www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, June 16, 2015

အော်ဂဲနစ် စိုက်ပျိုးရေးထွက်ကုန်များ ဈေးကွက်ကျယ်ပြန့် လာစေရန် နိုင်ငံတော်မှ အကူအညီပေးမည်



ရန်ကုန် ဇွန် ၁၅

မြန်မာနိုင်ငံ၌ အော်ဂဲနစ် နည်းပညာ အသုံးပြု စိုက်ပျိုးရေး လုပ်ငန်းများကို နေပြည်တော်၊ ဧရာဝတီတိုင်း ဒေသကြီး၊ ပဲခူးတိုင်း ဒေသကြီးနှင့် ချင်းပြည်နယ် စသည့် ဒေသများ၌ အများအပြား လုပ်ကိုင် လာကြပြီး ရန်ကုန်၊ မန္တလေး၊ နေပြည်တော် အစရှိ သော မြို့ကြီးများ၌ ဖွင့်လှစ်ထားသော Super Market များတွင်လည်း အော်ဂဲနစ် စိုက်ပျိုးရေး ထွက်ကုန် အသီးအနှံ များကို သီးသန့် အရောင်း ကောင်တာများဖြင့် ပြသထားကာ ရောင်းချ လာကြကြောင်း သိရသည်။

ထိုသို့ အော်ဂဲနစ် စိုက်ပျိုးရေး လုပ်ငန်းများကို လုပ်ကိုင်ကြ ရာ၌ ဓာတုဗေဒ ဆိုင်ရာ နည်းပညာများ၊ အပင် ကြီးထွား ဆေးများ၊ ပိုးသတ်ဆေးများ၊ ဓာတ်မြေသြဇာ များကို အသုံးပြုခြင်း မရှိဘဲ သဘာဝမှ ရသော မြေသြဇာများ၊ အော်ဂဲနစ် နည်းပညာ များကိုသာ အသုံးပြု စိုက်ပျိုးရန် လိုအပ်ပြီး အဆိုပါ စိုက်ပျိုးရေး ခြံများမှ ထွက်ရှိသော အသီးအနှံ များကို နိုင်ငံတော် အသိအမှတ်ပြု အော်ဂဲနစ် စိုက်ပျိုးရေး ထွက်ကုန် အမှတ်တံဆိပ် ဖြင့် ရောင်းချခွင့် ရရှိစေရန် သက်ဆိုင်ရာမှ စစ်ဆေး စမ်းသပ်မှု ခံယူကာ သတ်မှတ်ထားသော စံချိန်စံညွှန်း များနှင့် အနည်းဆုံး ၉၅ ရာခိုင်နှုန်း နီးပါး ကိုက်ညီမှု ရှိရမည်ဖြစ်သည်။

ထိုသို့ စစ်ဆေးမှု အောင်မြင်ပြီး အရည်အသွေး ကောင်းမွန်သော အော်ဂဲနစ် စိုက်ပျိုးရေး ထွက်ကုန် အသီးအနှံ များကို ပြည်တွင်း ပြည်ပ ဈေးကွက်များသို့ ရောက်ရှိ နိုင်စေရန် နိုင်ငံတော် အစိုးရမှ ကူညီဆောင်
ရွက် သွားမည် ဖြစ်ကြောင်း စိုက်ပျိုးရေး ဦးစီးဌာနမှ သိရသည်။

အော်ဂဲနစ် နည်းပညာကို အသုံးပြုကာ စိုက်ပျိုးရေး လုပ်ငန်းများကို လုပ်ကိုင် ဆောင်ရွက် လာခြင်းသည် ပတ်ဝန်းကျင် ထိခိုက်မှုကို နည်းပါး စေသလို စားသုံးသူ၏ ကျန်းမာရေး ကိုလည်း များစွာ အထောက်အကူ ပြုကြောင်း၊ သို့သော် အရည်အသွေး ကောင်းမွန်ပြီး ရာနှုန်းပြည့် စစ်မှန်သော အော်ဂဲနစ် စိုက်ပျိုးရေး ထွက်ကုန် အသီးအနှံ ဖြစ်ရန်မှာ နည်းပညာများ လိုအပ်သလို ကုန်ကျစရိတ် လည်း မြင့်မားကြောင်း သိရသည်။

ဆောင်းဦး

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger