www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Saturday, July 23, 2016

စက်သပိတ်များ ဈေးကွက်ဝင်လာခြင်းကြောင့် လက်ရိုက်သံသပိတ် ပြုလုပ်သူ ရှားပါးလာ



တံတားဦး ၊ ၂၃-၇-၂၀၁၆

လက်ရှိတွင် သင်္ကန်းပရိက္ခရာ ရောင်းချသည့် ဈေးကွက်၌ စက်ဖြင့် ပုံစံသွင်း ပြုလုပ်ထားသော သပိတ်များ ဝင်ရောက်လာ ခြင်းကြောင့် လက်ရိုက် သံသပိတ် ပြုလုပ်သူများ တဖြည်းဖြည်းရှားပါး လာကြောင်း သိရသည်။

''အခုချိန်မှာ ခေတ်က ပြောင်းလဲလာတော့ ဈေးကွက် လိုအပ်ချက်အရ လက်ရိုက် သံသပိတ်တွေ အစား စက်နဲ့ပြုလုပ်တဲ့ သပိတ်တွေကို တွင်ကျယ်စွာ ထုတ်လုပ် ရောင်းချလာကြ ပါတယ်။ ဒါကြောင့် လက်ရိုက်သံသပိတ် တွေကို လုပ်တဲ့သူတွေ နည်းလာတာပါ။ လက်ရိုက် သံသပိတ်က တစ်နေ့ကို လေးလုံးလောက်ပဲ လုပ်နိုင်ပြီး စက်သပိတ်က တစ်နေ့ကို အလုံး ၇ဝ လောက် ပြီးပါတယ်။ အရေအတွက် များများပြီးတဲ့ စက်သပိတ် လုပ်ငန်း လုပ်ကိုင်သူ များတာကြောင့် လက်ရိုက်သံသပိတ် လုပ်တဲ့သူတွေ ပျောက်ကွယ်လု နီးပါး ဖြစ်လာတာပါ'' ဟု တံတားဦးမြို့နယ် အင်းဝမြို့ဟောင်း ပန်းပဲတန်းရပ်မှ သံသပိတ် လုပ်ငန်း လုပ်ကိုင်သူ ဦးဝင်းရွှေ က ပြောသည်။

အင်းဝမြို့ဟောင်းမှ ထွက်ရှိသည့် သံသပိတ်များကို နိုင်ငံတစ်ဝန်းသို့ တင်ပို့ ရောင်းချလျက် ရှိပြီး ဈေးကွက်အတွင်း၌ သံသပိတ် တစ်လုံးလျှင် ငွေကျပ် ၃၅ဝဝ နှုန်းဖြင့် ရောင်းချကြကာ မတ်လနှင့် ဧပြီလတို့တွင် ရောင်းအား အကောင်းဆုံး ဖြစ်ကြောင်း သိရသည်။

လက်ရှိတွင် အင်းဝမြို့ဟောင်း၌ သံသပိတ် လုပ်ငန်း လုပ်ကိုင်သူ ၁ဝ ဦးခန့်သာ ရှိတော့ကြောင်း သိရသည်။ (သီရိ)

မြ၀တီနေ့စဉ် ၊ စာ(၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page