www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, October 27, 2015

ပြုပြင်ထားသော အသားများကို စားသုံးခြင်းက ကင်ဆာရောဂါကို ဖြစ်ပွားစေနိုင်



ငြိမ်းချမ်း

ပြုပြင်ထားသော အသားများ ဥပမာ-ဝက်ဆားနယ် ခြောက်၊ ဝက်အူချောင်း နှင့် ဝက်ပေါင်ခြောက် တို့ကို စားသုံးခြင်းသည် ကင်ဆာရောဂါ များကိုဖြစ်ပွား စေကြောင်း ကမ္ဘာ့ ကျန်းမာရေး အဖွဲ့အစည်း (WHO) က တရားဝင် ထုတ်ပြန် ထားသည်။ အဆိုပါ အသားများကို တစ်နေ့လျှင် ၅ဝ ဂရမ် စားသုံးခြင်းသည် colorectal cancer (အူမကြီး၊ စအို၊ အူသိမ်) ကင်ဆာ ဖြစ်ပွားမှုကို ၁၈ ရာခိုင်နှုန်း ပိုမိုမြင့်တက် စေကြောင်း WHO ၏ ထုတ်ပြန်ချက်တွင် ဖော်ပြထားသည်။ အဆိုပါ ပမာဏသည် ဝက်ဆားနယ်ခြောက် နှစ်ပြားခန့်နှင့် ညီမျှသည်။

ထို့ပြင် အနီရောင် အသားများကို စားသုံးခြင်း သည်လည်း ကင်ဆာ ဖြစ်ပွားနိုင်သည့် အခြေအနေ ရှိကြောင်း၊ သို့သော် ထိရောက်သော သက်သေပြမှု ရရှိနိုင်ရန် အတွက် စူးစမ်း လေ့လာမှုများကို ဆက်လက် လုပ်ဆောင်နေဆဲ ဖြစ်ကြောင်း WHO က ပြောကြား ထားသည်။ 

WHO ၏ ထုတ်ပြန်ချက်နှင့် စပ်လျဉ်း၍ ဗြိတိန်ကင်ဆာ သုတေသန ဌာနက ထောက်ခံထားပြီး အဆိုပါ တွေ့ရှိမှုသည် ပြုပြင်ထားသော အသားများနှင့် အနီရောင် အသားများ စားသုံးမှုကို လျှော့ချရန် အကြောင်းပြချက် တစ်ခုပင် ဖြစ်ကြောင်း ပြောကြား ထားသည်။ အဆိုပါ အသားများကို စားသုံးရာတွင် အရသာ ရှိစေရန်အတွက် ကျပ်တင်ခြင်း၊ ပြုပြင်ထားခြင်း၊ ဆားနယ် ထားခြင်း သို့မဟုတ် တာရှည်ခံ ဆေးဝါးများ အသုံးပြု ထုတ်လုပ် ထားခြင်း ဖြစ်သည်။

ထို့ပြင် အသားကင် ကဲ့သို့သော အစားအစာများ သည်လည်း ကင်ဆာရောဂါ ဖြစ်ပွားစေ နိုင်သော ဓာတုပစ္စည်းများကို ထုတ်လုပ် ပေးကြောင်း WHO က ထုတ်ပြန်ချက်တွင် ဆက်လက် ပြောကြား ထားသည်။ 
အဆိုပါ ပြုပြင်ထားသော အသားများကို စားသုံးခြင်းသည် အရက် သောက်ခြင်းနှင့် ဆေးလိပ် သောက်သုံးခြင်း တို့ကြောင့် ကင်ဆာရောဂါ ဖြစ်ပွား စေသကဲ့သို့ ဖြစ်သော်လည်း ဝက်ဆားနယ် ခြောက် အသားညှပ် ပေါင်မုန့်တစ်ခု စားသုံးခြင်းသည် ဆေးလိပ် သောက်သုံးခြင်း လောက် အန္တရာယ် မရှိကြောင်း WHO က ပြောကြား ထားသည်။

ယင်းကဲ့သို့ ပြုပြင်ထားသော အသားများကို စားသုံးခြင်းသည် colorectal cancer ကိုဖြစ်ပွား စေသော်လည်း အနည်းငယ်သော ပမာဏသာ ဖြစ်ကြောင်း၊ သို့သော် ထို အသားများကို လွန်ကဲစွာ စားသုံးပါက ကင်ဆာဖြစ်ပွား နိုင်မှုသည်လည်း မြင့်တက်လာမည် ဖြစ်ကြောင်း WHO မှ ဒေါက်တာ ကာ့တ်စထရိတ် က ပြောကြား ထားသည်။

ကမ္ဘာပေါ်တွင် ဆေးလိပ် သောက်သုံးခြင်း ကြောင့် ရရှိသော ကင်ဆာရောဂါဖြင့် နှစ်စဉ် သေဆုံးသူ အရေအတွက်မှာ တစ်သန်းခန့် ရှိပြီး အရက် သောက်သုံးခြင်း ကြောင့် နှစ်စဉ်သေဆုံး သူမှာ ခြောက်သိန်းခန့် ရှိသည်။ 

သို့သော် ပြုပြင်ထားသော အသားများနှင့် အနီရောင် အသားများကို လွန်ကဲစွာ စားသုံးခြင်းကြောင့် နှစ်စဉ် သေဆုံးသူ အရေအတွက်မှာ ၃၄ဝဝဝ သာ ရှိသည့် အတွက် ယင်း ပြုပြင်ထားသော အသားများ စားသုံးမှုကို လျှော့ချပါက နှစ်စဉ် လူသေဆုံးမှုနှုန်း သည်လည်း လျော့ကျ သွားမည်ဟု WHO က အကြံပြု ပြောကြား ထားကြောင်း ရေးသား တင်ပြ လိုက်ရပါသည်။

မြ၀တီနေ့စဉ် ၊ စာ(၂၀)

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger