လူငယ်တွေကမ္ဘာကိုကြည့်၍ မြန်မာကိုဖြည့်ရမည်

လူငယ်တွေကမ္ဘာကိုကြည့်၍ မြန်မာကိုဖြည့်ရမည်

အာဇာနည် ခေါင်းဆောင်ကြီးများ ကျဆုံးသည့် (၆၉)နှစ်မြောက် အာဇာနည်နေ့ အထိမ်းအမှတ် အခမ်းအနား များကို တစ်ပြည်လုံး အတိုင်းအတာဖြင့် ကျင်းပ၍ ဂုဏ်ပြုကြ သူများ၊ ကုသိုလ်ကောင်းမှု ပြု၍ အာဇာနည် ခေါင်းဆောင်ကြီး များအား အမျှပေးဝေ သူများ စသည်ဖြင့် ယခုနှစ် အာဇာနည် နေ့သည် ထူးထူးခြားခြား စည်ကားလှ ပေရာ ရိုသေထိုက် သူကို အလေးအမြတ် အရိုအသေ ပြုကြသူ အပေါင်းအား နှစ်ထောင်း အားရဖွယ် မြင်တွေ့ ရသည်။

ဗိုလ်ချုပ်အောင်ဆန်း သည် ရန်ကုန်ရှိ အရှေ့အာရှတိုက် လူငယ်များ အစည်းအရုံး ဌာနချုပ်၌ ၁၉၄၄ ခုနှစ် နိုဝင်ဘာ ၁၈ ရက်တွင် မိန့်ခွန်း ပြောကြားရာ၌ ကမ္ဘာ့ အလားအလာ၊ ဗမာ့ အလားအလာ နှင့် လူငယ်တာဝန် တို့ကို ရှင်းလင်း ပြောကြားသည်။

ဗိုလ်ချုပ်အောင်ဆန်း က ကမ္ဘာကို ကြည့်၍ မိမိတို့နိုင်ငံ တိုးတက်အောင် ဆောင်ရွက် ကြမည်ဆိုလျှင် အောင်မြင်မှု ရမည်ကို ပြောကြားရာ၌ ''အကယ်၍ ကမ္ဘာကြီးကို တိုးတက်ဖို့ အရေးတွေက ကမ္ဘာမယ် ဆိုရင် ယခုဖြစ်ပျက် နေတဲ့ အခြေအနေ တွေ၊ ရှေးက ဖြစ်ပျက်တဲ့ အခြေအနေ တွေနဲ့ မျှော်တွေး ကြည့်လိုက်ရင် အဲဒီအရေး တွေကို သေသေချာချာ နားလည်မယ် ဆိုရင် ရှေးကဖြစ်ပျက် တဲ့အကြောင်း၊ ယခုဖြစ်ပျက် နေတဲ့အကြောင်း တွေနဲ့ နောင်ဖြစ်ပျက်မယ့် အကြောင်းအရာ တွေကို မျှော်တွေးတတ် မယ်ဆိုရင် ကျွန်တော်တို့ ဗေဒင် သိုက်တဘောင်တွေ မေးနေစရာ မလိုဘူး'' ဟု အတိအလင်း ပြောကြား ခဲ့သည်။

ယနေ့ မြန်မာနိုင်ငံ လူဦးရေ၏ ၇ဝ ရာခိုင်နှုန်း နေထိုင်လျက် ရှိသော ကျေးလက်ဒေသ များ၌ ပညာရေး၊ ကျန်းမာရေး အခြေအနေ များမှာ မြို့ပြနှင့် ကွာခြားမှု ရှိနေဆဲပင် ဖြစ်သည်။ ဝေးလံသော ဒေသများ၊ လမ်းပန်း ဆက်သွယ်ရေး ခက်ခဲသော ဒေသများ၊ နယ်မြေ အေးချမ်းမှု မရှိသော ဒေသများသို့ သွားရောက် တာဝန် ထမ်းဆောင်လိုသော ဝန်ထမ်း နည်းပါးခြင်း၊ မဖြစ်မနေ သွားရောက် တာဝန်ထမ်းဆောင် ကြသော ဝန်ထမ်းများ အနေဖြင့်လည်း တာဝန်ကျရာ ဒေသသည် ဖွံ့ဖြိုးမှု နိမ့်ကျသော ဒေသဖြစ်သဖြင့် မိသားစု ပညာရေး၊ ကျန်းမာရေးနှင့် လူမှုရေး အခက်အခဲ များကြောင့် ရေရှည် မနေနိုင်ခြင်း စသည့် အခြေအနေ များကြောင့် ကျေးလက်နေ ပြည်သူများ၏ လူမှုစီးပွား နိမ့်ကျသည့် သံသရာမှ လွတ်မြောက်ရန် အလှမ်းဝေး နေသေးသည်။ 

ကမ္ဘာ့ကျန်းမာရေး အဖွဲ့က ၂ဝ၁၄ ခုနှစ်တွင် ထုတ်ပြန်သော စာရင်းများအရ ကမ္ဘာ့လူဦးရေ၏ ၅ဝ ရာခိုင်နှုန်း ကျော်သည် ကျေးလက်ဒေသ များတွင် နေထိုင်လျက် ရှိသည်။ ကျေးလက်ပြည်သူ များ၏ ကျန်းမာရေး တာဝန် ထမ်းဆောင်နေသော ဆရာဝန် အရေအတွက် ၂၅ ရာခိုင်နှုန်းနှင့် သူနာပြု ဆရာမ အရေအတွက် ၃၈ ရာခိုင်နှုန်းသာ ရှိကြောင်း သိရသည်။

ဗိုလ်ချုပ်အောင်ဆန်း သည် ဝေးလံသော ဒေသများနှင့် ကျေးလက်ပြည်သူ များ၏ လူမှုစီးပွားဘဝ ဖွံ့ဖြိုးရေး တာဝန်ကို လူငယ်များက ထမ်းဆောင်ကြရန် ပြောကြားရာ၌ ''ကျွန်တော်တို့ လူငယ်တွေ အားကိုးရမယ်။ လူငယ်တွေ ဘယ်မလဲ။ လူငယ်တွေ ထွက်စမ်းပါ။ တောကြို တောင်ကြား တွေထဲ သွားရမယ်။ မိန်းမတော့ ရချင်မှ ရမယ်။ တိုင်းပြည်တော့ အမှန် ကောင်းစားမှာပဲ။ ဘယ်သူ စွန့်စားရဲတဲ့သူ တွေရှိသလဲ။ ခေါင်းဆောင်တွေ အများကြီး လိုတယ်။ အရည်အချင်း ရှိရမယ်။ စိတ်ဓာတ် ခိုင်မာရမယ်။ အလှမ်းကျော်တဲ့ အလုပ်တွေ မလုပ်ဘဲနဲ့ လှမ်းတဲ့ခြေလှမ်း နှေးချင် နှေးပါစေ။ အလှမ်းကျယ်ကျယ် လှမ်းပါ။ ကျွန်တော်တို့ လူငယ်တွေ ကချင်နယ်တွေ၊ ချင်းနယ်တွေ၊ ရှမ်းနယ်တွေ သွားရောက်ပြီး လူမျိုးရေး၊ ယဉ်ကျေးမှုတွေ အတွက် အနစ်နာခံပြီး ပြုပြင် ပေးကြပါ။ သူတို့လိုထိုင်၊ သူတို့လိုနေ၊ သူတို့လို ပြောတတ်အောင် လုပ်ကြပါ'' စသည်ဖြင့် မှာကြားခဲ့သည်။

သို့ဖြစ်၍ ကျေးလက်ဆိုရင် မသွားချင်၊ တောင်ပေါ်ဆိုရင် ဟင့်အင် ဆိုသော စိတ်ဓာတ် များကို ဖျောက်ဖျက်၍ တိုးတက်လိုသော အမြင်ဖြင့် ဖြည့်ဆည်းကြရန် မှာ လူငယ်တို့ တာဝန်ပင် ဖြစ်ပေသည်။

( အယ်ဒီတာ့အာဘော် )

မြ၀တီနေ့စဉ် ၊ စာ(၂)