www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, August 9, 2016

မလေးရှာနိုင်ငံရောက် မြန်မာအလုပ်သမား ၁၃၈ ဦး ရန်ကုန် အပြည်ပြည်ဆိုင်ရာ လေဆိပ်သို့ MAI လေယာဉ်ဖြင့် ပြန်လည်ရောက်ရှိ



ရန်ကုန် ၊ ၉-၈-၂၀၁၆

မလေးရှားနိုင်ငံ ထိန်းသိမ်းရေး စခန်း ၁၁ ခုတွင် အကြောင်း အမျိုးမျိုးကြောင့် ဖမ်းဆီးခံ နေရသော ရွှေ့ပြောင်းမြန်မာ လုပ်သားများ အနက်မှ ၁၃၈ ဦးသည် ယမန်နေ့ ညပိုင်းတွင် ကမ္ဘောဇ အနာဂတ် အလင်းတန်း မြန်မာ ဖောင်ဒေးရှင်း (BFM) ၏ ထောက်ပံ့ငွေဖြင့် ရန်ကုန် အပြည်ပြည်ဆိုင်ရာ လေဆိပ်သို့ MAI လေယာဉ်ဖြင့် ရောက်ရှိလာကြောင်း သိရသည်။

''နိုင်ငံတော်၏ အတိုင်ပင်ခံ ပုဂ္ဂိုလ်ရဲ့ ထိုင်းနိုင်ငံခရီးစဉ်မှာ ပြည်ပရောက် ရွှေ့ပြောင်း မြန်မာလုပ်သားတွေ နေရပ်ပြန်ဖို့ အခက်အခဲ ရှိနေသူတွေကို အကူအညီပေးဖို့ လမ်းညွှန်ထား ပါတယ်။ ဒီအပေါ်မှာ ကျွန်တော်တို့ ပြည်ပ အလုပ်အကိုင် ကြီးကြပ်ရေး ကော်မတီ ရဲ့ ကြီးကြပ်မှုနဲ့ နိုင်ငံအသီးသီးမှာ နေရပ်ပြန်ဖို့ ခက်ခဲနေသူ တွေကို ကျွန်တော်တို့ အလုပ်သမား ညွှန်ကြားမှု ဦးစီးဌာန မလေးရှားနိုင်ငံ ဆိုင်ရာ မြန်မာသံရုံးနဲ့ နိုင်ငံခြားရေး ဝန်ကြီး ဌာနအပြင် လူဝင်မှု ကြီးကြပ်ရေး အဖွဲ့တွေ ပူးပေါင်းပြီး မြန်မာနိုင်ငံသား မှန်ကန်ကြောင်း စစ်ဆေးပြီး အခုလိုပြန်လည် ခေါ်ဆောင်ခဲ့တာပါ။ ရှေ့ဆက်ပြီး တော့လည်း သြဂုတ် ၁၂ ရက်မှာလည်း အခုလို လေယာဉ်စင်းလုံး အစီအစဉ်နဲ့ ၁၃၈ ဦး ပြန်ခေါ်သွားဖို့ ရှိပါတယ်'' ဟု အလုပ်သမား ညွှန်ကြားရေး ဦးစီးဌာန ညွှန်ကြားရေးမှူး ဦးသိန်းဝင်း က ပြောသည်။

ယမန်နေ့ည ရောက်ရှိလာသော မြန်မာရွှေ့ပြောင်း လုပ်သားများတွင် ရန်ကုန်တိုင်း ဒေသကြီးမှ ရှစ်ဦး၊ မန္တလေးတိုင်း ဒေသကြီးမှ ကိုးဦး၊ စစ်ကိုင်းတိုင်း ဒေသကြီးမှ ၂၁ ဦး၊ ပဲခူးတိုင်း ဒေသကြီးမှ ခုနစ်ဦး၊ မကွေးတိုင်း ဒေသကြီးမှ ခုနစ်ဦး၊ ဧရာဝတီတိုင်း ဒေသကြီးမှ ခြောက်ဦး၊ တနင်္သာရီတိုင်း ဒေသကြီးမှ ၁၂ ဦး၊ ကချင်ပြည်နယ် မှနှစ်ဦး၊ ကရင်ပြည်နယ် မှ ၁၁ ဦး၊ မွန်ပြည်နယ်မှ ၁၃ ဦး၊ ရခိုင်ပြည်နယ် မှ ၁၈ ဦး၊ ရှမ်းပြည်နယ်မှ တစ်ဦး၊ ချင်းပြည်နယ်မှ ၂၃ ဦးအပါအဝင် စုစုပေါင်း ၁၃၈ ဦးပါဝင်ကြောင်း သိရသည်။ ယင်းတို့ထဲတွင် အမျိုးသမီး ရှစ်ဦး ပါဝင်ကြောင်း သိရသည်။

ယခုအခါတွင် မလေးရှားနိုင်ငံရှိ ထိန်းသိမ်းရေး စခန်း ၁၁ ခုတွင် ဖမ်းဆီးခံ နေရသော ရွှေ့ပြောင်းမြန်မာ လုပ်သား ၂၂၉၄ ဦးရှိရာ ယခု အသုတ်သည် ပထမအသုတ် ဖြစ်ကြောင်း သိရသည်။

ကျန်ရှိနေသေးသော မြန်မာလုပ်သား များအား မလေးရှားနိုင်ငံရှိ မြန်မာသံရုံးမှ ထိန်းသိမ်းရေး စခန်းများတွင် သွားရောက် စစ်ဆေးကာ ပြန်လည်ခေါ်ယူ နိုင်ရေးအား ဆောင်ရွက်သွားမည် ဖြစ်ကြောင်း သိရသည်။

ယနေ့ညတွင် ရောက်ရှိလာသော မြန်မာနိုင်ငံသား ၁၃၈ ဦးအား ကြည့်မြင်တိုင် မြို့နယ် ငါးဈေးအနီးရှိ သာဓု ဘုန်းတော်ကြီးကျောင်း တွင် ခေတ္တထားရှိကာ နေရပ် အသီးသီးသို့ ပြန်လည်ပေးပို့ သွားမည် ဖြစ်ကြောင်း သိရသည်။

ကမ္ဘောဇ အနာဂတ် အလင်းတန်း မြန်မာ ဖောင်ဒေးရှင်း အနေဖြင့် လေယာဉ် စင်းလုံးငှား အခမဲ့ပို့ဆောင် ပေးသည့်အပြင် တစ်ဦးလျှင် အပြန်စရိတ် ငွေကျပ် တစ်သိန်းစီ ထောက်ပံ့ ပေးအပ်ခဲ့ကြောင်း သိရသည်။

မြ၀တီနေ့စဉ် ၊ စာ(၁၇)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger