www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Sunday, April 13, 2014

နှစ်သစ်ချိန်အခါ မင်္ဂလာ


နှစ်သစ်ချိန်အခါ မင်္ဂလာ

မြန်မာ သက္ကရာဇ် ၁၃၇၅ - ၁၃၇၆ ခုနှစ် ၊ တန်ခူး လပြည့်နေ့ ( ၂၀၁၄ ခုနှစ် ၊ ဧပြီလ ၁၄ ရက် ) သည် ဗုဒ္ဓဘာသာ မြန်မာ လူမျိုးများ အတွက် နှစ်သစ်ကူးသည့် အခါသမယ နေ့ထူး ရက်မြတ်ပင် ဖြစ်သည်။ တစ်နည်း အားဖြင့် တန်ခူးလ သည် မြန်မာလ များ၏ အစဖြစ် သကဲ့သို့ နှစ်ဟောင်း ကုန်ဆုံး၍ နှစ်သစ်ကူး သင်္ကြန် ကျသောလ ဖြစ်သည်။ ထို့ပြင် မြန်မာ နှစ်သစ်ကူး သင်္ကြန် ပွဲတော်သည် မြန်မာလူမျိုး တို့၏ စေတနာ အလှကို ဖော်ပြခွင့် ရသောလလည်း ဖြစ်သည်။

တန်ခူးလ ကို မြန်မာစာ ၊ မြန်မာ့မူ ၊ မြန်မာ့ ယဉ်ကျေးမှု အရ မိဿရာသီ ဟု ခေါ်သည်။ ထိုလတွင် လမင်းနှင့် ယှဉ်ပြိုင် ထွန်းလင်း နေသော စန်းပြည့် နက္ခတ်သည် စိတြနက္ခတ် ဖြစ်သည်။ တံငါတာရာ ကလည်း တောက်ပ နေသည်။ ရာသီ အမှတ်အသားရုပ် မှ ဆိတ်ကုလား ( သိုး ) ရုပ် ဖြစ်သည်။ နက္ခတ်တာရာ ဆိုသည်မှာ ကောင်းကင်တွင် တောက်ပသော ကြယ်များပင် ဖြစ်သည်။ ထိုလတွင် အချိန်မှန်မှန် ပွင့်သောပန်း သည် ကံ့ကော်ပန်း ဖြစ်သည်။ ပိတောက်ပန်း သည် အများအားဖြင့် တန်ခူးလ တွင် ပွင့်တတ် သော်လည်း ရာသီ အခြေအနေ အရ တစ်ပေါင်းလတွင် စော၍ ပွင့်တတ်ပြီး ကဆုန်လ ရောက်မှ နောက်ကျ၍လည်း ပွင့်တတ် သည်။

မြန်မာ နှစ်သစ်ကူး သင်္ကြန် ပွဲတော်သည် ပူအိုက်သော နွေရာသီတွင် ကျင်းပခြင်း ဖြစ်သဖြင့် ပူလောင်းခြင်း မှ သက်သာစေရန် ရေစင် အေးအေးဖြင့် ရေပက်ဖျန်းခြင်းသာ ဖြစ်သည်။ တစ်ဖက်သား အား ကာယိနြေ္ဒမဲ့ စေရန် ၊ အရှက်တကွဲ အကျိုးနည်း ဖြစ်စေရန် မဟုတ်ခြင်း ကို သတိပြု ရပေမည်။ မြန်မာတို့သည် နှစ်သစ်ကူး သင်္ကြန်ပွဲတော် ကာလအတွင်း ရေသဘင်ပွဲ ဆင်နွှဲရုံသာ မဟုတ်ဘဲ ကုသိုလ် ကောင်းမှုများ ပြုလုပ်ခြင်း ၊ သက်ကြီး ရွယ်အို အဘိုး အဘွား များအား ခေါင်းလျှော် ပေးခြင်း ၊ ခြေသည်း လက်သည်း ညှပ် ပေးခြင်း ၊ စတုဒိတာများ ကျွေးမွေး လှူဒါန်းခြင်း များအပြင် ဇီဝိတဒါန အဖြစ် တိရစ္ဆာန် များကို ဘေးမဲ့ လွှတ်ကြခြင်း ဖြင့် မြန်မာ့ နှစ်သစ်ကူး ကာလကို ကောင်းမှုဒါန မျိုးစေ့များ ချလျက် ရှိသည်မှာလည်း မြန်မာတို့၏ ချစ်စရာ ကောင်းသော ဓလေ့စရိုက် များပင် ဖြစ်သည်။

မြန်မာ့ နှစ်သစ်ကူး သင်္ကြန်ပွဲတော် ကာလအတွင်း ကုသိုလ် ကောင်းမှုများ ရှာဖွေ ပြုလုပ် ကြသလို တစ်ဖက်တွင်လည်း မြန်မာ့ ယဉ်ကျေးမှု နှင့် ဆီလျော်မှု မရှိသည့် ၀တ်စား ဆင်ယင်မှု ၊ ကြမ်းတမ်းစွာ ရေကစားမှု ၊ မူးယစ် သောက်စား ရမ်းကားမှု နှင့် ယာဉ်မတော်တဆ ဖြစ်မှုများ ဖြစ်ပွားလျက် ရှိသည်ကို တွေ့ရှိရ ပေသည်။ တစ်နည်း အားဖြင့် နှစ်သစ်ကူး သင်္ကြန် ပွဲတော် ကာလအတွင်း မြန်မာမှု ၊ မြန်မာ့ဟန် ၊ မြန်မာ့ ဓလေ့စရိုက် တို့ဖြင့် မြန်မာတို့၏ သရုပ်ဖော် ယဉ်ကျေးမှု ကို ထိန်းသိမ်း စောင့်ရှောက်ရန်လည်း အထူး လိုအပ် လှပေသည်။ ထို့ကြောင့် မြန်မာ့ နှစ်သစ်ကူး ကာလ သင်္ကြန်ပွဲတော် အတွင်း မြန်မာ့ရိုးရာ ယဉ်ကျေးမှု နှင့်အညီ နိုင်ငံတော် အဆင့် မြန်မာမူ ၊ မြန်မာ့ဓလေ့ များဖြင့်သာ နှစ်သစ်ကို အတာရေစင် ဖြင့် ကြိုဆို ကြပါစို့ ဟု တိုက်တွန်း ရေးသား လိုက်ရပေသည်။

စာတည်းမှူးချုပ်
မြ၀တီစာပေတိုက်


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger