တာဝန်ကျေတဲ့ အံသွားတစ်ချောင်း

တာဝန်ကျေတဲ့ အံသွားတစ်ချောင်း

ကြယ်စင်စိုး (မန္တလေး)

ညညဆို အိပ်လို့မရ ခဲ့တာ တစ်ပတ်လောက် ရှိခဲ့ပြီ။ မနက် လင်းအားကြီး ချိန်လောက်မှ အိပ်ပျော် သွားခဲ့တယ်။ အိပ်မရခဲ့တဲ့ အကြောင်းက ကျွန်တော့်ရဲ့ ဘယ်ဘက် အောက်အံသွား တစ်ချောင်းက တစစ်စစ်နဲ့ နာကျင်ကိုက်ခဲ နေလို့ ဖြစ်တယ်။ မှန်ထောင်ပြီး ပါးစပ်ကို ဟကြည့် လိုက်တော့ ဘယ်ဘက်အောက် အံသွားလေး တစ်ချောင်း က အနက်ရောင် ပေါက်နေပြီး ပိုးစား ထားတာကို တွေ့မြင် လိုက်ရသလို အခေါင်းပေါက် ဖြစ်နေတာ ကိုလဲ တွေ့ရပြန်တယ်။ အတော်လေးလဲ ယိုင်နဲ့နေပြီး အံသွားလေးကို လက်နဲ့ အသာအယာ ချိုးဖဲ့ကြည့်ဖို့ ကြိုးစားတော့ အလွန်နာကျင် နေတယ်။ တစ်ခါတစ်ခါ အစာစား မိတိုင်း အံသွားက အံဝင်ခွင်ကျ မူလ အနေအထားမှာ ရှိမနေ ပြန်တော့ ထိခိုက်မိ ပြန်တယ်။ ဘယ်လိုမှ မနေနိုင်ဘူး။ ဒီလိုနဲ့ သွားကိုက်လို့ နာကျင်တဲ့ ဝေဒနာကို တစ်ပတ်လောက် ခံနေရတော့ အိပ်မပျော်တဲ့ ရက်တွေလဲ တိုးလာခဲ့တယ်။

တစ်နေ့ကတော့ သွားကိုက်တာကို မခံနိုင်တော့လို့ သွားဆေးခန်းကို သွားလိုက် ရတယ်။ ဆေးခန်းပြတဲ့ အခါ သွားနုတ်ပစ် ရလောက်အောင်ထိ စိတ်မကူးမိ၊ ဆေးလေး ဘာလေးထည့်ပြီး လိုအပ်ရင် ဖာထေးဖို့တော့ မျှော်လင့် ထားခဲ့ မိတယ်။

ဆေးခန်း ရောက်တော့ ဆရာဝန်က ပါးစပ်ထဲကို ဖြဲကြည့်ပြီး စတီးချောင်းလေး တစ်ချောင်းနဲ့ အံသွားဆီကို ထိုးကြည့် လိုက်တယ်။ သွားက ပိုးစားနေပြီမို့ နုတ်ပစ်မှ ရမယ်လို့ ဆရာဝန်လေး က ပြောပါတယ်။ သတ္တိနည်းပါး လှတဲ့ ကျွန်တော်က နုတ်လိုက်ရင် နာမလားလို့ ဆရာဝန်လေး ကိုမေးတော့ ဆရာဝန်လေး က ပြုံးပြီး ထုံဆေးထိုးရင် မနာပါဘူးလို့ ပြန်ပြောတယ်။

အံသွားကို နုတ်ပစ်လိုက်ဖို့ သဘော တူညီချက် ရသွားတော့ ဆရာဝန်လေး က နုတ်မယ့် အံသွားရဲ့ ဘေးတစ်ဖက် တစ်ချက်စီကို ဆေးထိုးအပ်နဲ့ နှစ်ချက် ထိုးလိုက်တယ်။ သွားနုတ်ရင် မနာအောင် ထုံဆေးထိုး ပါမှ ဆေးထိုးအပ် ကြောင့် နာကျင်မှု ဒဏ်ကို ခံလိုက်ရပြီး ပါးစပ်ထဲ ရောက်လာတဲ့ ဆေးရည်တွေ ကလဲ ခါးသက်သက် အရသာရှိတာ ကို ခံစားလိုက် ရတယ်။

ဆေးထိုးပြီး ဘာမှ မကြာလိုက်၊ ခဏနေတော့ ဆရာဝန်လေးရဲ့ ကျွမ်းကျင်မှုနဲ့ သွားကို နုတ်ပြီးသား ဖြစ်နေခဲ့တယ်။ ကျွန်တော့် ခန္ဓာကိုယ် အတွင်းက အစိတ်အပိုင်း တစ်ခု ထုတ်ယူသွား တာကို မျက်စိနဲ့ မြင်ချင်ပေမယ့် ကျွန်တော် ခုတင်ပေါ်က မထခင် ဆရာဝန်လေး က အံသွားလေးကို သိမ်းဆည်း ပြီးသား ဖြစ်နေခဲ့တယ်။ ကျသင့်ငွေ ကိုပေး၊ သောက်ရမယ့် ဆေးထုပ်ကို ယူပြီး ဆရာဝန်လေး နားကနေ ထွက်လာ ခဲ့တော့ ဆရာဝန်လေး ဆီမှာ ကျွန်တော့် ခန္ဓာကိုယ် အစိတ်အပိုင်း တစ်ခုဖြစ်တဲ့ အံသွားလေး တစ်ခု ကျန်နေရစ် ခဲ့တယ်။ သွားဆေးခန်း က အပြန်လမ်း တစ်လျောက် မှာတော့ နုတ်ပစ်ခဲ့ရတဲ့ အံသွားလေးနဲ့ ပတ်သက်ပြီး အကြောင်းအရာ တစ်ခုကို စဉ်းစားတွေးတော နေမိခဲ့တယ်။

''လူတွေမှာ သွား ဘယ်နှချောင်းစီ ရှိကြသလဲ။ သွားတွေက ဘယ်အလုပ်ကို အဓိက လုပ်ဆောင်သလဲ။ နောက်ပြီး သွားတွေထဲ မှာ အရေးပါ အရာရောက်ဆုံး သွားက ဘယ်သွားလဲ'' စတဲ့ မေးခွန်းတွေ ကိုလဲ ကိုယ့်ကိုယ်ကိုယ် ပြန်မေး နေမိခဲ့တယ်။

ကျွန်တော်တို့ လူသားတွေမှာ လူတစ်ယောက်ချင်း စီအတွက် သွား အချောင်းရေ သုံးဆယ့်နှစ်ချောင်း ပါရှိတယ်လို့ ကြားဖူးနားဝ ရှိထားခဲ့ ပါတယ်။ လွဲချင်လဲ လွဲနိုင် ပါတယ်။ အရင်က တစ်ကြိမ် တစ်ခါမှ ရေတွက် မကြည့်ဖူးပါ။ သွားနုတ်ပြီး အပြန်မှာတော့ ဗီရိုမှာ တပ်ထားတဲ့ မှန်ပေါ်ကို ပါးစပ်ဖြဲလို့ ရေတွက်ကြည့် လိုက်တော့ နုတ်ပစ် လိုက်ရတဲ့ အံသွားလေးပါ ထည့်တွက်ရင် အမှန်တကယ် သွားအချောင်းရေ သုံးဆယ့်နှစ်ချောင်း ရှိနေတာကို သိလိုက် ရတယ်။ အခု သုံးဆယ့်နှစ် ချောင်းသော သွားတွေ ထဲကနေ ကျွန်တော့်ရဲ့ သွားတစ်ချောင်းကို ပထမဆုံးအကြိမ် အဖြစ် ဆုံးရှုံး လိုက်ရပြီ။

ကျွန်တော်တို့ နေ့စဉ် စားသောက် နေကြရတဲ့ အစားအစာ တွေကို ကြိတ်ခြေဖျက် နိုင်အောင်၊ မာကြောမှုရှိတဲ့ အစားအစာ တွေကို နူးညံ့ပြီး ရှောရှောရှူရှူ နဲ့ အစာအိမ် အတွင်း ရောက်ရှိနိုင်ဖို့ သွားတွေက အဓိက လုပ်ဆောင် ကြတယ်။ ဘယ်လောက်ပဲ မာကျောတဲ့ အစား အသောက် ဖြစ်ပါစေ သွားတွေက အတတ်နိုင်ဆုံး ကျေညက်ဖို့ တာဝန် ကျေပွန်အောင် ဆောင်ရွက်ခဲ့ ကြတာ ဖြစ်တယ်။ သုံးဆယ့် နှစ်ချောင်းရှိတဲ့ သွားတွေထဲက အဓိက အရေးပါ အရာရောက်ဆုံး သွားရယ်လို့ မရှိဘဲ အားလုံးကတော့ တန်းတူညီမျှ ဆောင်ရွက် ကြတာချည်း ပါပဲ။

''ကြာကြာ ဝါးမည့်သွား အရိုးကြည့်ရှောင်'' သွားနဲ့ ပတ်သက်တဲ့ ကျွန်တော် ကြားဖူးနေတဲ့ စကားပုံတစ်ခု ဖြစ်တယ်။ သွားတွေမှာလဲ ရှောင်ကြဉ်ရမယ့် အရာတွေ၊ အန္တရာယ် ဖြစ်စေနိုင်မယ့် အရာတွေ ကလဲ ရှိနေတတ်တယ်။ အဲဒီအရာ တွေကို သတိကြီးစွာ ရှောင်ရှားနိုင်ပါမှ ရေရှည်တည်တံ့ နိုင်မှာ ဖြစ်တယ်။ အခုတော့ ကျွန်တော့်ရဲ့ နမော်နမဲ့ နိုင်မှုကြောင့် လို့ပဲ ဆိုပါရစေတော့။ လူ့သက်တမ်း ခုနစ်ဆယ့် ငါးနှစ်တာ ကာလရှိတဲ့ အထဲကမှ ကျွန်တော်ဟာ အခု ဆယ်စုနှစ် သုံးစုအတွင်းမှာ တင်ပဲ အံသွား တစ်ချောင်းကို နုတ်ပစ် ခဲ့ရပါပြီ။ နှစ်ပေါင်း သုံးဆယ် အတွင်းမှာ အံသွား တစ်ချောင်းက တာဝန်ကျေစွာ လုပ်ဆောင်သွား ခဲ့ပါတယ်။ ဖျက်ခြေသင့် တာတွေကို ဖျက်ခြေပြ နိုင်ခဲ့တယ်။

ကျွန်တော့်ကိုယ် ကျွန်တော် ပြန်မေး နေမိတယ်။ အသက် သုံးဆယ်ကျော် ရှိပြီဖြစ်တဲ့ ကျွန်တော်က ဘယ်လို ရည်ရွယ်ချက် မျိုးနဲ့ လူ့ပြည် လူ့လောကကို ရောက်ရှိလာခဲ့ ရတာလဲ။ မွေးဖွားတာ ကနေစလို့ ဒီနေ့အချိန်ထိ ကျွန်တော်ဘာတွေ လုပ်ဆောင် ခဲ့ပြီးပြီလဲ။ ဘာတွေ တာဝန်ကျေ ခဲ့ပြီလဲ။ 'လဲ' နဲ့ဆုံးတဲ့ မေးခွန်းတွေကို တရစပ် မေးမိခဲ့တာ ဖြစ်တယ်။ သွား သုံးဆယ့် နှစ်ချောင်းထဲက တစ်ချောင်း အပါအဝင် ဖြစ်တဲ့ အံသွားလေး တစ်ချောင်း ကတော့ သူ့တာဝန်သူ ကျေပွန်စွာ ဆောင်ရွက်ပြီး အနုတ်ခံလိုက် ရပြီ။ အံသွား တစ်ချောင်းရဲ့ ဘဝတစ်ခု အဆုံးသတ် သွားပြီလို့ ပြောချင်လဲ ပြောလို့ရတယ်။

ကျွန်တော်ကိုယ်တိုင် ကရော အခုအချိန်မှာ ဒီအံသွားလေး လိုမျိုး တာဝန်ကျေ ခဲ့ပြီလား၊ ဘာတွေများ လုပ်ဆောင် ခဲ့ပြီးပြီလဲ။ ကျွန်တော့် အသက် အခုသုံးဆယ်ကျော် ခဲ့ပြီ။ ကွေးသောလက် မဆန့်မီ ဆန့်သောလက် မကွေးမီ ဆိုတဲ့ စကားကလဲ ရှိနေတယ်လေ။ ကျွန်တော် ဘယ်လောက်ထိ လောကမှာ အသက်ရှင် နေထိုင် နိုင်မယ်လို့ ဘယ်သူကများ ယတိပြတ် ပြောနိုင်မှာလဲ။ ကျွန်တော့်ကိုယ် ကျွန်တော်လဲ အာမ မခံရဲပါဘူး။ အခု အချိန်များ တစ်စုံတစ်ရာ ကြောင့် လောကထဲက ပျက်စီးဆုံးရှုံး သွားခဲ့ရင်ဆိုတဲ့ အတွေး ကျွန်တော်မတွေး ရဲအောင်ပါပဲ။

အံသွားလေး တစ်ချောင်းက တာဝန်ကျေပွန် ခဲ့သလိုမျိုး ကျွန်တော်က လောကကြီး အတွက်၊ အမျိုးဘာသာ၊ သာသနာ အတွက် တာဝန်မကျေ ခဲ့ဘူးဆိုရင် ကျွန်တော်ဟာ ဒီလောကကြီး ထဲကို ရောက်ရှိ လာတာဟာ အချည်းအနှီး ရောက်ရှိလာတဲ့ လူတစ်ယောက်ပဲ ဖြစ်ပါလိမ့်မယ်။ အခု အချိန်ထိတော့ ကျွန်တော် ဘာမှလဲ ဟုတ်တိပတ်တိ လုပ်ဆောင်ထားတာ မရှိသလို အားလုံးအတွက် တာဝန်မကျေ သေးဘူး ဆိုတာကိုလဲ သိနေတယ်။ ကျွန်တော့် ပါးစပ်ထဲက အနုတ်ခံ လိုက်ရတဲ့ အံသွားလေးလို ကျွန်တော် တာဝန်တွေ ကျေချင်လိုက်တာ။ အံသွားလေးလို တာဝန်ကျေစွာနဲ့ လောကကြီးထဲ ကနေ ကွယ်ပျောက် သွားချင်လိုက်တာ။ ကျွန်တော် အဲဒီအံသွားလေး တာဝန်ကျေ သလိုမျိုး လောကကြီး အတွက် တာဝန်ကျေတဲ့ လူတစ်ယောက် ဖြစ်ချင်လိုက်တာ။ ကျွန်တော် ကြိုးစားရအုံး မယ်လေ။ နောက်များ ကျနေပြီလား...။

ရတနာပုံနေ့စဉ် ၊ စာ(၁၃)

#Yadanarpondaily