ကိုယ်အလေးချိန် မြင့်မားလွန်းခြင်း နှင့် ဓာတ်စာ

ဒေါက်တာလွင်သန့် (ဆေး-၂)

လူတစ်ဦးဟာ အစားအသောက်၊ အနေအထိုင်ပေါ် မူတည်ပြီး ကိုယ်အလေးချိန် တက်တာ၊ ကျတာတွေ ဖြစ်လာတာပါ။ များသော အားဖြင့် ကိုယ်အလေးချိန် တက်လာတဲ့ အခါ အစားလျှော့စားရုံ၊ အဆီကျဆေး သောက်ပေးရုံနဲ့ မလုံလောက် ပါဘူး။ လေ့ကျင့်ခန်း မှန်မှန် ပြုလုပ်ပေး ရမယ့်အပြင် ဘယ်လိုနေထိုင် စားသောက်သင့်တယ် ဆိုတာ သိရှိထားဖို့ လိုအပ်ပါတယ်။

ကိုယ်အလေးချိန် များလွန်းရင် ကျန်းမာရေး အတွက် မကောင်းပါဘူး။ အသက် သေဆုံးသည်အထိ အန္တရာယ် ဖြစ်စေနိုင်တယ်။ ပုံမှန် ကိုယ်ခန္ဓာ အချိုးအဆ (BMI- Body Mass Index) ၁၈ ဒသမ ၉ ကနေ ၂၄ ဒသမ ၉၂ အတွင်း ရှိသင့်ပါတယ်။

ခန္ဓာကိုယ်တွင်း အဆီတွေစုပြီး ဝလာခြင်းရဲ့ နောက်ဆက်တွဲ အကျိုးဆက် က အသက် တိုစေတယ်။ ဒါကြောင့် အဆီ လျှော့စားရမယ်။ အဆီကျဆေး တစ်ညတစ်လုံး သောက်သင့်တယ်။ နှစ်သက်ရာ အားကစားကို နာရီဝက်ကနေ တစ်နာရီ အထိ နေ့စဉ်မှန်မှန် လုပ်ပေး သင့်တယ်။

လူ့ခန္ဓာကိုယ်မှာ အဆီဆဲလ်တွေ ပါဝင်တယ်။ ခန္ဓာကိုယ် တွင်းမှာရှိတဲ့ အဆီဆဲလ် တွေကို အဒီပိုဆိုက် လို့ခေါ်တယ်။ လစ်တင် လို့ခေါ်တဲ့ ဟော်မုန်း တစ်မျိုးက ထုတ်ပေးတယ်။ အစာစား ချင်စိတ်ကို လှုံ့ဆော် ပေးတယ်။

အဆီဆဲလ် တွေက ခန္ဓာကိုယ် မှာရှိသင့်တဲ့ အတိုင်းအတာ ထက် မြင့်တက် နေရင် သွေးထဲကို ခွင့်ပြု အတိုင်းအတာ ထက်ပိုပြီး ရောက်ရှိနိုင်လို့ အဝလွန် စေတယ်။

အထိုင်များ တဲ့သူ၊ အချို၊ အဆိမ့်၊ အငန် ကြိုက်သူ၊ ကိုယ်လက် လှုပ်ရှားမှု မရှိသူနဲ့ ဇိမ်ခံသူတွေမှာ ကိုယ်အလေးချိန် မြင့်မား လွန်းပြီး အဝလွန်ခြင်း ဖြစ်စေတယ်။

အသင့်အမြန်စား အစားအစာ (Snap) တွေမှာ အဝလွန်ခြင်း ဖြစ်စေတဲ့ နှစ်ခါပြန်ကြော် ဆီ၊ ဝက်ဆီ၊ ဆီအုန်းနဲ့ စီမံထားတဲ့ အပြင် တချို့ အစားအစာေ တွက အငန်၊ အဆိမ့် ကဲနေတတ်တယ်။ ဒါတွေကို ရှောင်ရှားပြီး သတ်မှတ်ထားတဲ့ ကယ်လိုရီ ရောက်အောင် သာ စားရမယ်။ ဟင်းသီးဟင်းရွက် နဲ့ သစ်သီးတွေဟာ ဗိုက်ပြည့်လွယ် စေလို့ နည်းနည်း စားရုံနဲ့ ဆာလောင်မှု ပြေပျောက်စေတယ်။

အဆီပါတဲ့ အသားတွေ မစားသုံးသင့် ပါဘူး။ ဆီပြန်ဟင်း ချက်စားရင်တောင် အသားကိုဆယ်ပြီး စားသောက် သင့်တယ်။ အရေခွံ ဖယ်ရှားထားတဲ့ အသား၊ ငါး၊ ဥအကာတွေ ကို စားသင့်တယ်။ မလိုင် ထုတ်ထားတဲ့ နို့နဲ့ နို့ထွက်ပစ္စည်း စားသုံးသင့်တယ်။ ပြည့်ဝဆီ၊ ဆီအုန်းအစား မပြည့်ဝဆီ (နှမ်းဆီ၊ မြေပဲဆီ၊ နေကြာဆီ၊ သံလွင်ဆီ) နဲ့ စီမံရမယ်။ အခွံမာသီးနဲ့ အစေ့အဆန်က ရတဲ့ဆီကို အနည်းငယ် ထည့်ချက်ရမယ်။ ဟမ်ဘာဂါ၊ ဆင်းဒဝှစ်ခ်ျ၊ အာလူးချောင်း ကြော်၊ ကိတ်မုန့်နဲ့ ဘီစကွတ် တို့မှာ အဆီ ပါဝင်လို့ ရှောင်ရှား သင့်တယ်။

အဝလွန်ခြင်းကို လျှော့ချဖို့ တစ်နေ့ ကယ်လိုရီ ၁ဝဝဝ မှ ၁၂ဝဝ အတွင်းရှိ စားသောက်မှု ပုံစံဝင်ရမယ်။ တစ်ပတ်ကို နှစ်ပေါင်ထက် မက အလေးချိန် လျှော့ချ သွားရမယ်။ လေ့ကျင့်ခန်း နေ့စဉ် နာရီဝက် ကနေ တစ်နာရီ လုပ်ပါ။

အဝလွန်ခြင်း ကနေ နှလုံးနဲ့ သွေးကြော ရောဂါတွေ၊ သွေးတိုး၊ လေဖြတ်ခြင်း၊ ဆီးချိုဖြစ်နိုင်ခြေ ငါးဆ ပိုများတယ်။ ဒါကြောင့် အချို၊ အငန်၊ အဆိမ့်နဲ့ အဆီကဲတဲ့ အစားအစာ တွေကို ရှောင်ကြဉ်သ င့်တယ်။

မြ၀တီနေ့စဉ် ၊ စာ(၁၃)