www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, June 20, 2016

ပြည်ပအလုပ်အကိုင် ၀န်ဆောင်မှုလုပ်ငန်း လုပ်ဆောင်ရန် လျှောက်ထားသော အေဂျင်စီများ တစ်လလျှင် လေးခုခန့်ရှိ



ရန်ကုန် ၊ ၂၀-၆-၂၀၁၆

မြန်မာနိုင်ငံမှ အလုပ်သမားများ ပြည်ပသို့ သွားရောက် လုပ်ကိုင်ရန် ပြည်ပ အလုပ်အကိုင် ဝန်ဆောင်မှု လုပ်ငန်း လျှောက်ထားသော အေဂျင်စီများ အနေဖြင့် တစ်လလျှင် လေးခုခန့် ရှိကြောင်း ပြည်ပ အလုပ်အကိုင် ဝန်ဆောင်မှု လုပ်ငန်းရှင်များ အဖွဲ့ချုပ်မှ တာဝန်ရှိသူ တစ်ဦးက ပြောသည်။

ပြည်ပနိုင်ငံ များသို့ သွားရောက် လုပ်ကိုင်လိုသော မြန်မာ ရွှေ့ပြောင်း အလုပ်သမား များ ပိုမိုများပြား လာခြင်းကြောင့် ပြည်ပ အလုပ်အကိုင် ဝန်ဆောင်မှု အေဂျင်စီ များလာခြင်း ဖြစ်ပြီး ပြည်ပ အလုပ်အကိုင် ဈေးကွက် မှာလည်း ကောင်းမွန်လျက် ရှိကြောင်း သိရသည်။

ထို့ကြောင့် ယခုနှစ်များ အတွင်း ပြည်ပ အလုပ်အကိုင် ဝန်ဆောင်မှု အေဂျင်စီများ တိုးပွားလာဖွယ် ရှိနေပြီး ပြည်ပ အလုပ်အကိုင် ဝန်ဆောင်မှု လုပ်ငန်း လုပ်ကိုင်လို သူများ အနေဖြင့် ငွေကျပ် သိန်း ၁ဝဝဝ ကို ဘဏ်၌ အာမခံ ထားရှိရန် လိုအပ်သည်။ ပြည်ပ အလုပ်အကိုင် ဝန်ဆောင်မှု လုပ်ငန်းရှင် များ အဖွဲ့ချုပ် အနေဖြင့် တစ်လလျှင် အနည်းဆုံး လျှောက်ထားသူ နှစ်ဦးမှ လေးဦး အကြား ထောက်ခံချက်များ ပေးနေ ရကြောင်း သိရသည်။

မြန်မာနိုင်ငံ အတွင်း ပြည်ပ ရင်းနှီးမြှုပ်နှံ မှုများ ဝင်ရောက်မှု တိုးတက် လာသော်လည်း စက်ရုံများ လည်ပတ်နိုင်မှု နည်းပါး နေသေး သောကြောင့် ပြည်ပ အလုပ်အကိုင် ဝန်ဆောင်မှု လုပ်ငန်းများအား ထိခိုက်မှု ရှိဦးမည် မဟုတ်ကြောင်း၊ လက်ရှိတွင် ပြည်တွင်း အလုပ်သမား များအား ထိုင်းနိုင်ငံ အပါအဝင် မလေးရှား၊ စင်ကာပူ၊ မကာအို၊ ဒူဘိုင်းနှင့် ဂျပန် စသည့်နိုင်ငံ တို့မှ ခေါ်ယူရန် ကမ်းလှမ်းမှုများ ရှိနေကြောင်း သိရသည်။

ယခုအခါ ပြည်ပရောက် မြန်မာ ရွှေ့ပြောင်း အလုပ်သမား များသည် မြန်မာနိုင်ငံ အတွင်းသို့ ပြန်လည် ဝင်ရောက်ကာ အခြေချ လုပ်ကိုင် လာမှုများ ရှိသော်လည်း ပြည်ပ နိုင်ငံများသို့ သွားရောက် လုပ်ကိုင်မှုများ လျော့ကျ သွားခြင်း မရှိကြောင်း သိရသည်။

ပြည်ပ အလုပ်အကိုင် ဝန်ဆောင်မှု အေဂျင်စီ အနေဖြင့် ပြည်ပနိုင်ငံ များသို့ အလုပ်သမားများ စေလွှတ်ရာတွင် သတ်မှတ် စည်းကမ်းချက် များကို လိုက်နာကြ ရမည်ဖြစ်ပြီး အလုပ်သမား များ၏ အခွင့်အရေးများ နစ်နာမှု မရှိစေရန် လည်း ဝန်ဆောင်မှု ပေးရမည် ဖြစ်ကြောင်း သိရသည်။ (စိုးမိုး)

မြ၀တီနေ့စဉ် ၊ စာ(၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page