ရန်ကုန် ၊ ၁၅-၁၂-၂၀၁၅
တောင်ကြီးနှင့် ပခုက္ကူမြို့တို့မှ ရန်ကုန် သို့လည်းကောင်း၊ ရန်ကုန်မှ တောင်ကြီးနှင့် ပခုက္ကူမြို့တို့သို့ လည်းကောင်း ဒေသထွက် စားသောက်ကုန် ပစ္စည်းများ အိမ်တိုင်ရာရောက် ပို့ဆောင်ပေးသည့် ဝန်ဆောင်မှု လုပ်ငန်း (Hometown Product Delivery) အား မြန်မာ့စာတိုက် လုပ်ငန်းမှ ဆောင်ရွက်ပေးလျက် ရှိကြောင်း သိရသည်။
''တောင်ကြီးဒေသထွက် စားသောက်ကုန်ကို စားချင်လို့ မှာမယ်ဆိုရင် တောင်ကြီးစာတိုက်က သွားဝယ်ပေးတယ်။ ပြီးရင် ရန်ကုန်ကို ပြန်ပို့ပေးတယ်။ ဝယ်ပေးခ ပေးစရာမလိုဘူး။ ပစ္စည်းသွားယူခ လုံးဝ ထည့်မထားပါဘူး။ ဝယ်ယူမယ့် သူကို ကိုယ့်ရဲ့ဒေသထွက် ပစ္စည်းတွေ စားစေချင်တဲ့ သဘောနဲ့ ဆောင်ရွက်ပေး တာပါ။ အခု တစ်နိုင်ငံလုံးကို လည်း စာထုတ်ပေးထား ပါတယ်။ ဒီလုပ်ငန်းကို လုပ်ချင်တဲ့ မြို့နယ်တိုင်း လုပ်ဖို့ အဲဒီ ပြည်နယ်နဲ့ တိုင်းဒေသကြီး တွေရဲ့ မန်နေဂျာတွေ ကိုလည်း ပြောထားတယ်။ သူတို့နဲ့ ရန်ကုန် စာတိုက်ကြီး ချိတ်ဆက်ပြီးတော့ လိုချင်တဲ့ ပစ္စည်းတွေကို မှာလို့ရတယ်။ ကျွန်တော်တို့က သွားဝယ်ပေးမယ်၊ ပြန်ပို့ပေးမယ်။ အခု ပခုက္ကူနဲ့လည်း ဆောင်ရွက်နေပြီ။ ကချင်ပြည်နယ်နဲ့ ရခိုင်ပြည်နယ် တို့မှာလည်း တဖြည်းဖြည်း ဒီဝန်ဆောင်မှုကို ဆောင်ရွက် သွားမှာ ပါ'' ဟု မြန်မာ့စာတိုက်လုပ်ငန်း ဒုတိယ အထွေထွေ မန်နေဂျာ ဒေါ်ငုသီတာ က ပြောသည်။
အဆိုပါ အိမ်တိုင်ရာရောက် ပို့ဆောင်ပေးသည့် ဝန်ဆောင်မှု လုပ်ငန်း သည် တောင်ကြီး ဒေသထွက် ဖြစ်သည့် ပဲပုပ်၊ ခေါပုတ်၊ မုန်ညင်းချဉ်၊ ကြက်သွန်ချဉ်၊ ဆီတို့ဟူး၊ ကြက်သွန်ဖြူ (ဥတစ်လုံး)၊ လက်ဖက်ခြောက်၊ ပဲလိပ်ပြား၊ နေကြာစေ့လှော်၊ ပဲပုပ်စေ့၊ စွန်တန် (ခြောက်)တို့အား မှာယူပေးပြီး ရန်ကုန်မြို့မှ ပုစွန်ခြောက်၊ ငါးနှပ်ခြောက်၊ ငါးနီတူခြောက်၊ မုန့်ဟင်းခါးခြောက်၊ ငါးရံ့ခြောက်၊ အုန်းနို့ ခေါက်ဆွဲခြောက်၊ ကြာဆံချက် ခြောက်ထုပ်၊ ပုစွန်ချဉ်၊ ငါးဖယ်ချဉ်၊ သရက်သီးသနပ်၊ ငါးမုန့်၊ ငါးပိစိမ်း စားထောင်းနှင့် ငါးပိရည်ကျို တို့ကို ဝယ်ယူပို့ဆောင် ပေးရသည်။ အလားတူ ပခုက္ကူဒေသမှ လက်ဖက်အသား၊ ပဲကြော်နှင့် ဆီးထုပ်တို့အား အများဆုံး ဝယ်ယူ ပို့ဆောင်ပေး ရကြောင်း သိရသည်။
ဝန်းရံခ
မြ၀တီနေ့စဉ် ၊ စာ(၃)
.jpg)
No comments:
Post a Comment