www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, February 9, 2016

မန္တလေးမြို့မှ ဂုဏ်ယူဖွယ်ရာ မြန်မာ့ရုပ်သေးရုပ် ပြုလုပ်ခြင်းအနုပညာ




မန္တလေးမြို့မှ ဂုဏ်ယူဖွယ်ရာ မြန်မာ့ရုပ်သေးရုပ် ပြုလုပ်ခြင်းအနုပညာ

တိုးတက်လာသော ခေတ်ကာလတွင် မြန်မာနိုင်ငံသို့ အနောက်တိုင်း ဆန်သည့် အနုပညာများ ထိုးဖောက်ဝင်ရောက် လာခဲ့သော်လည်း ယခုအချိန်ထိ မန္တလေးမြို့၌ မြန်မာ့ အနုပညာ စစ်စစ်ဖြစ်သော အမြင့်သဘင် ဟု ခေါ်တွင်ခဲ့သည့် ရုပ်သေးကို ထိန်းသိမ်းကာ ပြုလုပ် ဖန်တီးခြင်းမှာ ဂုဏ်ယူဖွယ်ရာ ပင် ဖြစ်သည်။

ရှေးခေတ်က အမြင့်သဘင်တွင် နေရာယူခဲ့သော မြန်မာ့ရုပ်သေး ပညာကို မြန်မာ့ အနုပညာတို့ ပေါင်း ဆုံရာ အဖိုးတန် အနုပညာအဖြစ် တင်စားကြသည်။ ဆက်ထုံး၊ ဆုံချက်၊ အနုပညာတို့၏ ဘုံအဖြစ် ရပ်တည် လာခဲ့သော ပညာပင် ဖြစ်သည်။ ရသမျိုးစုံ ပေးစွမ်းနိုင်ကာ လူတစ်ဦးကို ငိုအောင်၊ ရယ်အောင်၊ တက်ကြွအောင်၊ လွမ်းအောင် ဖန်တီးပေးနိုင်သည် အထိ စွမ်းအားကြီးမား လှသည်။ မြန်မာ့ အနုပညာ စစ်စစ်ဖြစ်သော ရုပ်သေးပညာမှာ ခံစားမှု အနုပညာနှင့် အတူ အသုံးချ အနုပညာ အပါအဝင် အားလုံးစုံလင် မှသာ ရသမြောက်သော ရုပ်သေး ဖြစ်လာသည်။

ရုပ်သေးစင် တစ်ခု၌ အဆို၊ အက၊ အရေး၊ အတီး အားလုံးပါဝင်ကာ လူ့စိတ်နှလုံးကို ဖမ်းယူနိုင်သည် အထိ စွမ်းဆောင်နိုင်သည်။

လက်ရှိကာလတွင် နိုင်ငံတကာ ခရီးသွားများက မြန်မာ့ရုပ်သေးကို အလေးထား ကြည့်ရှုကြ သကဲ့သို့ ရုပ်သေးရုပ်များ ဖန်တီးမှုကိုလည်း စိတ်ဝင်တစား လေ့လာလေ့ ရှိသည်။ မြန်မာ့ ရုပ်သေးရုပ် တစ်ခုဖြစ်ရေး ပညာရှင်များစွာ ပူးပေါင်းပေး ကြရသည်။ ရုပ်သေးရုပ်တစ်ခု ဖြစ်ရန်အတွက် ပန်းပုဆရာက ထုဆစ် အသက်သွင်း ပေးလိုက်သည်။ ထို အသက်သွင်း ထားသော ပန်းပုရုပ်တု ကလေးကို လှပရှုချင်စဖွယ် ဖြစ်ရေးအတွက် ပန်းချီပညာဖြင့် ခြယ်သ ပေးကြရသည်။ လည်ဆွဲ၊ လက်ကောက် စုံအောင်ဆင်မြန်း နိုင်ရေးအတွက် ပန်းတမော့၊ ပန်းထိမ်ပညာ တို့ဖြင့် ပြုလုပ်ကြ ရသည်။

လှပသော ရုပ်သေးရုပ် ကလေးများ အတွက် အဝတ်အစားမှ အစ လှလှပပ ဖြစ်ရေးအတွက် အဝတ်အစား အချုပ်အလုပ်၊ မှန်စီရွှေချ၊ ရွှေချည်ထိုး၊ ရွှေဆိုင်းချ၊ ဖန်ချက် လုပ်ငန်းတို့ဖြင့် အလှဆင် ကြရပေသည်။ ပူးပေါင်းသော အနုပညာရပ်များ အကြား အရုပ်ကလေး များကို ကကြိုးများ တပ်ဆင်ပြီး လူတို့၏ စိတ်နှလုံးကို ဖမ်းစားနိုင်အောင် စွမ်းဆောင်ကြသည့် အဆင့်မြင့် အနုပညာ တစ်ခု ဖြစ်ပေသည်။

မြန်မာ့ အမြင့်သဘင် ရုပ်သေးကို ထိန်းသိမ်းထားသည့် ပညာရှင်များ မန္တလေးမြို့၌ ရှိနေခြင်းသည် မန္တလေးမြို့ အတွက် ဂုဏ်ယူဖွယ်ရာ ဖြစ်နေပြီး မြန်မာ့ရုပ်သေး ရုပ်ကလေးများ ဖန်တီးခြင်းကို ဒေါ်မမနိုင် ရုပ်သေးရုံ အနီး၌ နိုင်ငံတကာ ခရီးသွား ဧည့်သည်များ နေ့စဉ် လေ့လာလျက် ရှိသည်။

တိမ်တမန်

မြ၀တီနေ့စဉ် ၊ စာ(၇)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page