မန္တလေး ၅-၉-၂ဝ၁၈
မန္တလေး ချမ်းမြသာစည်မြို့နယ် မြရည်နန္ဒာရပ်ကွက် တန်ဖိုးနည်း အိမ်ရာရှိ တိုက်အမှတ်(၁၉) အခန်းအမှတ် (၁ဝ၁)တွင် စက်တင်ဘာ ၃ ရက် မွန်းလွဲပိုင်းက မူးယစ်ဆေးဝါး ရောင်းချသုံးစွဲနေသူ ခြောက်ဦးကို ဖမ်းဆီးရမိခဲ့ကြောင်း သိရသည်။
၎င်းတိုက်ခန်းကို မူးယစ်ဆေးဝါး တားဆီးနှိပ်နင်းရေး ရဲတပ်ဖွဲ့နှင့် အောင်ပင်လယ် နယ်မြေရဲစခန်းမှ တပ်ဖွဲ့ဝင်များက မူးယစ်ဆေး ဝါးသတင်းအရ ဝင်ရောက် စစ်ဆေးခဲ့ရာမှ ဖမ်းဆီးရမိခဲ့ကြောင်း အောင်ပင်လယ်ရဲစခန်းမှ တာဝန်ရှိသူတစ်ဦးက ပြောပြသည်။
တန်ဖိုးနည်းအိမ်ရာ တိုက်အမှတ် (၁၉) အနီးရှိ ပန်းခြံအနီးတွင် မအိသန္တာကျော် ကိုင်ဆောင်ထားသည့် ဆေးလိပ်ဘူးခွံအတွင်းမှ စိတ်ကြွဆေးပြား ၁၉၅ပြား တွေ့ရှိခဲ့ပြီး ၎င်းကို စစ်ဆေးရာမှ အခန်း(၁ဝ၁)အတွင်း ဦးပြည့်ဖြိုးအောင်၊ ဦးချမ်းမြေ့သူနှင့်အမည်မသိ လူနှစ်ဦးတို့ထံမှ မူးယစ်ဆေးဝါး ၂၈၅ပြားကို တွေ့ရှိခဲ့သည်။
ဆက်လက်၍ ဦးပြည့်ဖြိုးအောင်ကို စစ်ဆေးရာ ပြည်ကြီးတံခွန်မြို့နယ် မင်းကြီးရန်နောင်လမ်းနှင့် မင်းရဲကျော်စွာလမ်း၊ ၄၆လမ်းနှင့် ၄၇လမ်းတွင် နေထိုင်သည့် ညီမတော်စပ်သူ ဒေါ်သက်သက်ဖြိုး နေအိမ်တွင် မူးယစ်ဆေးဝါးနှင့် ဆက်စပ်သတင်းရရှိသဖြင့် ဝင်ရောက်ရှာဖွေရာ ဒေါ်သက်သက်ဖြိုးထံမှ ဆေးပြား ၄၁၂ဝဝ ကို ဖမ်းဆီးရမိခဲ့ကြောင်း သိရသည်။
အဆိုပါဖြစ်စဉ်နှင့် ပတ်သက်၍ အိသန္တာကျော်ပါ ခြောက်ဦးကို အောင်ပင်လယ်ရဲစခန်းက (ပ)၁၃/၂ဝ၁၈၊ မူးယစ်ဆေးဝါးနှင့် စိတ်ကိုပြောင်းလဲ စေတတ်သော ဆေးဝါးများဆိုင်ရာ ဥပဒေပုဒ်မ-၁၉(က)/၂ဝ(က)/၂၁(က)ဖြင့် အမှုဖွင့်ေ ဆာင်ရွက်ထားကြောင်း သတင်းရရှိသည်။
# မြဝတီနေ့စဉ်သတင်းစာ
.jpg)
No comments:
Post a Comment