www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, August 27, 2015

၂၀၁၅ ခုနှစ်တွင် တစ်နိုင်ငံလုံး အနေဖြင့် လူကုန်ကူးမှု ၇၄ မှုဖြစ်ပွား


ရန်ကုန် ၊ ၂၇-၈-၂၀၁၅

လူကုန်ကူးမှု တားဆီး ကာကွယ်ရေး အဖွဲ့များ၏ လုပ်ငန်း ဆောင်ရွက်မှုများ ထိရောက်စွာ အကောင်အထည် ဖော်ဆောင်ရွက် နိုင်ရေး အကဲဖြတ်ခြင်း နှင့် အစီရင်ခံခြင်း လုပ်ငန်းများ ကို ဆောင်ရွက်ခဲ့ရာ မြန်မာ တစ်နိုင်ငံလုံး အနေဖြင့် ၂ဝ၁၅ ခုနှစ် သြဂုတ် ၂၅ ရက်အထိ လူကုန်ကူးမှု ၇၄ မှု ဖြစ်ပွားခဲ့ပြီး ရန်ကုန်တိုင်း ဒေသကြီး အတွင်း၌ ၁၂ မှုကို အရေးယူ ဆောင်ရွက် ထားကြောင်း သိရသည်။

တစ်နိုင်ငံလုံး အနေဖြင့် ၂ဝ၁၁ ခုနှစ်တွင် လူကုန်ကူးမှု ၁၃၆ မှု၊ ၂ဝ၁၂ ခုနှစ်တွင် လူကုန်ကူးမှု ၁၂ဝ မှု၊ ၂ဝ၁၃ ခုနှစ်တွင် လူကုန်ကူးမှု ၁ဝ၂ မှုနှင့် ၂ဝ၁၄ ခုနှစ်တွင် လူကုန်ကူးမှု ၁၂၄ မှု ဖြစ်ပွားခဲ့သည်။ လူကုန်ကူးမှု တိုက်ဖျက်ရေး လုပ်ငန်းများကို မြန်မာနိုင်ငံ အနေဖြင့် လုပ်ငန်း စီမံချက်များ အရှိန်အဟုန်မြှင့် အကောင် အထည် ဖော်ဆောင်ရွက် မှုကြောင့် ဇူလိုင် ၂၇ ရက်တွင် အမေရိကန် နိုင်ငံ မှ ထုတ်ပြန်သည့် ၂ဝ၁၅ ခုနှစ် အစီရင် ခံစာတွင် မြန်မာနိုင်ငံကို Tier 2 Watch List အဆင့်အဖြစ် သတ်မှတ်ခြင်း ခံရသည်။

လူကုန်ကူးမှု တားဆီး ကာကွယ်ရေး ကို ၁၉၉၇ ခုနှစ်တွင် အမျိုးသားရေး တာဝန်တစ်ရပ် အဖြစ် သတ်မှတ် ဆောင်ရွက်ခဲ့ပြီး ၂ဝ၁၄ ခုနှစ်တွင် နိုင်ငံဖြတ်ကျော် မှုခင်းများ တိုက်ဖျက်ရေး ဆိုင်ရာ ကုလသမဂ္ဂ ကွန်ဗင်းရှင်း၏ နောက်ဆက်တွဲ စာချုပ် ဖြစ်သည့် လူကုန်ကူးမှု တိုက်ဖျက်ရေး ဆိုင်ရာ နောက်ဆက်တွဲ စာချုပ်ကို သဘောတူ လက်မှတ် ရေးထိုးခဲ့သည်။

၂ဝဝ၅ ခုနှစ်တွင် လူကုန်ကူးမှု တားဆီး ကာကွယ်ရေး ဥပဒေကို အောင်မြင်စွာ ရေးဆွဲနိုင်ခဲ့ပြီး ၂ဝဝ၆ ခုနှစ်တွင် လူကုန်ကူးမှု တားဆီး ကာကွယ်ရေး ဗဟိုအဖွဲ့နှင့် လုပ်ငန်း ကော်မတီ သုံးခုကို ဖွဲ့စည်းခဲ့ပြီး တားဆီး ကာကွယ်ရေး၊ တရား စွဲဆိုရေး၊ လူကုန်ကူးခံ ရသူများကို အကာအကွယ် ပေးရေးနှင့် ပြန်လည် ထူထောင်ရေး လုပ်ငန်းများကို အလေးထား ဆောင်ရွက် နိုင်ခဲ့သည်။ ၂ဝဝ၇ ခုနှစ်တွင် လူကုန်ကူးမှု တိုက်ဖျက်ရေး ဆိုင်ရာ ငါးနှစ်စီမံကိန်း ရေးဆွဲပြီး နှစ်စဉ် လုပ်ငန်း စီမံချက်များဖြင့် ဆောင်ရွက် ခဲ့ကြောင်း သိရသည်။ 

ကောင်းစစ်နိုင်

မြ၀တီနေ့စဉ် ၊ စာ(၃၀)

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page