ရန်ကုန် ၊ ၁၇-၂-၂၀၁၆
စင်ကာပူနှင့် မြန်မာနိုင်ငံ တို့၌ ၂ဝ၁၆ ခုနှစ် ဧပြီလနှင့် မေလတို့တွင် ကျင်းပမည့် အာဆီယံ စွမ်းအင်ဆိုင်ရာ ဆုတံဆိပ်များ ပြိုင်ပွဲတွင် ဝင်ရောက် ယှဉ်ပြိုင်မည့် ပြိုင်ပွဲဝင် များကို မြန်မာနိုင်ငံ အင်ဂျင်နီယာ အသင်းမှ လိုအပ်သော အကူအညီများ ပေးအပ်သွား မည် ဖြစ်ကြောင်း မြန်မာနိုင်ငံ အင်ဂျင်နီယာ အသင်းမှ သိရသည်။
''မကြာခင် ကျင်းပတော့မယ့် ပြိုင်ပွဲတွေမှာ စိတ်ပါဝင်စား တဲ့ သူတွေအနေနဲ့ ပြိုင်ပွဲဝင်တွေ ယှဉ်ပြိုင် နိုင်အောင် ကျွန်တော်တို့ အသင်းနဲ့ အမြန်ဆုံး ဆက်သွယ်ကြပါ။ ကျွန်တော်တို့ ကလဲ အင်တိုက်အားတိုက် တတ်နိုင် သလောက် ဝိုင်းဝန်း ကြိုးပမ်းပြီး ကူညီပေး ပါမယ်'' ဟု မြန်မာနိုင်ငံ အင်ဂျင်နီယာ အသင်း ဒုတိယ ဥက္ကဋ္ဌ ဦးမြင့်ဖေ က ပြောပြသည်။
အဆိုပါ ပြိုင်ပွဲကို မြန်မာနိုင်ငံ အနေဖြင့် ၂ဝဝ၂ ခုနှစ်မှ စတင်ကာ ၂ဝ၁၅ ခုနှစ်ထိ ဝင်ရောက် ယှဉ်ပြိုင်ခဲ့ပြီး ဆုတံဆိပ် ၁၈ ခုရရှိပြီး ဖြစ်သည်။ ယခုနှစ်၌ အိမ်ရှင်အဖြစ် ကျင်းပခွင့် ရချိန်တွင် ဆုတံဆိပ်များ ပိုမိုရရှိနိုင်ရန် မျှော်လင့် ထားကြောင်း သိရသည်။
''ဒေသတွင်း နိုင်ငံတွေမှာ စွမ်းအင်စီမံခန့်ခွဲမှု ဆိုင်ရာ အတွေ့အကြုံ ကောင်းတွေ ရှိစေဖို့နဲ့ စက်ရုံ အလုပ်ရုံတွေနဲ့ စီးပွားရေး လုပ်ငန်းတွေမှာ အကောင်းဆုံး စွမ်းအင်ကို အသုံးပြုနိုင်ဖို့ ရည်ရွယ် ပါတယ်'' ဟု စက်မှုဝန်ကြီး ဌာနမှ ဒေါက်တာ နိုင်နိုင်လင်း က ပြောသည်။
စင်ကာပူနိုင်ငံ၌ ဧပြီလတွင် ကျင်းပမည့် ပြန်ပြည့်မြဲ စွမ်းအင် စီမံကိန်းများ (REA) နှင့် မေလ အတွင်း မြန်မာနိုင်ငံ၌ ကျင်းပ ပြုလုပ်မည့် စွမ်းအင် ထိရောက်စွာ အသုံးပြု ထားသော အဆောက်အအုံ များ (EEBA) နှင့် စက်ရုံများ၏ အကောင်းဆုံး စွမ်းအင်စီမံ ခန့်ခွဲမှုစနစ် (EMA နှင့် စိမ်းလန်း အဆောက်အအုံ များတို့ကို မြန်မာနိုင်ငံ မှ ကိုယ်စားပြုကာ ၀င်ရောက် ယှဉ်ပြိုင် သွားမည် ဖြစ်သည်။
အာဆီယံ အဖွဲ့ဝင် နိုင်ငံများအတွင်း တည်ရှိသော အဖွဲ့ဝင် နိုင်ငံများမှ အကောင်းဆုံးသော စွမ်းအင် စီမံခန့်ခွဲမှုများ အသုံးချ နိုင်စေရန်၊ စွမ်းအင် ထိရောက်စွာ အသုံးပြုနိုင်ရန် အတွက် တိုးတက် ကောင်းမွန်သော တီထွင် ဆန်းသစ်မှုများ၊ ပေါ်ထွန်း လာစေရန်နှင့် စွမ်းအင်ကို ချွေတာကာ သဘာဝ ပတ်ဝန်းကျင် အား ထိန်းသိမ်း စောင့်ရှောက်နိုင် စေရန် ရည်ရွယ်ချက် ဖြင့် ပြိုင်ပွဲကျင်းပ ပြုလုပ် ရခြင်း ဖြစ်ကြောင်း သိရသည်။
ရတနာပုံနေ့စဉ် ၊ စာ(၁၀)
.jpg)
No comments:
Post a Comment