www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, April 29, 2016

ဝေးလံခေါင်းပါးဒေသများရှိ တိုက်နယ်ဆေးရုံများ၌ တပ်မတော်ပါရဂူများနှင့် ဆေးမှူးများက ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေး


တပ်မတော်ပါရဂူများက ဝေးလံခေါင်းပါး ဒေသများရျိ တိုက်နယ်ဆေးရုံများ၌ ဒေသခံပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးစဉ်

နေပြည်တော် ၊ ၂၉-၄-၂၀၁၆

စစ်ကိုင်းတိုင်း ဒေသကြီး၊ ချင်းပြည်နယ် နှင့် နာဂကိုယ်ပိုင် အုပ်ချုပ်ခွင့်ရ ဒေသများ အတွင်း ဝေးလံခေါင်းပါး ၍ လမ်းပန်း ဆက်သွယ်ရေး ခက်ခဲသော ဒေသများရှိ ဒေသခံ ပြည်သူများ၏ ကျန်းမာရေးမြှင့်တင် ပေးရန်အတွက် မြို့နယ်နှင့် တိုက်နယ် ဆေးရုံများ၌ ဆရာဝန် လိုအပ်ချက်များ ရှိသဖြင့် တပ်မတော်မှ ပါရဂူများ၊ ဆေးမှူးများက မိမိသဘော ဆန္ဒအလျောက် သွားရောက် တာဝန်ထမ်းဆောင် ၍ ဒေသခံပြည်သူ များ၏ ကျန်းမာရေး စောင့်ရှောက်မှု လုပ်ငန်းများကို မတ်လ လလယ်ပိုင်းမှ စတင်၍ ဆောင်ရွက်ပေး လျက်ရှိသည်။

ထိုသို့ ဆောင်ရွက်ပေးလျက် ရှိရာ မတ် ၂၂ ရက် မှ ဧပြီ ၂၇ ရက်အထိ နန်းယွန်းဒေသမှ ဒေသခံပြည်သူ ၅၇၃ ဦး၊ ပန်ဆောင်ဒေသမှ ဒေသခံပြည်သူ ၄ဝ၇ ဦး၊ ဒုံဟီးဒေသမှ ဒေသခံပြည်သူ ၄၇၈ ဦး၊ လဟယ်ဒေသမှ ဒေသခံပြည်သူ ၅၂ဝ ဦး၊ ယမ်းကြုံးဒေသမှ ဒေသခံပြည်သူ ၄၈ ဦး၊ ထန်ပါခွေဒေသမှ ဒေသခံပြည်သူ ၁ဝ၂ ဦး၊ လေရှီးဒေသမှ ဒေသခံပြည်သူ ၂၉၆ ဦး၊ ဆွမ္မရာဒေသမှ ဒေသခံပြည်သူ ၂၃၆ ဦး၊ ပန်ဆပ်ဒေသမှ ဒေသခံပြည်သူ ၁၈ဝ ဦး၊ မိုဘိုင်လွတ်ဒေသ မှ ဒေသခံပြည်သူ ၇၉ ဦး၊ ကောင်းဟိန်ဒေသ မှ ဒေသခံပြည်သူ ၁၃၃ ဦး၊ ကျီခါးဒေသ မှ ဒေသခံပြည်သူ ၁၇၈ ဦး၊ တွန်းဇံဒေသ မှ ဒေသခံပြည်သူ ၈၄၈ ဦး၊ ရိဒ်ဒေသမှ ဒေသခံပြည်သူ ၃၄၇ ဦး၊ ဆူရ်ခွားဒေသ မှ ဒေသခံပြည်သူ ၂၉၂ ဦး၊ ထန်တလန်ဒေသ မှ ဒေသခံပြည်သူ ၈၇၉ ဦး၊ လုံလဲဒေသမှ ဒေသခံပြည်သူ ၈၁ ဦး၊ မတူပီဒေသမှ ဒေသခံ ပြည်သူ ၈၅၇ ဦး၊ ရေဇွာဒေသမှ ဒေသခံ ပြည်သူ ၃၁၃ ဦး၊ လိုင်လင်းပီဒေသမှ ဒေသခံပြည်သူ ၃ဝ၁ ဦးနှင့် ဝမ္မသူးဒေသမှ ဒေသခံပြည်သူ ၁၈၉ ဦး၊ စုစုပေါင်း ၇၃၃၇ ဦးအား အထွေထွေ ဖျားနာ ဆေးကုသမှုများ၊ ခွဲစိတ် ရောဂါများ၊ ကလေးရောဂါများ၊ သားဖွားမီးယပ် ရောဂါများ၊ အရိုးရောဂါများ၊ နား၊ နှာခေါင်း၊ လည်ချောင်း ရောဂါများ၊ မျက်စိရောဂါ များနှင့် အခြား လိုအပ်သည့် ကျန်းမာရေး စောင့်ရှောက်မှု လုပ်ငန်းများကို ဆောင်ရွက်ပေး နိုင်ခဲ့ပြီး ဆက်လက်၍ လည်း ကျန်းမာရေး မြှင့်တင်မှုအား အရှိန်အဟုန်မြှင့် ဆောင်ရွက် ပေးလျက်ရှိကြောင်း သတင်းရရှိသည်။ (၁ဝဝ)

မြ၀တီနေ့စဉ် ၊ စာ(၂)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page