ရန်ကုန် ။ ၁၆-၆-၂၀၁၅
ရထားပို့ဆောင်ရေး ဝန်ကြီးဌာန မြန်မာ့ မီးရထား အနေဖြင့် ရန်ကုန်မြို့ ကမ်းနားလမ်း၌ ပြေးဆွဲရန် စီစဉ်ထားသည့် လျှပ်စစ်ရထား အတွက် လိုအပ်သော လျှပ်စစ်ကြိုး သွယ်တန်းရန် စိုက်ထူမည့် တိုင်များကို ဂျပန်နိုင်ငံ၏ အကူအညီဖြင့် ယင်း ရထားလမ်းပိုင်း၌ စက်တင်ဘာ လ တွင် အပြီးစိုက်ထူ သွားမည် ဖြစ်ကြောင်း မြန်မာ့မီးရထား မြို့ပြဌာနမှ တာဝန်ရှိသူ တစ်ဦး၏ ပြောပြချက် အရ သိရသည်။
''လျှပ်စစ်ရထား ကို ၂ဝ၁၅ ခုနှစ် နှစ်ကုန်ပိုင်းမှာ ပြေးဆွဲမှာ ဖြစ်လို့ ရထားပြေးဆွဲ တဲ့အခါ အဓိက လိုအပ်တဲ့ ဓာတ်တိုင်တွေကို ဂျပန် နိုင်ငံက နည်းပညာရှင် တွေက စိုက်ထူသွားမှာပါ။ အဲဒီလို စိုက်ထူဖို့အတွက် ဂျပန်နိုင်ငံ မှ ပညာရှင်တွေက မြေတိုင်းတာ တာတွေ လုပ်ဆောင် နေပါပြီ'' ဟု ၄င်းက ဆက်လက် ပြောသည်။
အဆိုပါ လုပ်ငန်းကို ဇူလိုင်လတွင် စတင် ဆောင်ရွက် သွားမည်ဖြစ်ပြီး လျှပ်စစ်ရထား လမ်းပိုင်းဖြစ်သည့် ပန်းဆိုးတန်းမှ ထော်လီကွေ့ ရထားလမ်းပိုင်း အထိ ဓာတ်တိုင် ၁ဝဝ ခန့် စိုက်ထူသွားမည် ဖြစ်ကြောင်းနှင့် ထိုသို့ ဓာတ်တိုင်စိုက်ထူ ရာတွင် ခေတ်မီ နည်းပညာ များကို အသုံးပြုပြီး စိုက်ထူသွားမည် ဖြစ်ကြောင်း သိရသည်။
ဂျပန်နိုင်ငံမှ လျှပ်စစ်ရထား ပြေးဆွဲနိုင်ရန် ကူညီရာတွင် ဓာတ်တိုင်များ စိုက်ထူသည့် လုပ်ငန်း အပါအဝင် တခြားကဏ္ဍ များကိုလည်း ပါဝင်ကူညီမှု ပေးနိုင်ရန် စီစဉ်ထားကြောင်း၊ ဓာတ်တိုင်များ စိုက်ထူရာတွင် ပြည်တွင်းရှိ လျှပ်စစ်စွမ်းအား ဝန်ကြီးဌာနနှင့် ပူးပေါင်းပြီး ဆောင်ရွက် သွားမည် ဖြစ်ကြောင်း သိရသည်။
ရထားပို့ဆောင်ရေး ဝန်ကြီးဌာန မြန်မာ့မီးရထား သည် ရန်ကုန် မြို့တွင်းရှိ အဓိက နေရာများ၌ လျှပ်စစ်ရထား ပြေးဆွဲမှုများကို အကောင် အထည်ဖော် ဆောင်ရွက် သွားမည် ဖြစ်ကြောင်း သိရသည်။
မင်းသော်တာလွင်
#Themyawadydaily
.jpg)
No comments:
Post a Comment