ရန်ကုန် ၊ ၂၃-၂-၂၀၁၆
နိုင်ငံခြားဘာသာ တက္ကသိုလ် (ရန်ကုန်) နှင့် ရန်ကုန်တက္ကသိုလ် တို့၌ မြန်မာဘာသာ တက်ရောက် သင်ကြားမှုတွင် နိုင်ငံတကာ ကျောင်းသားများ အနက် တရုတ်နိုင်ငံမှ ကျောင်းသား အများဆုံး ဖြစ်ကြောင်း သိရသည်။
နိုင်ငံခြား ဘာသာ တက္ကသိုလ် (ရန်ကုန်) ၌ နိုင်ငံတကာ ကျောင်းသားများ အနက် တရုတ်နိုင်ငံ မှ ကျောင်းသား ဦးရေ ၆ဝဝ ကျော်ဖြင့် အများဆုံး တက်ရောက် နေပြီး တောင်ကို ရီးယား နိုင်ငံမှ ကျောင်း သား ၃ဝဝ ကျော်၊ ဂျပန် နိုင်ငံမှ ကျောင်းသား ၂ဝဝ ကျော်နှင့် ဗီယက်နမ် နိုင်ငံမှ ကျောင်းသား ၄ဝ ကျော် တက်ရောက်လျက် ရှိကြောင်း သိရသည်။
''နိုင်ငံခြားသားတွေ မြန်မာ ဘာသာစကား ကို အသင်များ လာတာက သူတို့ရဲ့ ကုမ္ပဏီ လုပ်ငန်းခွင် တွေမှာ အများကြီး အကျိုးရှိတယ်။ သံတမန်နဲ့ အဆက်အသွယ် လုပ်ဖို့၊ စကားပြန်လုပ်ဖို့ လာသင်ကြတာ ရှိတယ်။ အခုဆိုရင် မြန်မာနိုင်ငံမှာ နေထိုင်တဲ့ နိုင်ငံခြားသား တွေက မြန်မာ ဘာသာစကားကို တတ်မြောက် ချင်လို့ လာတက်ကြတာ များတယ်'' ဟု နိုင်ငံခြား ဘာသာ တက္ကသိုလ် (ရန်ကုန်) မှ တာဝန်ရှိသူ တစ်ဦးက ပြောသည်။ ထို့ပြင် နိုင်ငံခြားဘာသာ တက္ကသိုလ် မြန်မာစာ ဌာန၌ မြန်မာဘာသာ နှင့် ပတ်သက်၍ ဘွဲ့ကြို၊ ဘွဲ့လွန်၊ ဒီပလိုမာနှင့် မြန်မာဘာသာ စကား ကျွမ်းကျင်မှု သင်တန်းများ ဖွင့်လှစ်သင်ကြား ပေးလျက် ရှိသည်။
''နိုင်ငံခြားသား တွေက မြန်မာနိုင်ငံမှာ စီးပွားရေး အနေနဲ့ ပွင့်လင်းလာတော့ မြန်မာစာကို သင်ချင်လာတဲ့ အတွက် အခြေခံ သင်တန်းကို 4 skills သင်ပေးတာပါ။ စာပေ တည်းဖြတ်မှုက အခု သတင်းစာ တွေလည်း
ပိုများလာတယ်။ စာပေ တည်းဖြတ်မှု အပိုင်းကို အတွေ့အကြုံ လည်း ရသွားတာပေါ့'' ဟု ရန်ကုန်တက္ကသိုလ် မြန်မာစာဌာန မှ တာဝန်ရှိသူ တစ်ဦးက ပြောသည်။
ရန်ကုန်တက္ကသိုလ် ၌ စာပေ တည်းဖြတ်မှု အတတ်ပညာ သင်တန်းအတွက် နိုင်ငံခြားသားများ အနေဖြင့် ကျပ် တစ်သိန်းခွဲ ပေးသွင်းရပြီး ယခု ပညာသင်နှစ် တွင် ရန်ကုန် တက္ကသိုလ် ၌ နိုင်ငံတကာ တက္ကသိုလ်များမှ ကျောင်းသား ၁၈ဝ ခန့် လာရောက် ပညာ သင်ကြားလျက် ရှိသည်။ နိုင်ငံတကာ ကျောင်းသားများ အတွက် မြန်မာစာ၊ မြန်မာ့ရေးရာ၊ မြန်မာမှုဆိုင်ရာ သင်တန်းများကို တစ်နှစ် သင်တန်း၊ ၁ဝ လသင်တန်း နှင့် သုံးလသင်တန်း တို့ဖြင့် သင်ကြားပို့ချ ပေးလျက် ရှိကြောင်း သိရသည်။
ဇာဏီ
မြ၀တီနေ့စဉ် ၊ စာ(၁၂)
.jpg)
No comments:
Post a Comment