လို့လား ဆိုရင် မဟုတ်ပါဘူး ဟူ၍ နှောင်းလူတို့ စံထား အလေးအမြတ် ပြုဖွယ်စကား ကြားဖူးသူများ ရှိကြသည်။

ထို့ပြင် ၁၉၆၃ ခုနှစ် မတ် ၃၁ ရက်တွင် ရန်ကုန်မြို့တော် ခန်းမ၌ ကျင်းပသော မြန်မာပြည် သတင်းထောက်များ အသင်း ညီလာခံ၌ သတင်းထောက် အသင်းဥက္ကဋ္ဌ ပြောကြားသည်မှာ အခွင့်အရေး သမားများကြောင့် သတင်းထောက် အလုပ်၊ သတင်းထောက် ဘဝ ကို ရိုးသား ယုံကြည်စွာ မြတ်နိုး တန်ဖိုးထားသော သတင်းထောက် များပါ ရော၍ ထိခိုက်နစ်နာ ဂုဏ်ပျက် နေရသည်။ ထို့ကြောင့် သတင်းထောက် အတု အစစ် ခွဲခြားမှုကို ထိထိရောက်ရောက် ဆောင်ရွက်သွားမည် စသည်ဖြင့် ထုတ်ဖော်ပြောကြား ဖူးကြောင်း သိရသည်။

မြန်မာနိုင်ငံတွင် ပွင့်လင်းမြင်သာသော ခေတ်သို့ ပြောင်းလဲချိန်တွင် လွတ်လပ်စွာ ရေးသားခွင့် ရရှိကြပြီး ဖြစ်သည်။ လွတ်လပ်စွာ ရေးသားကြ ရာတွင် မသေချာ မရေရာသော အကြောင်းအရာကို လုပ်ကြံဖန်တီးပြီး မရေးရ။ စာဖတ် ပရိသတ်ကို မလှည့်ဖြားရ။ ကိုယ်တိုင်သိမြင် ရသော အချက်အလက် များကို အရှိအတိုင်း ဓမ္မဓိဋ္ဌာန် ကျကျရေးပါ ဆိုသည့် သိက္ခာရှိသော စာနယ်ဇင်း သမားတို့ ကျင့်ဝတ်ရှိပြီး ဖြစ်သည်ကို အလေးအနက် လိုက်နာ ကြပါရန် မြဝတီ က တိုက်တွန်းနှိုးဆော် လိုက်ရပါသည်။

( အယ်ဒီတာ့အာဘော် )

မြ၀တီနေ့စဉ် ၊ စာ(၂)