ရန်ကုန် ၊ ၁၆-၉-၂၀၁၄
မြန်မာနိုင်ငံရှိ ဆွစ်ဇာလန် သံရုံးမှ ကြီးမှူး ကျင်းပမည့် (၂၃) ကြိမ်မြောက် ဥရောပ ရုပ်ရှင် ပွဲတော် ( 23rd European Film Festival ) ကို ရန်ကုန်မြို့၌ ၁၁ ရက်ကြာ ကျင်းပပြုလုပ် သွားမည် ဖြစ်ကြောင်း သိရသည်။
အဆိုပါ ဥရောပ ရုပ်ရှင်ပွဲတော် ကို ရန်ကုန်မြို့ရှိ နေပြည်တော် ရုပ်ရှင်ရုံကြီး တွင် ယခုလ ၂၅ ရက်မှ အောက်တိုဘာ ၅ ရက်အထိ ၁၁ ရက်ကြာ ကျင်းပရန် စီစဉ်ထားပြီး ပြင်သစ်၊ အီတလီ၊ ဂျာမနီ၊ ဗြိတိသျှ၊ ဆွစ်ဇာလန် အစရှိသော ဥရောပ နိုင်ငံကြီးများ အပါအဝင် နိုင်ငံပေါင်း ခုနစ်နိုင်ငံမှ အင်္ဂလိပ် စာတန်းထိုး ထားသော ရုပ်ရှင် ဇာတ်ကား ၁ဝ ကားကို ပြသသွားမည် ဖြစ်ကြောင်း၊ ထို ရုပ်ရှင် ဇာတ်ကားများကို ရုပ်ရှင်ပွဲတော် ရက်များအတွင်း တစ်နေ့လျှင် တစ်ကားနှုန်းဖြင့် ညနေ ၃ နာရီခွဲမှ ည ၆ နာရီခွဲအထိ ပြသသွားရန် စီစဉ် ထားကြောင်း နှင့် မည်သူမဆို အခမဲ့ ဝင်ရောက် ကြည့်ရှု နိုင်ကြောင်း ဆွစ်ဇာလန် သံရုံးမှ ထုတ်ပြန် ကြေညာ ထားသည်။
မြန်မာနိုင်ငံ တွင် ဥရောပ ရုပ်ရှင်ပွဲတော် များကို နိုင်ငံခြား သံရုံးများမှ နေ၍ အလှည့်ကျ တာဝန်ယူ၍ နှစ်စဉ် ကျင်းပလေ့ ရှိခဲ့ရာ ပြီးခဲ့သည့် ၂ဝ၁၃ ခုနှစ် စက်တင်ဘာလ တွင် ကျင်းပ ပြုလုပ် ခဲ့သည့် (၂၂) ကြိမ်မြောက် ဥရောပ ရုပ်ရှင်ပွဲတော် ကိုလည်း အဆိုပါ နေပြည်တော် ရုပ်ရှင်ရုံ ၌ပင် ၁၁ ရက်ကြာ ကျင်းပ ပြုလုပ် ခဲ့ကြောင်း သိရသည်။
ယခု ကျင်းပမည့် (၂၃) ကြိမ်မြောက် ဥရောပ ရုပ်ရှင်ပွဲတော် ကိုမူ ဆွစ်ဇာလန် နိုင်ငံမှ ပထမဆုံး အကြိမ် တာဝန်ယူ ဆောင်ရွက်ခြင်း ဖြစ်ပြီး အဆိုပါ ရုပ်ရှင်ပွဲတော် ဖြစ်မြောက်ရေး အတွက် ဆွစ်ဇာလန် သံရုံးမှ သံရုံး တာဝန်ခံများ နှင့်အတူ မြန်မာနိုင်ငံမှ တာဝန်ရှိ သူများကလည်း ပူးပေါင်း ညှိနှိုင်း ဆောင်ရွက်လျက် ရှိကြောင်း သိရသည်။
ဆောင်းဦး
#Themyawadydaily
.jpg)
No comments:
Post a Comment