www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, November 28, 2013

အဖိုးထိုက်တန် အမှန်သိ


အဖိုးထိုက်တန် အမှန်သိ

ယနေ့ မျက်မှောက် ကာလတွင် အလိုအပ်ဆုံး အရာမှာ သင့်တော်သော နှလုံးသွင်းမှု ယောနိသော ရှိဖို့လိုသည်။ ယောနိသော မနသီကာ ရရှိမှသာ စိတ်ကောင်း ၊ နှလုံးကောင်း ရှိမည် ဖြစ်ပေသည်။ ယောနိသော မှာ မည်မျှ စွမ်းအား ကြီးမား ပါသနည်း ဟုဆိုလျှင် ထိုကဲ့သို့ သင့်တော်သော နှလုံးသွင်းမှု ရှိလျှင် အကုသိုလ် စိတ်မကောင်းသော စိတ်များ မဖြစ်ဘဲ ကောင်းသော စိတ်များသာ ရှိမည် ဖြစ်သည်။

ယနေ့ မိမိအတွက် သော် လည်းကောင်း ၊ လူ့ဘောင် လောက အတွက်သော် လည်းကောင်း ကောင်းရာ ကောင်းကျိုး ဆောင်ရွက် ကြရာ၌ ကိုယ်ပိုင် စွမ်းအားများ ရရှိဖို့ လိုသည်။ ကိုယ်ပိုင် စွမ်းအား ဆိုသည်မှာ လည်း မှန်ကန်သော အသိအမြင် ၊ မှန်ကန်သော အယူအဆ ၊ မှန်ကန်သော အတွေးအခေါ် တို့ လွှမ်းခြုံသည့် အသိအမြင် ဗဟုသုတ များသာ ဖြစ်သည်။

ယောနိသော ရှိခြင်း ၊ မရှိခြင်း တို့၏ အကြောင်းအရင်း များကား စာကောင်း ပေကောင်း ဖတ်ရှုခြင်း ၊ မဖတ်ရှုခြင်း ၊ ပညာရှိထံ နည်းနာခံခြင်း ၊ မခံခြင်းတို့ အပေါ်တွင် အခြေခံသည်။ စာကောင်း ပေကောင်းတို့ကို ကြည့်ရှု လေ့လာသူ ၊ ဆရာကောင်း ၊ ပညာရှိ တို့ထံတွင် နည်းနာ ခံယူလေ့ ရှိသူတို့သည် အကြားအမြင် ဗဟုသုတ တိုးပွားလာမည် ဖြစ်သည်။

ထိုသို့ အကြားအမြင် ဗဟုသုတ တိုးပွား လာသူမှာ ငါ့သန္တာန်၌ အမြဲ စိတ်ကောင်း ဖြစ်စေရမည် ဟု ခံယူထားပြီး တွေ့ရာ ကြုံရာ အာရုံများ ၌ သင့်တော်အောင် နှလုံးသွင်း နိုင်မည် ဖြစ်သည်။ စာကောင်း ပေကောင်း များကိုလည်း မကြည့်ရှု ၊ ဆရာများ ထံ၌လည်း နည်းနာ မခံသော သူသည် အကြားအပြင် ဗဟုသုတ နည်းပြီး ကြုံရာအာရုံ၌ စိတ်မထား တတ်ဘဲ လေယူရာ တိမ်းကြ လေသည်။

ထို့ကြောင့် ယောနိသော စိတ်ရှိခြင်းသည် အရာရာ ၌ ဗြဟ္မစိုရ် တရား လက်ကိုင် ထားလျက် ကြီးမားသော စိတ်သဘောထား ရှိသူ ၊ အပေါင်းအသင်း ဆံ့သူ ဖြစ်လာ နိုင်သည်။ ချမ်းမြရွှင်မြူး ၊ ရာထူး ဂုဏ်သိန် စည်းစိမ်တို့ တိုးတက် နေသည်ဖြစ်စေ ၊ လောကဒဏ် ကို မတုန်လှုပ် ၊ အခြေအနေ လည်းမပြောင်း ၊ စိတ်အကောင်းလည်း မပျက်ဘဲ တည်တည် ကြည်ကြည် ခံ့ခံ့ ထည်ထည်နှင့် ဣနြေ္ဒမပျက် နေနိုင်ကြမည် ဖြစ်သည်။

သို့ရာတွင် လူတိုင်း လူတိုင်းသည် အမှန်ကို အမှန်အတိုင်း သိနိုင်သည့်သူ ဖြစ်စေရန် ဗဟုသုတ အကြားအမြင် ရှိဖို့လိုသည်။ ထိုသို့ မဟုတ်မူ အဖိုးထိုက် ၊ အဖိုးတန် ကိုယ်ပိုင်မှန် ကြီးများ ရှိသော်လည်း ယောနိသော မရှိ၍ မျက်စိ မမြင်သူ ကဲ့သို့ဖြစ်ကာ အဖိုးမတန် ၊ အမှန်မသိ သူများ ဖြစ်လာ နိုင်ကြောင်း ရေးသား လိုက်ရပေသည်။  ။


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger