ကျောင်းအပ်နှံရေး ၀ိုင်းဝန်းကူညီပေး

မောင်သွင် (ပညာရေး)

နှစ်စဉ်နှစ်တိုင်း ဇွန်လမှာ အခြေခံပညာ ကျောင်းအားလုံး ဖွင့်လှစ် သင်ကြား ကြတော့မယ်။ ဆရာ၊ ဆရာမ တွေနဲ့ ကျောင်းသား၊ ကျောင်းသူတွေ ကျောင်းပြန်ဖွင့်မယ့် ဇွန်လကို မျှော်လင့်ချက် များစွာနဲ့ စောင့်မျှော် ခဲ့ရာက မကြာခင် မျှော်လင့်ချက် အပြုံးပန်းတွေ ပွင့်လန်းဝေဆာ ကြတော့မယ်။ 'ပန်းကလေးများ ပွင့်တော့မည်၊ ဖူးတံဝင့်လို့ချီ၊ နေခြည်မှာ ရွှေရည်လောင်း၊ ငါတို့ စာသင်ကျောင်း' ဆိုတဲ့ ကဗျာလေးက ကြည်နူးစရာ၊ အားတက်စရာ၊ မျှော်လင့်စရာ ကောင်းလှပါတယ်။ 'ပညာရေးဖြင့် ခေတ်မီဖွံ့ဖြိုး တိုးတက်သော နိုင်ငံတော်ကြီး တည်ဆောက်အံ့' ဆိုတဲ့ ပညာရေး ဆောင်ပုဒ်ကလဲ ပညာရေးရဲ့ရည်ရွယ်ချက်၊ ရည်မှန်းချက် တွေကို မီးမောင်း ထိုးပြသလို ဖြစ်ပါတယ်။ မိဘ၊ ဆရာ၊ ကျောင်းသား ဆိုတဲ့ သုံးဦးဆိုင် တြိဂံ ပညာရေးမှာ ပန်းကလေးတွေနဲ့ တူတဲ့ မျိုးဆက်သစ် ကျောင်းသား၊ ကျောင်းသူ တွေကို နေရောင်ခြည်နဲ့ တူတဲ့ ဆရာ၊ ဆရာမ တွေရဲ့သင်ကြား ပြသ ဆိုဆုံးမမှုနဲ့ ရေကြည်နဲ့ တူတဲ့ မိဘတွေရဲ့အားပေး ကူညီမှုတို့ ပေါင်းစပ် လိုက်တဲ့အခါမှာ အရောင်အသွေး လှလှ၊ ရနံ့သင်းပျံ့တဲ့ နိုင်ငံ့ရတနာ မျိုးဆက်သစ် လူငယ်၊လူရွယ် လေးတွေ ပေါ်ထွန်း စေခဲ့တာဟာ ပညာရေးဝန်ကြီး ဌာနရဲ့ ဂုဏ်ယူ ဝင့်ကြွားဖွယ်ရာ အဓိက ဆောင်ရွက်မှုပါ။

ဇွန် ၁ ရက်မှာ အခြေခံပညာ ကျောင်းအားလုံး ကျောင်းဖွင့်တာနဲ့ တစ်ပြိုင်နက် တည်း တစ်နှစ်တာ အတွင်း သတ်မှတ်ထားတဲ့ သင်ရိုး၊ မာတိကာမှာ ပါဝင်တဲ့ ကျောင်း သင်ခန်းစာ တွေကို အချိန် လုံလုံ လောက်လောက် နဲ့ အပြည့်အဝ သင်ကြား ပေးရမှာ ဖြစ်ပါတယ်။ ကျောင်း စဖွင့်ချိန် ကျောင်းသား၊ ကျောင်းသူ အားလုံး အတန်း အသီးသီးမှာ စုံစုံလင်လင် ပညာသင်ဖို့ အသင့် အနေအထား ရှိနေရ ပါမယ်။ ပညာရေးဝန်ကြီး ဌာန အနေနဲ့ မေ ၂၅ ရက်ကနေ မေ ၃၁ ရက်ထိကို ကျောင်းအပ်နှံရေး သီတင်း ပတ် အဖြစ် သတ်မှတ် ထားတာ ဖြစ်ပါတယ်။ ပညာရေး ပြုပြင် ပြောင်းလဲမှုတွေ ဆောင်ရွက်နေတဲ့ ဒီလို အချိန်အခါမျိုးမှာ ကျောင်းသား၊ ကျောင်းသူတွေ ကို သတ်မှတ်ထားတဲ့ မေလ နောက်ဆုံးပတ်မှာ ပြီးစီးအောင် အပ်နှံဖို့ မိဘတွေမှာ တာဝန်ရှိ ပါတယ်။ မြို့ပေါ် ကျောင်းတွေနဲ့ အခြေခံပညာ အထက်တန်း ကျောင်း၊ အခြေခံပညာ အလယ်တန်း ကျောင်းတွေမှာ သတ်မှတ်ရက် အတွင်း ကျောင်းအပ်နှံ ကြပေမယ့် မြို့နဲ့ အလှမ်းဝေးတဲ့ ကျောင်းတွေနဲ့ ပညာရေးကို စိတ်ဝင်စားမှု နည်းတဲ့ ကျေးရွာတွေက ကျောင်းတွေ မှာတော့ ကျောင်းအပ်နှံ ရမယ့် မေလ တတိယပတ်မှာ မအပ်ဘဲ ကျောင်းဖွင့်ချိန် ရောက်မှ လာအပ်တာကို တွေ့မြင် နေရတယ်။

ဒါကြောင့် အမျိုးသား ပညာရေး မြှင့်တင်မှုရဲ့ ကဏ္ဍတစ်ခု ဖြစ်တဲ့ ကျောင်းအပ်နှံရေး ကာလ သတ်မှတ်ထားတဲ့ မေ ၂၅ ရက်ကနေ မေ ၃၁ ရက်ထိ ကျောင်းအပ်နှံမှု ကိစ္စ ပြီးမြောက်အောင် မိဘ ပြည်သူတွေ၊ ဆရာ၊ ဆရာမ တွေနဲ့ တာဝန်ရှိ သူတွေ၊ တာဝန်သိ သူတွေ အားလုံး ဝိုင်းဝန်း ဆောင်ရွက်ရမှာ ဖြစ်ပါတယ်။

ပညာရေး ဝန်ကြီးဌာန အနေနဲ့ ကျောင်းနေမြဲရေး အတွက် ဆောင်ရွက်ရမယ့် လုပ်ငန်းစဉ် လေးရပ်ကိုလဲ ချမှတ် ဆောင်ရွက်လျက် ရှိပါတယ်။ အဲဒီ လုပ်ငန်းစဉ်တွေ ကတော့ (၁) စီမံချက်ဝင် မြို့နယ်တွေနဲ့ ပုံမှန်မြို့နယ် အားလုံးမှာ မြို့နယ် လုံးကျွတ် ကျောင်းအပ်နှံရေး အစီအစဉ်တွေ ချမှတ် ဆောင်ရွက်ဖို့၊ (၂) အခြေခံပညာ ကျောင်းအလိုက် ပညာသင်နှစ် တစ်လျှောက်လုံး ကျောင်းပျက်ကွက် လျော့နည်းမှု မရှိအောင် ကြပ်မတ် ဆောင်ရွက်ဖို့၊ (၃) ကျောင်းနေဖို့ အခက်အခဲ ရှိတဲ့ ကလေးတွေ၊ ကျောင်းပျက်ကွက်တဲ့ ကလေးတွေ အတွက် မိဘတွေကို ဆွေးနွေးပြီး လိုအပ်တာတွေ ဖြည့်ဆည်း ပံ့ပိုးပေးဖို့၊ (၄) ကျောင်းတွေ ပြန်လည်ဖွင့်လှစ် ချိန်မှာ အရင်နှစ်တွေက တက်ရောက်ခဲ့တဲ့ ကျောင်းသား၊ ကျောင်းသူ အားလုံး ကျောင်းပြန်တက် အောင် စိစစ်ကြပ်မတ် ဖို့ပဲ ဖြစ်ပါတယ်။

နိုင်ငံတော် အစိုးရအနေ နဲ့လဲ ခေတ်မီဖွံ့ဖြိုး တိုးတက်တဲ့ နိုင်ငံတော်သစ် တည်ဆောက်ရာမှာ အခြေခံ အကျဆုံး ဖြစ်တဲ့ ပညာရေးကဏ္ဍ အတွက် ကြီးမားတဲ့ ရင်းနှီးမြှုပ်နှံမှု ပညာရေး အသုံးစရိတ် တွေကို နှစ်စဉ်တိုးမြှင့် ချထားလျက် ရှိပါတယ်။ ရုပ်ပိုင်းဆိုင်ရာ ဖြည့်စွက်မှု အနေနဲ့ အန္တရာယ် ရှိ ကျောင်းဆောင်တွေ၊ ဥပဓိရုပ် မကောင်းတဲ့ ကျောင်းဆောင် တွေကို ပြန်လည် ပြုပြင်မှု၊ ကျောင်းသား ဦးရေအရ ကျောင်းဆောင်သစ် တွေ ဆောက်လုပ်ပေးမှု၊ စာသင်ခုံ၊ ပရိဘောဂနဲ့ ရုံးသုံးပစ္စည်း တွေ ဖြည့်ဆည်း ပေးမှုတွေ ဆောင်ရွက်သလို ဆရာ၊ ဆရာမ တွေကို မွမ်းမံသင်တန်း တွေပေးမှု၊ ဘာသာရပ် ဆိုင်ရာ လုပ်ငန်း ဆွေးနွေးပွဲတွေ ပြုလုပ်ပေးမှု၊ ဘာသာရပ် ဆိုင်ရာ စွမ်းရည်မြှင့် သင်တန်းတွေ ပေးမှုတွေကို အားကြိုး မာန်တက် ဆောင်ရွက်လျက် ရှိပါတယ်။ ၂ဝ၁၅- ၂ဝ၁၆ ပညာသင်နှစ် က စပြီး မူလတန်း အဆင့်ကနေ အထက်တန်း အဆင့်ထိ အခမဲ့ ပညာရေး ဆောင်ရွက်ပြီး မိဘပြည်သူ တွေရဲ့ လိုအပ်ချက် တွေကို ဖြည့်ဆည်း ပေးလျက် ရှိပါတယ်။ မူလတန်း ကျောင်းသား၊ ကျောင်းသူ တွေကို ပုံနှိပ်စာအုပ် အခမဲ့၊ ဗလာစာအုပ် တစ်ဒါဇင်၊ ကျောင်းဝတ်စုံ တစ်စုံစီနဲ့ အခြေခံပညာ အထက်တန်း၊ အခြေခံပညာ အလယ်တန်းတွေ အတွက် ကျောင်းလခ၊ PTA နဲ့ ASL ကြေးတွေကို နိုင်ငံတော် က ကျခံပြီး မိဘတွေ ကျောင်းစရိတ် ဝန်ထုပ်ဝန်ပိုး မဖြစ်စေအောင် အခမဲ့ ပညာရေး ကို အကောင် အထည်ဖော် ဆောင်ရွက်နေပြီ ဖြစ်ပါတယ်။

'ကျောင်းနေပျော်၍ စာတော်စေရမည်' ဆိုတဲ့ ဆောင်ပုဒ် အတိုင်း ကျောင်းသား၊ ကျောင်းသူတွေ ကျောင်းတော်ကြီးမှာ ပျော်ရွှင်စွာ ပညာ သင်ကြားခွင့် ရရှိပြီး ကာယ၊ ဉာဏ၊ စာရိတ္တနဲ့ ရသ၊ သက်မွေး၊ ဘက်စုံ ပညာရေးမှာ ထူးချွန် ထက်မြက်တဲ့ နိုင်ငံ့ရတနာ၊ ရင်နှစ်သည်းချာ တွေ ပေါ်ထွန်း လာစေဖို့ စိတ်ရည်သန်ပြီး ကျောင်းအပ်နှံရေး သီတင်းပတ်မှာ ကျောင်းနေအရွယ် ကလေးတိုင်း ရာနှုန်းပြည့် ကျောင်းအပ်နှံရေး အတွက် မိဘပြည်သူ တွေ၊ ဆရာ၊ ဆရာမ တွေနဲ့ ပညာရေးကို စိတ်ဝင်စားသူ အားလုံးက ဝိုင်းဝန်း ဆောင်ရွက်ကြ စေဖို့ နှိုးဆော် တိုက်တွန်း ရေးသား လိုက်ရပါတယ်။

#Yadanarpondaily