www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, February 24, 2016

ထိုင်းနိုင်ငံသို့ တရားဝင်အလုပ်သမား စေလွှတ်ခွင့်ပြုထားသည့် ကုမ္ပဏီ ၆၀ ကျော်ရှိပြီး ကြားပွဲစားများဖြင့် သွားရောက် လုပ်ကိုင်ခြင်းမပြုသင့်


ရန်ကုန် ၊ ၂၄-၂-၂၀၁၆

ထိုင်းနိုင်ငံသို့ တရားဝင် အလုပ်သမား စေလွှတ်ခွင့်ပြု ထားသည့် ကုမ္ပဏီ ၆ဝ ကျော်ရှိပြီး ကြားပွဲစားများဖြင့် သွားရောက် လုပ်ကိုင်ခြင်း မပြုသင့်ကြောင်း အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာန အလုပ်သမားရေးရာ ညွှန်ကြားမှု ဦးစီးဌာန ညွှန်ကြားရေးမှူးချုပ် ဦးမျိုးအောင် က ပြောသည်။

ထိုင်းနိုင်ငံသို့ အလုပ်သမား စေလွှတ်မှု နှင့်ပတ်သက်၍ စည်းကမ်း မလိုက်နာသည့် ပိတ်သိမ်း ထားသော ကုမ္ပဏီရှစ်ခု ရှိကြောင်း သိရသည်။

''ဒီဘက်က မြန်မာ လုပ်သားတွေ ကြားပွဲစားနဲ့ သွားရင် ဒုက္ခရောက်ကြ ရပါတယ်။ ဒီလိုမလုပ်ကြဖို့ ပြောချင်ပါတယ်။ တစ်ဖက်မှာလည်း သက်သေခံ လက်မှတ် (CI) ကိစ္စက အဓိကကျ ပါမယ်။ ဒီကိစ္စကို အမြန် ဆုံးဖြတ်ချက် ချဖို့လိုပါတယ်။ CI လက်မှတ်ကို အမြန်ဆုံး ထုတ်ပေးနိုင်မှ မတ်လကုန်မှာ သက်တမ်းကုန်မယ့် တရားဝင် အလုပ်သမား တွေကို သက်တမ်း ဆက်တိုးပေးလို့ ရမှာပါ။ ဒီကိစ္စကို ထိုင်းနိုင်ငံ ဘက်က တာဝန်ရှိသူ တွေနဲ့ တွေ့ဆုံတုန်း ကလည်း ဆွေးနွေးထား ပါတယ်'' ဟု ၄င်းက ဆက်လက် ပြောသည်။

လက်ရှိ ထိုင်းနိုင်ငံသို့ တရားဝင် အလုပ်သမား တင်ပို့ခွင့်ပြု ထားသည့် ကုမ္ပဏီတချို့မှာ ယွန်းနဒီဦး နှင့် ရောင်းရင်းများ၊ တူးဒေး တော့စတား၊ သပြေမင်း၊ ကောင်းမြတ်စံ၊ အေးလင်းလက်ထွဋ်၊ သုခစံ နှင့် တော်ဝင် ရွှေတံခါး စသည်တို့ ဖြစ်ကြောင်း သိရသည်။

တရားဝင် ရွှေ့ပြောင်း သွားလာမှု ဖြစ်စေရန် တရားဝင် လိုင်စင်ရ ပြည်ပအလုပ်အကိုင် အေဂျင်စီများမှ တစ်ဆင့် ပြည်ပသို့ အလုပ်သမားများ စေလွှတ်သည့် ကုမ္ပဏီ များနှင့်သာ ဆက်သွယ် ဆောင်ရွက် သင့်ပြီး ပြည်ပသို့ တရားဝင် သွားရောက် အလုပ်လုပ်ကိုင်မည့် အလုပ်သမားများ အတွက် ပြည်ပ အလုပ်အကိုင် သက်သေခံကတ်ပြား (Smart Card) များ ယူဆောင် ရသည်ဟု ပြင်ပသို့ သွားရောက် လုပ်ကိုင်သူများ ထံမှ သိရသည်။

ထိုင်းနိုင်ငံသို့ အလုပ်သမား စေလွှတ်ရာတွင် လုပ်သားများ တရားဝင် ဖြစ်စေရေး အပါအဝင် အချက်ကိုးချက်ကို ထိုင်း အလုပ်သမား ဝန်ကြီးဌာနနှင့် ညှိနှိုင်းထားသည်။

အဆိုပါ အချက်များမှာ အထောက်အထားမဲ့ မြန်မာ အလုပ်သမား များနှင့် မှီခိုများအား ထုတ်ပေးမည့် သက်သေခံ လက်မှတ် (CI) ကို ထိုင်းနိုင်ငံဘက်မှ အသိအမှတ်ပြု လက်ခံနိုင်ရေး၊ CI ထုတ်ပေးမည့် စခန်းများကို ထိုင်းနိုင်ငံအတွင်း ငါးနေရာ သို့မဟုတ် ခြောက်နေရာ ထားရှိပြီး Work Permit နှင့် ဗီဇာများ ထုတ်ပေးနိုင်ရေး၊ မြန်မာရွှေ့ပြောင်း အလုပ်သမားများ အတွက် ဆောင်ရွက်ပေး ရမည့် နိုင်ငံသား စိစစ်ရေးလုပ်ငန်း နှင့် အချက်အလက် ကောက်ယူမည့် အဖွဲ့များ ကို ပြန်လည် လုပ်ကိုင်ခွင့် ပေးရေး စသည့် အချက်များ ဆွေးနွေး ထားကြောင်း သိရသည်။

သဲသဲ

မြ၀တီနေ့စဉ် ၊ စာ(၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page