တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၏နေအိမ်သို့ CATHOLIC YANGON YOUTH လူမျိုးပေါင်းစုံမှ လူငယ်များအဖွဲ့လာရောက်၍ ခရစ္စမတ် ဓမ္မတေးသီချင်းများ သီဆိုပြီး ငြိမ်းချမ်းရေး ဆုတောင်းစကားများ ဂုဏ်ပြုပြောကြား

-

နေပြည်တော်၊ ဒီဇင်ဘာ - ၂၃  

-

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ နေအိမ်သို့ ယနေ့ ညနေပိုင်းတွင် ရန်ကုန်မြို့ရှိ Catholic Yangon Youth လူမျိုးပေါင်းစုံမှ လူငယ်များ အဖွဲ့ လာရောက်၍ ခရစ်စမတ်ဓမ္မတေး သီချင်းများသီဆိုပြီး ငြိမ်းချမ်းရေးဆုတောင်း စကားများ ဂုဏ်ပြုပြောကြားကြသည်။

-

ဦးစွာ Catholic Yangon Youth လူမျိုးပေါင်းစုံမှ လူငယ်များအဖွဲ့က ခရစ်စမတ် ဓမ္မတေးသီချင်းနှင့် ငြိမ်းချမ်းရေးတေးသီချင်းများသီဆိုကြသည်။ ယင်းနောက် Catholic Yangon Youth လူမျိုးပေါင်းစုံမှ လူငယ်များ အဖွဲ့မှ အဖွဲ့ဝင် ကိုကောင်းပြည့်ပိုင်က ဆုတောင်းစကားပြောကြားရာတွင် ယခုကဲ့သို့ခရစ်စမတ် ဆုတောင်းတေးသီချင်းများ လာရောက်သီဆိုခွင့်ရရှိသည့်အတွက် ကျေးဇူးတင်ရှိပါကြောင်း၊ အခက်အခဲအမျိုးမျိုးကြားမှ နိုင်ငံတော်ကိုကာကွယ်ပေးနေသည့်အတွက် မိမိတို့လူငယ်များအနေဖြင့် ကျေးဇူး တင်ရှိပါကြောင်း၊ မည်သို့အခက်အခဲများရှိနေပါစေ ချစ်ခြင်းမေတ္တာများဖြင့် နိုင်ငံတော် အားဆက်လက် ကာကွယ်ပေးရန် မေတ္တာရပ်ခံလိုပါကြောင်း၊ တပ်မတော်ကာကွယ်ရေး ဦးစီးချုပ်နှင့် တပ်မတော်သား မိသားစုဝင်များအားလုံး စိတ်၏ချမ်းသာခြင်း၊ ကိုယ်၏ကျန်းမာ ခြင်းနှင့်ပြည့်စုံပြီး တိုင်းပြည်အကျိုး ပိုမိုထမ်းဆောင်နိုင်ရန်အတွက်Catholic Yangon Youth လူမျိုးပေါင်းစုံမှလူငယ်များအဖွဲ့မှ ဆုမွန်ကောင်း တောင်းပါကြောင်း ပြောကြားသည်။ ထို့နောက် Catholic Yangon Youth လူမျိုးပေါင်းစုံမှ လူငယ်များအဖွဲ့မှ ခရစ်စမတ်လက်ဆောင်ပစ္စည်းအား တပ်မတော်ကာကွယ်ရေးဦးစီးချုပ်နှင့် ဇနီးဒေါ်ကြူကြူလှထံ ပေးအပ်ပြီး တပ်မတော်ကာကွယ်ရေး ဦးစီးချုပ်နှင့် ဇနီးတို့က ဓမ္မတေးသီချင်းများသီဆို ရာတွင် အသုံးပြုနိုင်ရန်အတွက်လိုအပ်သည့် တူရိယာပစ္စည်း၊ အလှူငွေများ နှင့် လက်ဆောင်ပစ္စည်းများပြန်လည်ပေးအပ်သည်။ 

-

-

ယင်းနောက် တပ်မတော်ကာကွယ်ရေး ဦးစီးချုပ်က Catholic Yangon Youth လူမျိုး ပေါင်းစုံမှလူငယ်များ အဖွဲ့အား နှုတ်ခွန်းဆက်စကား ပြောကြားရာတွင် ယခုကဲ့သို့လာရောက်၍ ဆုမွန်ကောင်းတောင်းပေးသည့် အတွက် ကျေးဇူးတင်ရှိပါကြောင်း၊ မိမိတို့နိုင်ငံသားများ အနေဖြင့် တိုင်းပြည်ကိုတိုးတက်ကောင်းမွန်အောင် ဆောင်ရွက်ရမည်ဖြစ်ကြောင်း၊ မည်သည့်ဘာသာတွင်မဆို အေးချမ်းမှုကိုလိုလားသည်ကိုအဆုံးအမများတွင် တွေ့မြင် နိုင်ကြောင်း၊ သို့သော်တစ်ချို့မှအဓိပ္ပါယ်အမျိုးမျိုးဖွင့်ဆိုပြီး အသုံးချဆောင်ရွက်နေသည် များလည်း ရှိသဖြင့် အားလုံးမှဝိုင်းဝန်းထိန်းသိမ်းပြီး အရှိတရားအတိုင်းဆောင်ရွက်ကြစေလိုကြောင်း၊ မိမိတို့အနေဖြင့် တိုင်းပြည်တည်ငြိမ် အေးချမ်းမှုနှင့် ဖွံ့ဖြိုးတိုးတက်မှုကို လိုလားပါကြောင်း၊ မိမိတို့နိုင်ငံသားများအနေဖြင့် နိုင်ငံတော်တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက်သက်ဆိုင်ရာကဏ္ဍအလိုက် တာဝန်ကျေပွန်စွာ ထမ်းဆောင် ကြရန်လိုကြောင်း၊ ပြီးခဲ့သည့်ဒီဇင်ဘာလ ၂၁ ရက်နေ့က ထာဝရငြိမ်းချမ်းရေးကိုရှေးရှုလျက် ဒေသခံတိုင်းရင်းသားများ၏ ဘေးဒုက္ခကိုစာနာပြီးပစ်ခတ်တိုက်ခိုက်မှုရပ်စဲရေးကြေညာချက်အား နှစ်သစ်ကူး လက်ဆောင်အဖြစ်ထုတ်ပြန်ခဲ့ကြောင်း၊ နိုင်ငံအတွင်းတွင် နေထိုင်ကြသည့် တိုင်းရင်းသားပေါင်းစုံ၊ ဘာသာပေါင်းစုံ ပူးပေါင်းပြီးငြိမ်းချမ်းသာယာဝပြောအောင် ဆောင်ရွက်ကြရမည်ဖြစ်ကြောင်း၊ ယခုခရစ်စမတ် ကာလမှစ၍ အနာဂတ်ကာလတွင် တည်ငြိမ်အေးချမ်းမှု၊ ငြိမ်းချမ်းမှု၊ စိတ်ချမ်းသာမှု၊ ဖွံ့ဖြိုးတိုးတက်မှုများ ရရှိစေရန် ဆုမွန်ကောင်းတောင်းပါကြောင်း ပြောကြားသည်။ 

-

ထို့နောက် တပ်မတော်ကာကွယ်ရေး ဦးစီးချုပ်နှင့် မိသားစုများက Catholic Yangon Youth လူမျိုး ပေါင်းစုံမှ လူငယ်များအဖွဲ့အား စားသောက်ဖွယ်ရာများနှင့် တည်ခင်းဧည့်ခံ ပြီး တပ်မတော်ကာကွယ်ရေးဦးစီးချုပ်နှင့်ဇနီး ဒေါ်ကြူကြူလှ ၊ မိသားစုဝင်များက Catholic Yangon Youth လူမျိုးပေါင်းစုံမှလူငယ်များ အဖွဲ့အား တစ်ဦးချင်းရင်းရင်းနှီးနှီးနှုတ်ဆက်ခဲ့ကြောင်း သတင်းရရှိသည်။

-

#မြ၀တီနေ့စဉ်သတင်းစာ