 |
| Chiang Mai University |
ရန်ကုန် ၊ ၄-၉-၂၀၁၅
ထိုင်းနိုင်ငံ မြောက်ပိုင်း ချင်းမိုင်တက္ကသိုလ် တွင် မြန်မာစာကို ဘာသာရပ် တစ်ခုအဖြစ် သင်ကြားနိုင်ရန် နှင့် မြန်မာ့ ယဉ်ကျေးမှုနှင့် မြန်မာ့ ရိုးရာများ လေ့လာနိုင်ရန် မြန်မာစင်တာကို စက်တင်ဘာ ၂ ရက်က ဖွင့်လှစ်လိုက်ပြီ ဖြစ်သည်။
ချင်းမိုင် တက္ကသိုလ်တွင် ၂ဝ၁၅ ခုနှစ်မှ စတင်၍ မြန်မာစာ ဌာန ထားရှိကာ မြန်မာစာ ဘာသာကို လေးနှစ် သင်ကြားပြီး ဘွဲ့ပေးသွားမည် ဖြစ်ကြောင်း ချင်းမိုင် တက္ကသိုလ် မြန်မာစာဌာနမှ သိရသည်။
မြန်မာစာကို ချစ်မြတ်နိုးသူ မည်သူမဆို လာရောက် သင်ယူနိုင်ရန် ရည်ရွယ်၍ မြန်မာစင်တာ ကို ဖွင့်လှစ်ရခြင်း ဖြစ်သည်ဟု သိရသည်။ ယခုနှစ် ဧပြီလ ၂၃ ရက်တွင် ချင်းမုိုင် တက္ကသုိုလ်နှင့် ရန်ကုန် တက္ကသိုလ်တို့ MoU လက်မှတ်ရေးထိုး ခဲ့ပြီး ဖြစ်ကြောင်း သိရသည်။
ထိုင်းနှင့် မြန်မာ တက္ကသိုလ် ကျောင်းသားများ အတွက် အခွင့်အရေး အဖြစ် ထိုင်းနှင့် မြန်မာ ကျောင်းသားများ အပြန်အလှန် သွားရောက် လေ့လာနိုင်မည် ဖြစ်ရာ ပြီးခဲ့သည့် နှစ်လတွင်လည်း ထိုင်းကျောင်းသား ရှစ်ဦး မြန်မာနိုင်ငံသို့ လာရောက်၍ မြန်မာစာ၊ မြန်မာ့ ယဉ်ကျေးမှု၊ မြန်မာ စကားနှင့် မြန်မာ့ဓလေ့ ထုံးစံများကို လာရောက် သင်ယူခဲ့ပြီး ဖြစ်ကြောင်း သိရသည်။
အလားတူ လာမည့် အောက်တိုဘာနှင့် နိုဝင်ဘာတို့တွင် ရန်ကုန် တက္ကသိုလ် ကျောင်းသား ၁၉ ဦး ထိုင်းနိုင်ငံသို့ သွားရောက်၍ ထိုင်းရိုးရာ ယဉ်ကျေးမှု၊ ဘာသာစကား များသင်ယူ မည် ဖြစ်သကဲ့သို့ ထိုင်းနိုင်ငံ၏ ပညာရေး စနစ်နှင့် ပတ်သက်၍ သွားရောက် လေ့လာကြမည် ဖြစ်ကြောင်း သိရသည်။
ထိုင်းနိုင်ငံတွင် ထိုင်းကျောင်းသူ ကျောင်းသားများ အနေဖြင့် မြန်မာစာကို ပိုမို စိတ်ဝင်စား လာကြ သကဲ့သို့ နှစ်နိုင်ငံ ကျောင်သား၊ ကျောင်းသူများ ပညာရေး အတွက် အခွင့်အရေးများ ပုိုမုို ရရှိလာမည် ဖြစ်ကြောင်း ချင်းမိုင်မြို့ရှိ ကောင်စစ်ဝန် က ပြောပြ၍ သိရသည်။
#Yadanarpondaily
.jpg)
No comments:
Post a Comment