www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, March 16, 2016

'အ' သုံးလုံးသင်တန်းများကို အခြေခံပညာကျောင်း များမှ ဆရာ ဆရာမများအပြင် တက္ကသိုလ် ကောလိပ်များမှ ကျောင်းသား ကျောင်းသူ များပါ သင်ကြားပေးမည်


ရန်ကုန် ၊ ၁၆-၃-၂၀၁၆

ယခုနှစ် ''အ'' သုံးလုံး သင်တန်းများကို အခြေခံပညာ ကျောင်းများရှိ ဒေသခံ ဆရာ၊ ဆရာမများနှင့် တက္ကသိုလ်၊ ကောလိပ် များမှ ကျောင်းသား၊ ကျောင်းသူများ အပါအဝင် စုစုပေါင်း ၃၅ဝဝ ကျော်ဖြင့် ဧပြီ ၁ ရက်မှ စ၍ မေ ၁၅ ရက်အထိ ဖွင့်လှစ် သင်ကြား ပေးသွားမည် ဖြစ်ကြောင်း အခြေခံပညာ ဦးစီးဌာနမှ သိရသည်။

''တက္ကသိုလ်၊ ကောလိပ် တွေမှာရှိတဲ့ ကျောင်းသား၊ ကျောင်းသူ တွေကို ဗဟို အဆင့်အထိ သင်တန်းတွေ ပို့ချပြီးသွားပြီ ဆိုတော့ ဒေသခံဆရာ၊ ဆရာမ တွေနဲ့ တက္ကသိုလ် ကျောင်းသားတွေက ဧပြီ ၁ ရက်မှာ ဒေသခံ စာမတတ်သေးတဲ့ သူတွေကို ''အ''သုံးလုံး သင်တန်းတွေ သင်ကြားပေး သွားမှာ ဖြစ်ပါတယ်'' ဟု အခြေခံပညာ ဦးစီးဌာနမှ တာဝန်ရှိသူ တစ်ဦးက ပြောသည်။

အဆိုပါ ''အ'' သုံးလုံး သင်တန်းများကို မြစ်ကြီးနား၊ မြဝတီ၊ ပဲခူး၊ မိတ္ထီလာ၊ သပိတ်ကျင်း၊ သာကေတ၊ တာချီလိတ်၊ ကျုံပျော်၊ ညောင်ရွှေ၊ ဝါးခယ်မ၊ပွင့်ဖြူနှင့် ပျဉ်းမနား မြို့နယ်တို့၌ သင်ကြား ပေးသွားမည် ဖြစ်ကြောင်း သိရသည်။ 

စာမတတ်သူ ပပျောက်ရေး စီမံချက်ဖြင့် တိုင်းဒေသကြီးနှင့် ပြည်နယ် အသီးသီးရှိ မြို့နယ် ၃ဝ ၌ ဖွင့်လှစ် သင်ကြားပေးမည် ဖြစ်ကြောင်း သိရသည်။ ယခင်နှစ်များ ကလည်း မြို့နယ် ၃ဝ တွင် ဖွင့်လှစ်ပေးခဲ့ရာ သင်ပြပေးသူ ဦးရေ ၃၈၉၈ ဦးနှင့် သင်ကြားသူ ဦးရေ ၂၆၈၆၆ ဦးတို့မှ တတ်မြောက်သူ ၂၄ဝဝ၉ ဦးရှိကြောင်း သိရသည်။

ချမ်းချမ်းကို

မြ၀တီနေ့စဉ် ၊ စာ(၁၂)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page