www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, February 24, 2014

လက်တွဲကြိုးပမ်းဆောင်ရွက်


လက်တွဲကြိုးပမ်းဆောင်ရွက်

နိုင်ငံတော် သည် နိုင်ငံရေး ပြုပြင် ပြောင်းလဲမှု၊ စီးပွားရေး ပြုပြင် ပြောင်းလဲမှု၊ ပြည်တွင်း ငြိမ်းချမ်းရေး တည်ဆောက် မှုများ နှင့်အတူ ကဏ္ဍစုံ အထွေထွေ ပြုပြင် ပြောင်းလဲမှု များကို အခြေခံမှ စတင် ပြောင်းလဲ နိုင်ရေး အတွက် မူဝါဒများ ချမှတ် ဆောင်ရွက် ခဲ့ပြီး ယခုအခါ ပြုပြင် ပြောင်းလဲရေး လုပ်ငန်းစဉ် အဆင့်ဆင့် နှင့် ဖြစ်ထွန်းမှု များသည် လမ်းကြောင်း မှန်ပေါ် ရောက်ရှိ နေပြီ ဖြစ်သည်။

နိုင်ငံရေး ပြုပြင် ပြောင်းလဲရေး အနေဖြင့် ရေရာ သေချာမှု ရှိသည့် နိုင်ငံရေး ပုံစံသစ် တစ်ရပ်ကို တည်ဆောက် နေပြီး အသွင် ကူးပြောင်းရေး အတွက် အဓိက လိုအပ်ချက် ဖြစ်သော နိုင်ငံရေး တည်ငြိမ်မှု နှင့် ဒီမိုကရေစီ အသက်ဝင် ရှင်သန်ရေး အတွက် အရေးကြီး သည့် နိုင်ငံရေး တက်ကြွ နိုးကြားမှု တို့ကို ဆက်လက် ထိန်းသိမ်းပြီး ဒီမိုကရေစီ အသွင် ကူးပြောင်းရေး လုပ်ငန်းစဉ် များကို ဆောင်ရွက်လျက် ရှိနေသည်။

စီးပွားရေး ဖွံ့ဖြိုး တိုးတက်မှု အတွက် ဈေးကွက် စီးပွားရေး စနစ် ရှင်သန်ပြီး နိုင်ငံသားတိုင်း မျှဝေ ခံစားနိုင်သော အခွင့် အလမ်းများ ဖန်တီး ပေးနိုင်မည့် အခြေခံ ကောင်းများကို တည်ဆောက် ပေးလျက် ရှိသည်။ ထို အခွင့်အလမ်း ကောင်းများကို အမိအရ လုပ်ကိုင် နိုင်ရန် အစိုးရနှင့် ပုဂ္ဂလိက လုပ်ငန်းများ လက်တွဲ ကြိုးပမ်း သွားကြ ရမည် ဖြစ်သည်။

နိုင်ငံတော် သည် ကမ္ဘာ့ နိုင်ငံများက ချမှတ် ကျင့်သုံး ခဲ့သော စီးပွားရေး အရေးယူ ပိတ်ဆို့မှု များကို ဖယ်ရှားရန် နည်းလမ်း ပေါင်းစုံနှင့် ကြိုးပမ်း၍ အောင်မြင်စွာ ဆွေးနွေး ညှိနှိုင်း ခဲ့သည်။ ပြည်တွင်း ထုတ်လုပ်မှု နှင့် လုပ်ငန်းရှင် များအတွက် ပြည်ပ ပို့ကုန် လုပ်ငန်း များတွင် အားသာမှု ရရှိစေရန် ဥရောပ သမဂ္ဂ၏ GSP ကဲ့သို့ အခွန် လျှော့ပေါ့ ကင်းလွတ်ခွင့် များ ဆောင်ရွက် နိုင်ခဲ့သည်။ ထိုသို့ ဆောင်ရွက် နိုင်ခဲ့၍ နိုင်ငံတကာ ဈေးကွက် များနှင့် ချိတ်ဆက် သည့်အခါ ပိုမို လွယ်ကူပြီး ပို့ကုန် သွင်းကုန် လုပ်ငန်းများ အတွက် အကျိုး ကျေးဇူး များစွာ ဖြစ်ထွန်း စေခဲ့သည်။

ခေတ် အဆက်ဆက် က ရှင်းလင်း ဆောင်ရွက် နိုင်ခဲ့ခြင်း မရှိခဲ့သော နိုင်ငံတကာ ကြွေးမြီကိစ္စ ရပ်များလည်း အောင်မြင်စွာ ဆွေးနွေး ညှိနှိုင်း နိုင်ခဲ့သည့် အတွက် အနာဂတ် ကာလတွင် မြန်မာ နိုင်ငံ ဖွံ့ဖြိုး တိုးတက်ရေး အတွက် ငွေကြေး အရင်းအနှီး စုဆောင်းမှု နှင့် ချေးငွေများ ရရှိနိုင်သည့် အခြေအနေ ကောင်းကို ရရှိနေပြီ ဖြစ်သည်။ ထို အကျိုးရလဒ် များကို ပြည်သူ တစ်ရပ်လုံး လက်တွေ့ ကျကျ ရရှိခံစား နိုင်စေရေး အတွက် အစိုးရနှင့် ပုဂ္ဂလိက လုပ်ငန်းများ လက်တွဲ ကြိုးပမ်း ဖော်ဆောင် သွားကြ ရမည် ဖြစ်သည်။

မကြာမီ လက်တွေ့ အကောင် အထည်ဖော် တော့မည့် အာဆီယံ လွတ်လပ်သော ကုန်သွယ်မှု ဧရိယာ ( AFTA ) နှင့် အာဆီယံ စီးပွားရေး အသိုက်အဝန်း (AEC) ဆိုင်ရာ ကဏ္ဍ များတွင် လည်း မြန်မာနိုင်ငံ အနေဖြင့် အာဆီယံ ဥက္ကဋ္ဌ အဖြစ် ဆောင်ရွက် ခွင့်ရသော အချိန်နှင့် တိုက်ဆိုင် နေသည်။ ထို့ကြောင့် မြန်မာနိုင်ငံ တွင် အခြေစိုက် သည့် စီးပွားရေး လုပ်ငန်းများ အနေဖြင့် အားသာချက် များစွာ ရရှိမည် ဖြစ်သည်။

အခြေခံ လူတန်းစား များ၏ ထုတ်လုပ်မှု နှင့် ဝန်ဆောင်မှု များကို အခြေပြု၍ စီးပွားရေး ကဏ္ဍ အသီးသီးမှ အလယ် အလတ်နှင့် အကြီးစား စီးပွားရေး လုပ်ငန်းရှင် များက ထုတ်လုပ်မှု ကွင်းဆက် (Value Chain) တွင် ဈေးနှုန်း တန်ဖိုး ကွင်းဆက် (Supply Chain) ညီညွတ် မျှတရေးကို ပူးပေါင်း ဆောင်ရွက် သွားကြ ရမည် ဖြစ်သည်။

သို့ဖြစ်ရာ မြန်မာနိုင်ငံ က အာဆီယံ ဥက္ကဋ္ဌ တာဝန်ယူ ချိန်တွင် မြန်မာ့ စီးပွားရေး လုပ်ငန်းရှင် များ၏ စွမ်းဆောင်ရည် ကိုပြသ၍ မြန်မာ နိုင်ငံ၏ စီးပွားရေး အောင်မြင်မှု နှင့် နိုင်ငံ၏ ဖွံ့ဖြိုး တိုးတက် မှုတို့ကို ဖော်ဆောင်ရန် အစိုးရနှင့် ပုဂ္ဂလိက လုပ်ငန်းများ က လက်တွဲ ကြိုးပမ်း ဆောင်ရွက် သွားကြ ရမည် ဖြစ်ပါကြောင်း ရေးသား လိုက်ရ ပေသည်။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger