www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, June 18, 2015

နတ်မတောင် အမျိုးသားဥယျာဉ် ခရီးစဉ်ကို ပြည်တွင်းပြည်ပ ခရီးသွားဧည့်သည်များ စိတ်ဝင်စားလာ


NATMA Taung National Park

ရန်ကုန် ၊ ၁၈-၆-၂၀၁၅

အာဆီယံ ယဉ်ကျေးမှု အမွေအနှစ် စာရင်းဝင် ဖြစ်သော ချင်းပြည်နယ် တောင်ပိုင်းရှိ နတ်မတောင် အမျိုးသား ဥယျာဉ်သည် ယခင်နှစ် များက အနီးပတ်ဝန်းကျင် ဒေသများမှ ဒေသခံ အများစုသာ လာရောက် လည်ပတ်သော နေရာတစ်ခု ဖြစ်သော်လည်း ယခုနှစ်များတွင် မြန်မာနိုင်ငံ အနယ်နယ် အရပ်ရပ်မှ ခရီးသွား ဧည့်သည်များ သာမက နိုင်ငံခြား ခရီးသွား ဧည့်သည်များပါ လာရောက် လေ့လာ လည်ပတ်မှု ပိုမိုမြင့်တက် လာကြောင်း မြန်မာနိုင်ငံ ခရီးသွား လုပ်ငန်း အဖွဲ့ချုပ်မှ တာဝန်ရှိသူ တစ်ဦးက ပြောသည်။

နတ်မတောင်သည် ပင်လယ် ရေမျက်နှာပြင် အထက် ပေ ၁ဝ၅ဝဝ ခန့်တွင်ရှိပြီး အကျယ်အဝန်း ၁၇၆၃ဝဝ ဧကနီးပါး ရှိကာ တောင် အနီးတစ်ဝိုက် ၌ ကန်ပက်လက်မြို့၊ မင်းတပ်မြို့နှင့် မတူပီမြို့တို့ တည်ရှိကြောင်း၊ ထို တောင်ပေါ်မှ ချင်းပြည်နယ်၏ သဘာဝ အလှများကို ကြည့်ရှုခံစား နိုင်သလို မြန်မာ- အိန္ဒိယ နယ်စပ်ဒေသ များနှင့် ဘင်္ဂလား ပင်လယ်အော် တို့ကိုလည်း မြင်တွေ့ နိုင်ကြောင်း နှင့် တောင်ခြေမှ တောင်ပေါ်သို့ တက်ရာတွင် ခြေကျင် တက်ရောက်ပါက တစ်နာရီခွဲခန့် အချိန်ယူ တက်ရပြီး တောင်ပတ်လမ်း များမှတစ်ဆင့် မော်တော်ယာဉ် အသေးများ၊ ဆိုင်ကယ်များဖြင့် တက်ရောက်ပါက မိနစ် ၃ဝ ခန့် အချိန်ယူ၍ တက်ရကြောင်း သိရသည်။

ထို့အပြင် နတ်မတောင်ပေါ် ၌ စေတီတစ်ဆူ၊ ဘုရားဆင်းတုတော် တစ်ဆူနှင့် ဇရပ်တစ်ဆောင် တို့ရှိပြီး တောင်တက်လမ်း တစ်လျှောက်၌လည်း တောင်ဇလပ်ပင်များ ပေါက်ရောက် နေကြောင်း သိရသည်။

အဆိုပါ နတ်မတောင် အမျိုးသား ဥယျာဉ် ကို ၁၉၆၃ ခုနှစ်တွင် ကြိုးဝိုင်းသစ်တော တစ်ခုအဖြစ် သတ်မှတ်ခဲ့ပြီး ၁၉၉၇ ခုနှစ်တွင် အမျိုးသား ဥယျာဉ်တစ်ခု ဖြစ်လာစေရန် အဆိုပြုခဲ့သည်။ ထို့နောက် ၂ဝ၁ဝ ပြည့်နှစ်တွင် နတ်မတောင် အမျိုးသား ဥယျာဉ်အဖြစ် အတည်ပြု သတ်မှတ် ခဲ့ပြီးနောက် ၂ဝ၁၂ ခုနှစ် တွင် အာဆီယံ ယဉ်ကျေးမှု အမွေအနှစ် စာရင်းဝင် အမျိုးသား ဥယျာဉ် တစ်ခု ဖြစ်လာခဲ့ကြောင်း သိရသည်။

ဆောင်းဦး

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page