www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, August 12, 2016

အများအကျိုးဆောင် မှ ကိုယ့်အကျိုးအောင်မည်


အများအကျိုးဆောင် မှ ကိုယ့်အကျိုးအောင်မည်

မကောင်းသော အရာကို မပြုလုပ်ရန် တားမြစ်သော သူသည် ချစ်ခင်သူ မည်၏။ မနှစ်ခြိုက် သော်လည်း အကျိုးစီးပွားနှင့် စပ်လျဉ်းသော စကားကို နာယူခြင်းသည် ချမ်းသာသုခကို ဖြစ်စေတတ်၏။ အပြင်အရပ်၌ ပြောဆိုညွှန်ပြ  ဆုံးမသူနှင့် အဆုံးအမကို နာခံသူနှစ်ဦး ရှိ၏။ ထိုအရပ်၌ စည်းစိမ် ကျက်သရေ တို့သည် မွေ့လျော် ပျော်ပိုက်ကုန်၏ ဟူ၍ သူတော်ကောင်းတို့ ညွှန်ပြထား ကြသည်။

လောကလူသား တို့သည် မိမိအကျိုးနှင့် သူတစ်ပါး အကျိုးကို မျှတစွာ ကြည့်တတ်ကြ ရပေမည်။ အမေရိကန် စာပေပညာရှင် ဂျော့ဝါရှင်တန် ကာဗာ၏ အဆိုအမိန့် တစ်ခုမှာ လူ့ဘဝ၏ အောင်မြင်မှု ဆိုသည်မှာ ဘွဲ့ထူး ဂုဏ်ထူးနှင့် တိုက်တွေ ကားတွေ ပစ္စည်းဥစ္စာတွေ နှင့် တိုင်းတာရန် မဟုတ်ဘဲ မိမိသည် တခြားသူများ အတွက် မည်မျှလုပ်ကိုင် ဆောင်ရွက်ပေး ခဲ့သည်ဆိုသော အချက်နှင့် တိုင်းတာရန် ဖြစ်သည်ဟု ဆိုထားသည်။

မြန်မာနိုင်ငံတွင် ခေတ်ပြောင်း စနစ်ပြောင်းရန် အရှိန်အဟုန် ကောင်းကောင်းဖြင့် ကြိုးပမ်းနေကြ ချိန်တွင် နိုင်ငံတော်အစိုးရ၊ လွှတ်တော်၊ ပြည်သူနှင့် တပ်မတော်တို့ စုစည်း ညီညွတ်စွာ ကျရာကဏ္ဍမှ ပါဝင်နေကြသည်မှာ ပြည်သူများ ဝမ်းမြောက်ဖွယ် ဖြစ်သည်။ နိုင်ငံတော် ပြည်အရေးပေမို့ ပါဝင်သင့် ပါဝင်ထိုက်သူများ ပါဝင်ကြရေး ကိုလည်း အားလုံးဝိုင်းဝန်း ကြိုးပမ်းနေကြ သည်မှာ အထင်အရှား ရှိသည်။ လူချင်း တူသော်လည်း အသက်ရှူခြင်း ကွဲသေးသည် ဆိုသော စကားအရ ကမ္ဘာပေါ်တွင် တစ်ဦးနှင့်တစ်ဦး အစစအရာရာ လုံးဝတူသော ပုဂ္ဂိုလ်မရှိသေး သည်မှာ သဘာဝကျသည် ကိုလည်း မြန်မာပြည်သူ အပေါင်းတို့ နားလည်လက်ခံ ထားပြီးဖြစ်သည်။

မြန်မာနိုင်ငံတွင် တိုင်းရင်းသား ပြည်သူအပေါင်း တို့သည် ရှေးနှစ်ပေါင်း များစွာကပင် အေးအတူ ပူအမျှ အတူတကွ နေလာခဲ့ကြ သူများဖြစ်သည်။ အခိုင် တစ်ခုတွင် အသီးတစ်ရာပင် ရှိလင့်ကစား အညှာမှာ တစ်ခုတည်းသာ ဖြစ်သကဲ့သို့ တိုင်းရင်းသား ပြည်သူတို့ သည်လည်း ပထဝီ အနေအထားအရ နေထိုင်လုပ်ကိုင် စားသောက်ကြသည့် သဘောသဘာဝ မတူကြသော်ငြား အသီးတစ်ရာ အညှာတစ်ခု ပမာ ရှိနေကြသည်ကို မမေ့အပ်ပေ။ 

မျက်မှောက် ကမ္ဘာ့နိုင်ငံရေး ကစားပွဲကြီးမှာ မာယာပရိယာယ် အသွယ်သွယ်ဖြင့် အပြိုင်ကြဲ နေကြရာ မြန်မာပြည်သူ အပေါင်းတို့၏ အကျိုးစီးပွားကို ဦးထိပ်ထားသော အမျိုးသားရေး သတိဖြင့် ရရှိပြီးသော စည်းလုံး ညီညွတ်မှုကို ပိုမိုခိုင်မြဲအောင် တည်ဆောက်ကြရန် ဖြစ်သည်။

အတ္တလွန်ကဲ သူတို့သည် လိုလားချက် တစ်ခုအတွက် လူအများကို အသုံးချ တတ်ကြသကဲ့သို့ လူအများ အကျိုးယုတ် စေသည့်အမှု တို့ကိုလည်း ပြုလုပ်ကြသည်။ ပြည်သူတို့ ဒုက္ခဆင်းရဲမှ ကင်းဝေး စေလိုလျှင် ပြည်သူ့တို့ ဘဝအတွက် အကာအကွယ် ပေး၍ ပြည်သူ့အကျိုးကို ရှေးရှုသော လမ်းညွှန်မှုတို့ကို မိမိမနှစ်ခြိုက် သော်လည်း လိုက်နာကြ ရမည်ဖြစ်သည်။ သို့မှသာ ပြည်သူအများ ချမ်းသာသုခ ရရှိစေနိုင်ကြမည် ဖြစ်သကဲ့သို့ မိမိသည် တခြားသူများ အတွက် မည်မျှလုပ်ကိုင် ဆောင်ရွက်ပေး ခဲ့သည်ဆိုသော အချက်ကို အခိုင်အမာ ပြနိုင်မည် ဖြစ်ကာ အများအကျိုးဆောင် ကိုယ့်အကျိုးအောင် နိုင်မည် ဖြစ်ပေသည်။

( အယ်ဒီတာ့အာဘော် )

မြ၀တီနေ့စဉ် ၊ စာ(၂)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page