ရန်ကုန် ၊ ၁၅-၁၀-၂၀၁၂
အမျိုးသားပြတိုက်(ရန်ကုန်) ၏ ခင်းကျင်းပြသမှု
များကို အခြားနိုင်ငံများ၏ အမျိုးသားပြတိုက် များကဲ့သို့ နိုင်ငံတကာစံနှုန်း နှင့် ကိုက်ညီသော
နိုင်ငံတကာ အဆင့် ပြတိုက် ဖြစ်လာစေ ရန် နှင့် ခေတ်မီ ဆွဲဆောင်မှု ရှိသော ၊ ထိန်းသိမ်းမှု
နည်းစနစ် မှန်ကန်သော ပြတိုက် ဖြစ်လာစေရန် ရည်ရွယ်၍ ပြတိုက် ဒီဇိုင်းနှင့် ခင်းကျင်းပြသမှု
ဆိုင်ရာ ပညာရှင်များ ၊ ဗိသုကာ ပညာရှင်များ ၊ ပြတိုက် ပညာပေးရေး ဆိုင်ရာ ကျွမ်းကျင်သူများ
စသည့် ပညာရှင်များ သာမက ပြတိုက် နှင့် ပြခန်း ခင်းကျင်းမှု အကြောင်း လေ့လာသူများ ၊ စာနယ်ဇင်းများ
ပူးပေါင်း ပါဝင် ဆွေးနွေးနိုင်မည့် အလုပ်ရုံ ဆွေးနွေးပွဲကို ၂၀၁၂ ခုနှစ် ၊ နိုဝင်ဘာလ
အတွင်း ရန်ကုန်မြို့၌ ကျင်းပသွားမည် ဖြစ်ကြောင်း သိရသည်။
အလုပ်ရုံ ဆွေးနွေးပွဲတွင် ပါဝင် ဆွေးနွေးလိုသူများ
အနေဖြင့် အကြံပြု စာတမ်းများကို နိုဝင်ဘာ ၇ ရက် နောက်ဆုံးထား၍ အမျိုးသားပြတိုက် (ရန်ကုန်)
ညွှန်ကြားရေးမှူး ထံ ပေးပို့နိုင်ကြောင်း ၊ အလုပ်ရုံ ဆွေးနွေးပွဲ မှ ရလဒ်များအပေါ် မူတည်၍
အမျိုးသားပြတိုက် (ရန်ကုန်) ကို ပြန်လည် ခင်းကျင်းခြင်း နှင့် အဆင့်မြှင့်တင်ခြင်း
များ ဆောင်ရွက်သွားမည် ဖြစ်ကြောင်း သိရှိရသည်။
.jpg)
No comments:
Post a Comment